ОУМО-61-д Монголын сурагчид амжилттай оролцлоо

Ковид-19 цар тахлын улмаас анх удаагаа виртуал хэлбэрээр зохион байгуулагдсан Олон Улсын Математикийн 61-р олимпиадад Монгол улсын баг амжилттай оролцож 1 алт, 2 мөнгө, 1 хүрэл медаль хүртэж нийт 135 оноогоор дэлхийн 105 орноос 29-р байрт шалгарлаа.

Ковид-19 цар тахлын онцгой нөхцөл байдлын үед ОУМО-ын сонгон шалгаруулалтыг амжилттай зохион байгуулахад гүн туслалцаа үзүүлсэн Нийслэлийн Сүхбаатар дүүргийн 1-р сургууль, аймгуудын БСУГ-ууд, Монгол улсын ардын багш Ү. Маам захиралтай Шинэ-Үе сургууль, Физик-Математикийн гүнзгийрүүлсэн сургалттай 11-р сургуулийн хамт олон, Баянхонгор аймгийн Алгоритм сургууль, ОУМО-ыг зохион байгуулах хорооноос албан ёсоор сонгогдон Монгол улсад олимпиад зохион байгуулах ажлыг хариуцан ажилласан МУИС-ийн ШУС-ын багш Д. Даянцолмон, мөн олимпиадыг зохион байгуулахад дэмжлэг үзүүлж өөрийн байранд зохион байгуулсан Оросын Шинжлэх Ухаан Соёлын төв, дэмжлэг үзүүлж ажилласан Оросын Холбооны Улсын элчин сайдын яаманд ММОХ-ны нэрийн өмнөөс гүн талархал илэрхийлье. Түүнчлэн олимпиадын бэлтгэл сорилгуудыг ивээн тэтгэсэн Б. Батбаасан захиралтай Cosmo группын хамт олонд онцгойлон талархал илэрхийлье.

Жилийн туршид бидний үйл ажиллагааг дэмжиж ажилласан:

ММОХ-ны ерөнхийлөгч Ч. Анар (АНД Глобал Компанийн Үүсгэн Байгуулагч, Гүйцэтгэх Захирал), ММОХ-ны Дэд Ерөнхийлөгч Д. Энхтүвшин (М-Си-Эс Группийн Дэд Ерөнхийлөгч), Дэд Ерөнхийлөгч Ж.Оюунгэрэл (Петровис ХХК-ийн ТУЗ-ийн Дарга) Удирдах зөвлөлийн гишүүн доктор Ү. Отгонбаяр, Г. Баярмагнай, гүйцэтгэх зөвлөлийн санхүү хариуцсан сайн дурын ажилтан Г. Номин, олон нийтийн асуудал хариуцсан сайн дурын ажилтан Б. Энхмэнд нартаа нийт багш сурагчдынхаа өмнөөс талархал илэрхийлье.

Нийтэлсэн: 2020-08-01, Сүүлийн засвар: 2020-08-01

IMO-61 II шатны бодлогууд ба тэнцсэн сурагчдын бодолтууд

Нийтэлсэн: 2020-06-19, Сүүлийн засвар: 2020-06-19

Сонгон шалгаруулалтын зар

Сонгон шалгаруулалтын зар

AoPS цахим хуудаснаас анх удаа цахим уралдаан зохион байгуулах гэж байна. Улс бүрээс 8 хүртэлх тооны сурагч оролцох боломжтой бөгөөд 8 сурагчийн дор хаяж 2 нь эмэгтэй сурагч байх ёстой юм байна. Багийн 6 эрэгтэй сурагчийг IMO багаас бүрдүүлэх бөгөөд эмэгтэй сурагчдын дунд сонгон шалгаруулалт зарлаж байна. Шалгаруулалтад орох хүсэлтэй сурагчид 6-р сарын 17-ны дотор

batbayasgalan@num.edu.mn хаяг руу овог, нэр, сургууль, анги, утасны дугаар, и-мэйл хаягаа явуулж бүртгүүлнэ үү.

Сурагчдад тавигдах шаардлага: Өмнө нь олимпиадад оролцож байсан 19-өөс доош насны ахлах ангийн (дунд ангийн сурагч байж болно) эмэгтэй сурагч байна.

