Олимпиадын дүн
Олимпиадын комиссын шийдвэрээр дунд ангиллын 6-р бодлогыг ганцаар бодсон Дархан-Уул аймгийн Оюуны-Ирээдүй цогцолбор сургуулийн сурагч Б.Төрхүүд уран бодолтын шагнал олгохоор боллоо.
Байр эзэлсэн сурагчдын шагналыг IMO-62-ийн дараа тохиромжтой үед гардуулах болно.
ММОХ
Нийтэлсэн: 2021-05-15, Сүүлийн засвар: 2021-05-15
Талархал
ММО-57 олон улсын математикийн олимпиадын сонгон шалгаруулалт сар гаруй хугацаанд үргэлжилэн өнөөдөр 15 цагт дүнгээ танилцуулах гэж байна. Сонгон шалгаруулалтыг амжилттай зохион байгуулахад санхүүгийн талаас бүрэн дэмжлэг үзүүлж ажилласан ММОХ-ны ерөнхийлөгч Ч.Анар (Анд глобал), дэд ерөнхийлөгч Д.Энхтүвшин (MCS) болон удирдах зөвлөлийн нийт гишүүддээ нийт математикийн олимпиадад оролцогсдын нэрийн өмнөөс талархал илэрхийлье.
2-р сарын 17-нд МУИС-ийн захирлын албан үүргийг түр орлон гүйцэтгэгч Б.Очирхуягийн санаачлагаар МУИС дээр төвлөрсөн олимпиадын хороод хуралдан БШУЯ-нд хүсэлт гаргасөн бөгөөд тус хүсэлтийг үндэслэн БШУ-ны Сайдын 2021 оны А/142 дугаар тушаал гарч 2020-2021 оны хичээлийн жилд Олон Улсын Математикийн Олимпиадад оролцох суралцагчдын цахим шалгаруулалтыг орон даяар зохион байгуулахаар болсон юм.
Сонгон шалгаруулалтын бэлтгэл даваанд 21 аймаг, нийслэлээс нийт 3000 гаруй сурагч, үндсэн даваанд нийт 1291 сурагч оролцлоо. Нийт оролцсон сурагчид болон сурагчдаа бэлдэн оролцуулсан багш нартаа цаашид улам илүү амжилт гаргахыг хүсэн ерөөе!
Олимпиадын I, II шатны тестийн бодлогуудыг МУИС-ийн ХШУИС-ийн багш Б.Батбаясгалан, МУБИС-ийн багш Ш.Доржсэмбэ нар болон бусад гишүүд, үндсэн давааны бодлогуудыг доктор Ү.Отгонбаяр ахлагчтай, доктор Г.Баярмагнай, доктор Т.Хулан, доктор Л.Буянтогтох нарын бүрэлдэхүүнтэй бодлогын комисс сонголоо. Нийт бодлого дэвшүүлсэн багш нартаа баярлалаа.
Олимпиадын засалтыг IMО багийн дэд ахлагч, МУИС-ийн багш У.Батзориг ахлан ажиллалаа. 3 долоо хоногийн туршид үндсэн ажлынхаа хажуугаар олимпиадын засалт хийж өндөр ачаалалтай ажилласан бодлого засалтын комиссын нийт гишүүдэд хувийн зүгээс гүн талархал илэрхийлье. Үүний дундаас бусдыгаа манлайлан идэвхи зүтгэлтэй ажилласан олимпиадын хорооны туршлагатай гишүүд болох Т.Базар, Э.Оргил-Эрдэнэ нартаа тусгайлан талархал илэрхийлж байна.
Хамгийн сүүлд Ковид-19 цар тахлын энэхүү хүндрэлтэй нөхцөл байдалд бидний ажлыг алдаа оноотой нь хүлээн авч математикийн олимпиадад оролцож байгаа нийт оролцогсдодоо талархал илэрхийлье.
