STAR хөтөлбөр, IMO дугуйлан

АНУ-ын Global Talent Network ТББ-аас зохион байгуулдаг STAR хөтөлбөрийн 2023 оны хаврын ээлжид амжилттай оролцож 1000 ам.долларын шагнал авсан А.Ивээлд шагналыг гардуулж өглөө. Тус хөтөлбөрийн 2024 оны хаврын ээлж одоо явагдаж байгаа билээ. Нийт оролцогчдодоо амжилт хүсье!

Мөн Монголын Математикийн Олимпиадын Хороо дээрх байгууллагаас Олон Улсын Математикийн Олимпиадад оролцох багаа бэлтгэх 10 000 ам.долларын санхүүжилт авсныг энд дуулгахад таатай байна. Энэ санхүүжилтийн хүрээнд 2023/12/04-2024/02/05 хооронд эхний сургалтыг зохион байгуулсан. Сургалтын дараагийн ээлжийг 2024/03/04-2024/03/29 хооронд Дунд болон Ахисан гэсэн хоёр түвшинтэйгээр зохион байгуулахаар төлөвлөж байна. Сургалтад улсын математикийн олимпиадын II давааны II шатанд E болон F ангилалд эхний 20 байранд шалгарсан сурагчид хамрагдах боломжтой. Сургалтын энэ жилийн сүүлчийн ээлж 2024/04/15 өдрөөс 2024/06/07 хүртэл үргэлжилнэ.

Нийтэлсэн: 2024-02-19, Сүүлийн засвар: 2024-02-19