Cyberspace Mathematical Competition (CMC).

The CMC is a fun, high-level online invitational international contest for high school students, with teams of up to 8 people from each participating country, territory, or geographical region. The actual contest will take place on July 13-14, and consists of 4 essay-proof problems per day, with a 5-hour time limit. Other events will range from approximately July 10 to July 21. Registration (by invitation) will begin on July 1.

The CMC’s mission is to provide a fun summer opportunity for the world’s top young math students to engage with challenging and interesting problems, and meet---at least virtually---peers from other countries. AoPS will provide a robust platform that will facilitate the contest itself, along with forums for socializing, and other mathematical activities during the course of the CMC.

Please read the attached announcement for more information. This is an invitational contest; we are contacting you because of your association with the IMO, and consequently your ability to recruit high-level participants. Each team will be selected and organized by a team leader---that will be you, or someone whom you appoint. If you are interested in registering a team (or appointing another leader to do so), please fill out the form at this link as soon as possible. It is important for us to get a sense of how many participants to accommodate.

We hope to “see” you soon at the CMC!

Нийтэлсэн: 2020-06-17, Сүүлийн засвар: 2020-06-17

IMO-61 шалгаруулалтын эцсийн дүн

II шатны шалгаруулалтын дүн

Шалгарсан сурагчид

М. Өнөболд, УБ-1-р сургууль, О. Мишээл, Шинэ-Монгол сургууль, А. Нямдаваа, Сант сургууль, Б. Хантүшиг, УБ-11-р сургууль, Б. Батсамбуу, Олонлог сургууль, Д. Энэрэлт, Сант сургууль.

Нийт шалгарсан сурагчиддаа IMO-61-дээ амжилттай оролцохыг хүсье.

Нийтэлсэн: 2020-06-13, Сүүлийн засвар: 2020-06-13

IMO-61 II шатны сорилгын дүн

2-р шатны сорилгын урьдчилсан дүн гарлаа. Урьдчилсан дүн

Бодлого хамгаалалт 13-ны 12:00-16:00-д Түшээ дээд сургуулийн 306 тоотод болно. Заавал урьдчилж хүсэлтээ ирүүлсэн байх шаардлагатай.

Лавлах утас: 95320036, 96660036

Нийтэлсэн: 2020-06-02, Сүүлийн засвар: 2020-06-02

IMO-61-ийн I шатны шалгаруулалтын дүн

IMO-61-ийн I шатны шалгаруулалтын урьдчилсан дүн гарлаа. IMO-61-ийн I шатны шалгаруулалтын урьдчилсан дүн

Уламжлал ёсоор шалгаруулалтад амжилттай оролцсон 30 хүртэлх тооны сурагчид II шатны шалгаруулалтад оролцох эрх, улсын олимпиадын эцсийн даваанд оролцох эрх олгох юм. Дүнтэй холбоотой санал, гомдлыг 2-р сарын 1 хүртэл batbayasgalan@num.edu.mn хаягаар авна.

Нийтэлсэн: 2020-01-24, Сүүлийн засвар: 2020-01-24

IMO-61, I шатны 1-р сорилгын дүн (УБ)

Сорилгын дүн харах

Бодлогууд

I шатны 2-р сорилго 12-р сарын 23-ны даваа гарагийн 14 цагт болно.

Нийтэлсэн: 2019-12-15, Сүүлийн засвар: 2019-12-15

I шатны I сорилгын зар

2020 онд Оросын холбооны улсын Санкт-Петербург хотод зохион байгуулагдах олон улсын математикийн 61-р олимпиадын I шатны эхний сорилгыг 12-р сарын 15-ны 10 цагт I сургууль дээр зохион байгуулна. Оролцох сурагчид batbayasgalan@num.edu.mn хаягаар бүртгүүлнэ үү (овог, нэр, сургууль, анги, холбоо барих утас). Хөдөө орон нутагт оролцох сонирхолтой сурагчид аймгийнхаа БСУГ-т хандаж бүртгүүлээрэй.