ММОХ-ны гүйцэтгэх захирал, МУИС-ийн ХШУИС-ийн багш Б.Батбаясгалан,
Нийтэлсэн: 2021-05-15, Сүүлийн засвар: 2021-05-15
Өргөдөл гаргах талаар
Өргөдөл гаргахаас өмнө дараах зүйлсийг бүгдийг нь анхаархалтай уншаарай!
- Хүсэлтийг зөвхөн mmo57sub@gmail.com хаягаар авна. Өөр хаягаар ирүүлсэн хүсэлтийг тооцохгүй.
- Хүсэлтийн subject хэсэгт аль бодлогыг дахин хянуулах тухайгаа болон өөрийн ID-г бичиж ирүүлнэ. ID-гаа дор байгаа материал үзэх хэсгээс харж болно.
- Өөрийн материалыг upload хийгдсэн эсэхийг http://www.mmo.mn/olympiads/student/materials хаягаар шалгаж үзсэн байх. Хэрвээ upload хийгдээгүй бол имэйлээр явуулсан эсэхээ шалгаад аль имэйл хаяг руу хэзээ бичсэнээ тодорхой бичиж явуулна. Upload хийх хүсэлтийг мөн mmo57sub@gmail.com хаягаар ирүүлнэ.
- Оноо нэмэх үндэслэлийг тодорхой бичиж ирүүлсэн байна. Дахин хянуулмаар байна гэх мэт хэт ерөнхий хүсэлт хүлээн авахгүй. Оноо тавих аргачлалын аль хэсэгтэй таарч байгааг, хэрвээ огт өөр аргаар бодсон бол тэр арга чинь үнэхээр болох байсан гэдгийг гүйцэд бодсон бодолт ирүүлж баталгаажуулна. Оноо хэрхэн тавьсан талаарх мэдээллийг удахгүй сайтаар мэдээлнэ.
- Ирүүлсэн хүсэлтийг тань хүлээн авсан эсэхийг материалууд хэсэгт тухайн бодлогын материал дунд өргөдөл тань нэмэгдсэн эсэхээр мэдэж болно. Эхлээд өргөдлийг тань оруулсан эсэхийг заавал шалгаарай!
- Ямар нэг асуудал гарвал 96660036 утсаар холбогдож болно. Би маш завгүй ажилтай байгаа тул аль болох залгахгүйгээр асуудлаа шийдэхийг хичээгээрэй. Бид бүх өргөдөл гомдлыг шийдсэний дараа шалгаруулалтын эцсийн дүнг гаргах тул энэ тал дээр санаа зовохгүй байж болно.
- Та бүхнийг бидний ажлыг ойлгож хүлээцтэйгээр хамтран ажиллана хэмээн найдаж байна.
Нийтэлсэн: 2021-05-10, Сүүлийн засвар: 2021-05-10
Засалтын явцын талаарх мэдээлэл
Засалтыг 2 дахь өдрийн орой гэхэд дуусгахаар төлөвлөж байна. Нэгдсэн дүнг гаргах болоогүй байгаа бөгөөд комиссоор эцэслэн шийдвэрлэсэний дараа нийтэд мэдээлнэ.
Сурагчид өөрсдийн дүнгийн талаарх мэдээллийг Материалаа үзэх хэсгээс харах боломжтой юм.
Нийтэлсэн: 2021-05-10, Сүүлийн засвар: 2021-05-10
Камерын тест
ММО-57-д шалгарсан сурагчдын анхааралд:
- Бүх сурагчдад камерын тест хийх линк явуулсан тул хуваарьт цагтаа тестэд оролцоорой.
- Линкийг batbayasgalan@seas.num.edu.mn хаягаас явуулсан. Хэрвээ имэйл хүлээн аваагүй бол өөрийн спам, junк mail-дээ шалгаж үзсэний дараа дээрх хаяг руу имэйл бичиж мэдэгдээрэй.
- Ахлах ангиллын сурагчдын хувьд дунд ангилал гэсэн имэйл илгээсэн байна. Хэдий тийм боловч имэйлд заасан цагтаа зааврын дагуу холбогдоход ямар нэг асуудал байхгүй гэдгийг анхаараарай.
