Мэдээлэл №1
2023-2024 оны хичээлийн жил бол Монголын Математикийн 60-р Олимпиад зохион байгуулагдах түүхэн ач холбогдол бүхий жил юм.
Энэ хичээлийн жилийн хувьд Боловсролын Хууль шинээр батлагдсантай холбогдон олимпиад зохион байгуулах журам шинээр хэлцэгдэж байгаагаараа онцлог юм.
Одоогийн байдлаар олимпиадын 1-р даваа сургуулийн хэмжээнд (сурагчдын I улирлын амралтаар), 2-р даваа аймаг, дүүрэг; бүс, УБ хот гэсэн 2 шаттай (сурагчдын II улирлын амралтаар), 3-р даваа улсын олимпиад (сурагчдын III улирлын амралтаар) байхаар яригдаж байна. Бид тун удахгүй журам батлагдах үед хуваарийг нарийвчлан гаргана.
Үүнээс гадна ММОХ-ны зүгээс жил бүр уламжлал болон зохион байгуулж байгаа Ираны Геометрийн олимпиадад 3 дахь удаагаа оролцохоор болоод байна. Энэ жилийн хувьд ИГО-10 нь 10-р сарын 20-нд уламжлал ёсоор УБ хотын I сургууль дээр зохион байгуулагдана. Мөн олон улсын нэр хүнд бүхий APMO олимпиадад (2024 оны 3-р сар) албан ёсоор оролцохоор болоод байгааг дуулгахад таатай байна.
Бид жил бүрийн намар уламжлал болгон зохион байгуулдаг эцэг, эх, багш нартай хийх уулзалтаа 10-р сарын 10-ны Мягмар гарагт онлайнаар хийхээр төлөвлөж байна. Онлайн хурлын линкийг удахгүй байршуулах болно. Та бүхэн өргөнөөр оролцож санал, хүсэлтээ илэрхийлнэ үү.
Microsoft Teams meeting
Join on your computer, mobile app or room device
Нийтэлсэн: 2023-10-03, Сүүлийн засвар: 2023-10-03