ОУМО-58 тайлан (I хэсэг)
: 2017.08.24 | : 34

ОУМО-58 тайлан (I хэсэг): 

ММОХ нь нийслэлийн болон аймаг орон нутгийн боловсролын шат, шатны байгууллагын дэмжлэгтэйгээр ажил хариуцсан мэргэжилтэн, математикийн багш нар, ивээн тэтгэгчидтэй хамтран

  • Бүсийн олимпиадад дэмжлэг үзүүлэх,
  • Хот/аймгийн олимпиадын сэдэв, заавар боловсруулах,
  • Улсын олимпиадыг хамтран зохион байгуулах,
  • ОУМО-д оролцох сурагчдыг шалгаруулах, бэлтгэх, оролцох

гэсэн үндсэн ажлуудыг гүйцэтгэж байна. Тус хорооны бүтэн жилийн ажил бүсийн олимпиадаар эхэлж ОУМО-д багаа оролцуулснаар өндөрлөдөг. Тухайн жилийн олон улсын олимпиадад оролцох багийн ахлагч, дэд ахлагч нар эдгээр ажлыг хариуцан гүйцэтгэдэг юм.

 

1. Сорил, бэлтгэл:

ОУМО-58-ын сорил, бэлтгэл 2017 оны V сарын 15-аас VII сарын 9-ний хооронд явагдлаа. Олон улсын олимпиадад Монгол улсыг төлөөлөн оролцох багийг шалгаруулах 2 шаттай сорилыг Г.Баярмагнай (МУИС), Ү.Отгонбаяр (МУИС) нар хариуцан ажилласан. Шат бүр дараалсан 2 өдөр үргэлжилдэг бөгөөд олон улсын жишгийн дагуу сурагчид өдөр бүр 4 цаг 30 минутын хугацаанд 3 бодлого бодож өрсөлддөг.

            Олимпиадад оролцох сурагчдыг бэлтгэх сургалтын ажилд Г.Баярмагнай (МУИС), Ү.Отгонбаяр (МУИС), Б.Баяржаргал (МУИС), Б.Баясгалан (Олонлог), Т.Хулан (МУИС), Г.Батзаяа (Мат.хүрээлэн), А.Ганбат (Мат.хүрээлэн), Б.Баяржаргал (Олонлог), Б.Ганбат (Эмпати), Т.Базар (МУИС) нар оролцлоо. Бэлтгэлийг ОУМО-ын өмнөх онуудын shortlist (шилэгдсэн бодлогуудын жагсаалт), улс орнуудын сүүлийн үеийн бодлогууд дээр тулгуурлан явуулсан. Үүний зэрэгцээ олон улсын олимпиадын А1, В1 түвшний бодлогуудыг богино хугацаанд гүйцэтгэх, үлдсэн хугацаанд бусад бодлогуудтай ажиллах дээр анхаарч өмнөх онуудын олон улсын олимпиадын бодлогуудын “marking scheme” (оноо өгөх ерөнхий аргачлал) дээр ажиллаа. Мөн сурагчид 2 өдөр дараалан 4 цаг 30 минут сууж бодлого бодох дасгал хийсэн.

            Бэлтгэл явуулах анги, танхимаар хангасан МУИС, Шинэ Монгол Технологийн дээд сургуульд, сурагчдын чөлөөт цагийг өнгөрүүлэх бололцоо олгосон УБ хотын 1 сургуульд, бэлтгэлийн сүүлийн өдрүүдэд сурагчдыг зуны зусландаа хүлээн авсан Олонлог сургуульд бэлтгэлд хамрагдсан нийт багш, сурагчдын өмнөөс талархал илэрхийлье.

2. Багийн бүрэлдэхүүн:

2015 онд нийтэд ил зарласан дүрмийн дагуу улсын математикийн олимпиадын болон 2 шаттай сорилын дүнд үндэслэн ОУМО-58-д оролцох 6 сурагчийг сонгон шалгаруулсан бөгөөд холбогдох мэдээллийг mmo.mn хуудсаар цаг тухайд нь нийтэд мэдээлж байсан болно. Мөн багийн бүрэлдэхүүнд багтах хүсэлт гаргасан багш Б.Баяржаргал (дундын багш нарын ангилалд 5 дахь удаагаа УМО-д түрүүлэхэд нь олон улсын олимпиадад оролцох эрхээр хорооноос шагнасан), багш З.Бат Эрдэнэ (шат, шатны математикийн олимпиадад өндөр амжилт гаргасан олон сайн шавь бэлтгэсэн) нарыг С ажиглагчаар оролцууллаа.