Нийтэлсэн: 2021-05-07, Сүүлийн засвар: 2021-05-07
Камерын тестээс хоцорсон сурагчид анхаарна уу!
Камерын тестийг имэйлээр явуулсан хуваарийн дагуу хийлээ.
Сурагчдын нэлээд хувь нь камерын тестэд оролцоогүй тул дунд ангиллын үлдсэн сурагчдыг 8-ны өдрийн өглөөний 8 цагаас үргэжлүүлэн тестлэхээр боллоо.
Ахлах ангиллын сурагчидын хувьд бид өнөөдөртөө багтаан утсаар холбогдож камерын тестийг үргэлжлүүлэн хийх болно. Сурагчид өмнө имэйлээр явуулсан линкээр холбогдож өнөөдрийн дотор камераа шалгуулаарай.
Камер шалгуулаагүй тохиолдолд оноог тэглэх асуудал хүртэл яригдах тул сурагчид тестэд заавал хамрагдаарай.
Нийтэлсэн: 2021-05-07, Сүүлийн засвар: 2021-05-07
ММО-57 шалгаруултын бэлтгэл
ММО-57-д шалгарсан сурагчдын анхааралд:
- ММО-57-ийн бодолт хуваарь ёсоор 5-р сарын 8, 9-ны 09:00 цагаас эхэлнэ.
- ММО-57-д оролцох сурагчдад камераар хяналт тавина. Иймд сурагч тус бүр урьдчилж туршилтын холболт хийсэн байна.
- Камерын туршилтыг 5-р сарын 7-ны үдээс хойш хийнэ. Туршилтын цаг нь сурагч тус бүрд өөр байх тул е-мэйлээр очих зааврын дагуу тогтоосон цагт бэлэн байдлаа хангасан байна уу!
- Шаардлагатай тохиолдолд baysa.edu@gmail.com хаягаар холбогдож лавлаарай. Онцын шаардлагагүй бол аль болох мэйл бичиж хүндрэл учруулахгүй байхыг хүсье.
Нийтэлсэн: 2021-05-06, Сүүлийн засвар: 2021-05-06
ММО-57 шалгарсан сурагчдын нэрс
ММО-57 шалгарсан сурагчдын нэр Нэрсийн жагсаалт үзэх.
Нийтэлсэн: 2021-04-30, Сүүлийн засвар: 2021-04-30
II шатны бодолт хамгаалалтын хүсэлт авч дууслаа.
II шатны 2-р өдрийн засалттай холбоотой өргөдөл гомдлыг хүлээн авч системд оруулж дууслаа.
Өөрсдийн хүсэлтийг Материалаа үзэх хэсэгт орж шалгаж үзээрэй!
Нийтэлсэн: 2021-04-22, Сүүлийн засвар: 2021-04-22
II шатны дүнгийн талаар
II шатны 2-р өдөр бодолт хийж илгээсэн сурагчдын материалыг системд оруулж дууслаа. Материалаа үзэх (зөвхөн өөрийн материалыг үзнэ).
Сурагч бүр өөрийн материалыг и-мэйлээр явуулсан материалтайгаа таарч байгаа эсэхийг нягтлаад хэрвээ таарахгүй тохиолдолд материал явуулсан хаягнаас
- дунд ангилал mmo57sub1@gmail.com имэйл хаяг руу,
- ахлах ангилал mmo57sub2@gmail.com имэйл хаяг руу
асуудлаа тодорхой бичиж хандана уу (жишээ нь 1-р бодлогын материал дутуу орсон гэх мэт)! Олон тооны материал гараар системд оруулсан тул алдаа гарсан байж болзошгүй. Иймд та бүхэн хүлээцтай хандаж хамтран ажиллана уу! Хэрвээ явуулсан материал тань системд орсон материалтай таарч байвал имэйл ирүүлэхгүй байхыг хүсье!
