Уулзалт боллоо
2018-10-11-ний өдөр ММОХ-оос зохион байгуулсан уулзалтаар ТББ-ын үйл ажиллагаа, эндаумент сангийн талаар мэдээлэл өгч 2018-2019 оны хичээлийн жилд хорооноос хийж гүйцэтгэх ажлын батлагдсан төлөвлөгөөг танилцуулж чөлөөт хэлэлцүүлэг өрнүүллээ.
ММОХ-ны 2018-2019 оны хичээлийн жилд явуулах үйл ажиллагаа
· Бүсийн олимпиад
· Аймаг/Хотын олимпиад
· УМО-55
· ОУМО-60
Ø Бүсийн математикийн IV олимпиад 2018 оны 10 дугаар сарын 20-нд сурагчид, бага ангийн багш, дунд ангийн багш ангиллуудаар зохион байгуулагдана. Oноогоор тэргүүлсэн 9-12 ангийн сурагчдад Улсын Математикийн 55-р Олимпиадад оролцох эрх олгоно.
Ø Аймаг/хотын олимпиад уламжлалын дагуу 7-12 анги, бага болон дунд ангийн багш ангиллаар явагдана. Хотын олимпиадыг дараах дүүргүүдэд хуваан явуулна. Үүнд:
· Багануур, Налайх, Багахангай хамтарч
· Баянгол,
· Баянзүрх,
· Сонгино Хайрхан
· Сүхбаатар
· Хан Уул
· Чингэлтэй
Дүүргүүд 4 сурагч, 2 багшийн (дунд ангийн) бүрэлдэхүүнтэй багийг УМО-55-д оролцуулна. УМО-55-д оролцох УБ хотын сурагчдын үлдсэн квотыг “UB оноо”-оор хуваарилна.
Ø Улсын Математикийн 55 олимпиад сурагчдын хувьд дунд болон ахлах, багш нарын хувьд дунд ангийн багш гэсэн ангиллаар явагдана.
· Аймаг/хотын олимпиадаас эрхээ авсан IX, X ангийн сурагчид дунд ангилалд, XI, XII ангийн сурагчид ахлах ангилалд оролцоно.
· Сурагчдын бодолтыг аймаг/дүүрэг-ээ төлөөлөн оролцож буй дунд ангийн 2 багш хамгаална. Хорооноос сурагчдын материалыг хувилж багш нарт урьдчилж өгнө.
Ø ОУМО-60-ын сорил өмнөх жилийнхтэй адилаар явагдана.
Жич: XI, XII ангийн сурагчид ОУМО-60-ын сорилоор дамжин УМО-55-д оролцож болно.
Хурлын Шийдвэр:
Тус уулзалтаар 2018 оны 10 сарын 18-ний (Пүрэв гараг) 15 цагт дахин уулзалт зохион байгуулах шийдвэр гаргалаа. Ирэх долоо хоногт болох тус уулзалтаар УМО-55-д оролцох эрх олгох “UB оноо” тооцох олимпиадуудыг тодорхойлох юм.
Монголын Математикийн Олимпиадын Хороо
Нийтэлсэн: 2018-10-12, Сүүлийн засвар: 2018-10-12