Багийн  бүрэлдэхүүн

            Багш нар

            Ахлагч: Г.Баярмагнай

            Дэд ахлагч: Ү.Отгонбаяр

            Ажиглагч С: Б.Баяржаргал (Олонлог), З.Бат Эрдэнэ (1 сургууль)

Сурагчид:

            MNG1:  С.Цэнд Аюуш (Эмпати сургууль)

            MNG2:  Н.Эрхэс (Оюунлаг сургууль)

            MNG3:  Х.Санжаахүү (Эмпати сургууль)

            MNG4:  Б.Алтангэрэл (Эмпати сургууль)

            MNG5:  Б.Батмэнд (УБ 1-р сургууль)

            MNG6:  М.Лханаажав (Олонлог сургууль)

3. Санхүүгийн товч тайлан

Энэ удаагийн бэлтгэлд хот, хөдөөгийн 33 сурагч хамрагдсанаас нэр бүхий 3 сурагчид ММОХ-ноос төлбөрийн хөнгөлөлт үзүүлсэн. Төлбөрөөс нийт 8,015,000 төгрөг төвлөрсөн бөгөөд дараах үйл ажиллагаанд зарцууллаа.

 
Үйл ажиллагаа
Дүн
/мян. ₮/
Тайлбар
1
Сорилын үйл ажиллагаанд
880
Бодлого, засалт
2
Багш нарын цалин
3,300
Нийт 10 багш оролцов.
3
6 сурагчийн төлбөрийн буцаан олголт
1,500
Шалгарсан сурагчид IMO­-д оролцохоор очих, ирэх үед зайлшгүй гарах зардалд зарцуулах, үлдсэнийг буцаан олгодог.  
4
Бага, дунд ангийн баг IMC-д оролцоход дэмжлэг
500
Бодлогын чанартай дэмжлэг юм.   
5
ОУМО-д ажиглагч С оролцуулах зардалд
1,450
Мөн цуврал борлуулсан орлогыг зарцуулав.
6
Бусад зардал
450
IMO­-д оролцох үед хэрэглэх болон хандивлагчдад бэлэг дурсгалын зүйлс авах
 
Нийт
8,080
 

Энэ жилийн математик, физик, хими, биологи, мэдээлэл зүйн олон улсын олимпиадад оролцох багуудад зориулан төсөвлөсөн төсөв нь хүрэлцээгүй учраас багуудад зарим төрлийн зардлыг БСШУСЯ бүрэн олгож чадаагүй. Үүссэн асуудлыг шийдвэрлүүлэхээр бусад хороодтой хамтарч шинэ сайдад хандан хүсэлт гаргасан боловч боломжгүй гэсэн хариуг авсан. Математикийн багийн хувьд зөвхөн 8 гишүүний замын зардал шаардлагатай, яамнаас нэлээд ѳндѳр дүнтэй тѳсѳв баталж ѳгсѳн хэдийч билетийн үнэ өндөр байснаас шалтгаалан төсөв нэлээд хэмжээгээр дутсан болно. Замын зардлын зөрүүг төлөх, тохиромжтой нислэг сонгох, нислэгийн тийз захиалах зэрэг асуудлаар нягт хамтарч ажилласан эцэг эхчүүдэд хорооны нэрийн өмнөөс талархал илэрхийлье. Мөн ОУМО-58-д оролцоход зориулан хандив өгсөн

            1. Глобалсмарт сольюшн ХХК (1 сая төгрөг),

            2. Суперрубин ХХК (0,5 сая төгрөг),

            3. Пролианс ХХК (0,5 сая төгрөг),

            4. Анд системс ХХК (1 сая төгрөг),

            5. Номин констракшн ХХК (1 сая төгрөг)

компаниудад багийн нийт гишүүдийн өмнөөс талархал илэрхийлье. Хандивийг дараах үйл ажиллагаанд зарцуулсан болно.

1
ОУМО-ын Booklet бэлтгэх, хэвлүүлэх
1050
2
Билетийн төлбөрт
2,950
 
Нийт
4,000