Урдьчилсан дүнг өнөөдөр орой гаргахаар төлөвлөж байна. Дүнг гарах үед бодлого хамгаалалт хэрхэн явагдах талаар дэлгэрэнгүй заавар өгнө.
Нийтэлсэн: 2021-04-21, Сүүлийн засвар: 2021-04-21
Нийт оролцогсдын анхааралд
II шатны 2-р өдрийн дүнг лхагва гарагт гаргахаар төлөвлөж байна. Бодлого бүр 7 оноотой.
Юуны өмнө цар тахлын амаргүй цаг үед математикийн олимпиадад оролцож буй та нартаа талархал илэрхийлж амжилт хүсье.
Бид олимпиадаа онлайн хэлбэрээр зохион байгуулахаар бүхий л боломжоо дайчлан ажиллаж байна. Цаг үеийн нөхцөл байдлаас шалтгаалан БШУЯ-наас энэ жил улсын олимпиадыг зохион байгуулахгүй байх шийдвэр гарсан тул бид зөвхөн ОУМО-62-д оролцох сурагчдын сонгон шалгаруулалтыг (9-10 анги), (11-12 анги) гэсэн хоёр ангилалаар зохион байгуулна. Та бүхэн Олимпиад цэсний Олимпиадын хуваарь хэсгээс дэлгэрэнгүй мэдээллийг аваарай. Эхний шалгаруулалт хуваарь ёсоор 4-р сарын 10, 11-нд зохион байгуулагдана.
Олимпиадад оролцох нийт сурагчдын тоо болон олимпиадын хорооны хүчин чадлыг харгалзан шалгаруулалтын эхний шатуудыг нөхөх тестийн хэлбэрээр зохион байгуулахаар боллоо.
Сурагчдад нөхөх тестийн программтай ажиллах дадлага олгох, серверийн хүчин чадлыг шалгах зорилгоор өнгөрсөн долоо хоногт бэлтгэл тест зохион байгуулсан. Бэлтгэл тестээс хоцорсон сурагчдад зориулж 2021-04-09-ны өдрийн 16 цагаас 20 цагийн хооронд тестийг дахин нээж ажиллуулах ба тестийн хугацаа дууссаны дараа дүнг Олимпиадын дүн хэсэгт гаргана. Та бүхэн тестэд оролцож өөрийн бэлэн байдлаа шалгаж үзээрэй.
Тестийн явцад хариултаа хэдэн ч удаа хадгалж болох тул хариултаа тогтмол хадгалаарай. I шатны эхний өдөр хэд хэдэн сурагч цагаас хоцорч хариултаа явуулсан тул оноо нь тооцогдоогүй харамсалтай явдал гарсныг анхаарна уу.
Та бүхэн УОК-оос өгч буй заавар зөвлөгөөг даган биелүүлж өөрийгөө болон өөрийн хайртай хүмүүсээ аюулт өвчнөөс урьдчилан сэргийлээрэй!
