1. Цифрүүд нь хоорондоо ялгаатай, 5 оронтой хамгийн их тооноос 5 оронтой хамгийн бага тоог хассан ялгавар хэдтэй тэнцүү вэ?

Хариу: 88531

2. А, Б, В, Г, Д, Е гэсэн 6 баг хөлбөмбөгийн тэмцээнд оролцож нэг баг 1-р байр, нэг баг 2-р байр, хоёр баг хамтдаа 3-р байр эзэлж үлдсэн багууд байр эзлэхгүй байхаар дүгнэх болов. Багуудын тоглолт хэчнээн янзаар дуусч болох вэ?

Хариу: 180

3. 2-т хуваагддаг эсвэл 5-д хуваагддаг эсвэл 10-д хуваагддаг тоог "сайн тоо" гэе.
$$10,11,12,\dots,98,99$$
тоонууд дотор хэдэн сайн тоо байх вэ?

Хариу: 54

4. 19 метр туузны зүүн талын хэсэг нь ногоон өнгөтэй, дундаж хэсэг нь улаан өнгөтэй, баруун тал нь хөх өнгөтэй байв. Ногоон өнгөтэй хэсгийн голын цэгээс хөх өнгөтэй хэсгийн голын цэг хүртэлх зай 12 метр бол туузны улаан өнгөтэй хэсэг хэдэн метр вэ?

Хариу: 5

5. Долгор эмээд байсан сүү савтайгаа нийлээд 10 кг жинтэй байжээ. Эмээ сүүнийхээ хагасыг Дулмаа эмээд, үлдсэн сүүний хагасыг Думаа эмээд өгч үлдсэн сүүнийхээ хагасыг Дууяа эмээд өгчээ. Үлдсэн сүү нь савтайгаа 3 кг жинтэй байсан бол Долгор эмээгийн сүүний сав хэдэн кг жинтэй вэ?

Хариу: 2

6. Гурвалжны оройнууд дээр 1, 2, 3 гэсэн гурван тоог бичсэн байв. Минут тутам гурвалжны оройнууд дээрх тоог арчаад оронд нь орой бүр дээр нөгөө хоёр орой дээр бичигдсэн байсан хоёр тооны нийлбэрийг бичнэ. 10 минутын дараа оройнууд дээрх тоонуудын нийлбэр хэдтэй тэнцүү болох вэ?

Хариу: 6144