Нийтэлсэн: 2021-04-01, Сүүлийн засвар: 2021-04-01
ММО-57 (ОУМО-62-д оролцох багийн сонгон шалгаруулалт)-ыг зохион байгуулах хуваарь
ММО-57 (ОУМО-62-д оролцох багийн сонгон шалгаруулалт)-ыг зохион байгуулах хуваарь
| Огноо | Хэлбэр | Ангилал | Оролцох сурагчид | Дараагийн шатанд шалгарах сурагчдын тоо | Тайлбар | ||
|---|---|---|---|---|---|---|---|
| Нийслэл | Аймгууд | ||||||
| I шат | 2021.04.10, 11 | Нөхөх тест | Дунд (9-10-р анги), Ахлах (11-12-р анги) | Бүртгүүлсэн сурагчид | Хоёр өдрийн нийлбэр дүнгээр ангилал тус бүрд эхний 30 сурагч. Мөн 5-аас цөөн сурагч шалгарсан дүүрэгт нэмэлтээр эрх олгоно. Өөрөөр хэлбэл дүүрэг бүрээс ангилал тус бүрд дор хаяж 5 сурагч шалгарна. (Багануур, Багахангай, Налайх нэг дүүрэг гэж тооцоно) | Ангилал тус бүрд 10 сурагч. | Нөхөх тестийг www.mmo.mn сайтаар бэлтгэл тест зохион байгуулсан форматаар зохион байгуулна. Өдөр бүр 8 бодлого 90 минутын турш бодож уралдана. |
| II шат | 2021.04.17, 18 | 17-нд нөхөх тест, 18-нд уламжлалт 4 бодлого. | Дунд (9-10-р анги), Ахлах (11-12-р анги) | I шатнаас шалгарсан сурагчид | Дунд ≈ 30, ахлах ≈ 30 | Дунд - 2, ахлах - 2 | Хөдөө орон нутгаас 9, 10, 11, 12-р ангийн тус бүр нэг сурагч шалгарна. |
| IMO I сорилго | 2021.04.24, 25 | Уламжлалт, өдөр бүр 3 бодлого | Ахлах | II шатанд хамгийн өндөр амжилт үзүүлсэн дунд ≈ 10, ахлах ≈ 20 | Хөдөө орон нутгаас шалгарсан сурагчдын материалыг шаардлагатай гэж үзвэл нягталсны үндсэн дээр IMO сорилгод оролцуулна. | ||
| IMO II сорилго | 2021.05.01, 02 | Уламжлалт, өдөрт 3 бодлого | Ахлах | ||||
| ММО-57 (эцсийн шалгаруулалт) | 2021.05.08, 09 | Уламжлалт, өдөрт 3 бодлого | Дунд, ахлах | II даваанаас шалгарсан сурагчид | IMO сорилгууд болон ахлах ангилалд авсан онооны нийлбэрээр IMO-д оролцох 6 сурагчийг сонгоно. | ||
Жич: Оноо тэнцсэн тохиолдолд дараагийн шатанд хэдэн сурагч оролцохыг комиссийн гишүүдийн хурлаар шийднэ.
Шалгалтын хуваарь
| Шат | Ангилал | Хэлбэр | Огноо | Эхлэх цаг | Хугацаа |
|---|---|---|---|---|---|
| I шат | Дунд 2 (9-10) | Тест | 2021.04.10, 11 | 09:00 | 1 цаг 30 мин |
| I шат | Ахлах (11-12) | Тест | 2021.04.10, 11 | 11:00 | 1 цаг 30 мин |
| II шат | Дунд 2 (9-10) | Тест | 2021.04.17 | 09:00 | 1 цаг 30 мин |
| II шат | Ахлах (11-12) | Тест | 2021.04.17 | 11:00 | 1 цаг 30 мин |
| II шат | Дунд 2 (9-10), Ахлах (11-12) | Уламжлалт | 2021.04.18 | 09:00 | 4 цаг 30 мин |
| IMO I сорилго | Ахлах | Уламжлалт | 2021.04.24, 25 | 09:00 | 4 цаг 30 мин |
| IMO II сорилго | Ахлах | Уламжлалт | 2021.05.01, 02 | 09:00 | 4 цаг 30 мин |
| ММО-57 (эцсийн шалгаруулалт) | Дунд 2 (9-10), Ахлах (11-12) | Уламжлалт | 2021.05.08, 09 | 09:00 | 4 цаг 30 мин |
Нийтэлсэн: 2021-01-10, Сүүлийн засвар: 2021-01-10
ММОХ-ны намрын уулзалт
ММОХ-ноос эцэг, эх багш нартай хийх уулзалтад урьж байна.
Хэлэлцэх асуудал:
- ММОХ-ны 2019-2020 оны ажлын товч танилцуулга,
- 2020-2021 онд зохиогдох олимпиадууд, УМО, ОУМО-ын сонгон шалгаруулалтыг хэрхэн хийх талаар санал солилцоно.
Нийтэлсэн: 2020-10-13, Сүүлийн засвар: 2020-10-13