Нийтэлсэн: 2019-12-09, Сүүлийн засвар: 2019-12-09

Европын охидын олимпиадад оролцох баг сурагчдын сонгон шалгаруулалт

Европын охидын олимпиадад оролцох баг сурагчдын сонгон шалгаруулалт 11-р сарын 30-ны 15 цагт МУИС-ийн хичээлийн 1-р байрны 118 тоотод болно. Олимпиадад оролцох нэг сурагчаас ойролцоогоор 10 сая орчим төгрөгийн зардал гарах бөгөөд энэ талаар мэдээллийг өмнөх уулзалтаар танилцуулсан. Шалгарсан сурагчид 12-р сарын 7-ны дотор олимпиадын хураамж болох 1750 еврог ММОХ-ны дансанд тушаах ёстойг анхаарна уу! Бүртгүүлэх сурагчид baysa.edu@gmail.com хаягаар мэдээллээ (Овог, нэр, төрсөн огноо, сургууль, эцэг /эх/-ийн нэр, эцэг /эх/-ийн утасны дугаар) явуулаарай.

Нийтэлсэн: 2019-11-25, Сүүлийн засвар: 2019-11-25

Дүүрэг, бүсийн олимпиадын бодлогуудын бодолт

Дүүрэг, бүсийн олимпиадын бодлогуудын бодолт. Бодлого бүр 7 оноотой.

Нийтэлсэн: 2019-10-19, Сүүлийн засвар: 2019-10-19

Монголбанкны Ерөнхийлөгчийн Нэрэмжит Шилжин Явах Цом

Бүсийн математикийн олимпиадыг МонголБанк нийт 16 сая төгрөгөөр ивээн тэтгэн 4 бүсэд зохион байгуулж байна. Оюунлаг ирээдүйг цогцлоон бүтээхэд үнэтэй хувь нэмэр оруулж буй МонголБанкны хамт олонд баярлалаа.

МонголБанкны ерөнхийлөгчийн нэрэмжит шилжин явах цомыг дараах байдлаар байр эзлүүлж олгоно.

Алтан медаль 3, Мѳнгѳн медаль 2, Хүрэл медаль 1 оноо байхаар тооцож аймаг тус бүрийн авсан медалийг оноонд шилжүүлнэ. Аль их оноотой аймагт Монголбанкны ерѳнхийлѳгийн нэрэмжит цомыг олгоно.

Оноо тэнцсэн тохиолдолд медалийн чанараар, чанараар тэнцсэн тохиолдолд медальт багш, сурагчийн онооны нийлбэрээр шийднэ.

Нийтэлсэн: 2019-10-17, Сүүлийн засвар: 2019-10-17

Багш, Эцэг Эхийн Төлөөлөлтэй Хийсэн Уулзалт

2019-2020 оны хичээлийн жилд олимпиад хэрхэн зохион байгуулах талаар багш, эцэг эхчүүдийн санал авч төлөвлөгөөгөө танилцуулав.

2019 оны 9-р сарын 21-ны 10 цагт МУИС-ийн хичээлийн 1-р байранд багш, эцэг эхийн төлөөлөлтэй уулзалт зохион байгуулан санал, хүсэлт авч, УБ оноотой олимпиад зохион байгуулах сургуулиудын тогтлоо. Уулзалтад ММОХ-г төлөөлж ММОХ-ын гүйцэтгэх захирал Б. Батбаясгалан, МУИС-ийн багш доктор Т. Хулан нар оролцов.

2019 оны хичээлийн жилд зохион байгуулахаа илэрхийлсэн дараах олимпиадуудад УБ оноо тооцохоор тогтлоо.

1. Бага сунгаа (31-р сургууль)
2. Сайн гараа (11-р сургууль)
3. Тусгаар тогтнолын олимпиадын 1-р шат
4. Эхлэл
5. МУБИС-ийн деканы нэрэмжит олимпиад
6. Орчлон
7. Их сунгаа (1-р сургууль)
8. Хотын олимпиад

Эдгээр олимпиадыг зохион байгуулагчид хуваариа нэн даруй ММО-д өгөх шаардлагатай байна.

УБ оноог хот, улсын олимпиадын аль алинд нь ашиглах бөгөөд аль шатнаас хэдэн сурагч шалгарах квотыг ММО-ын гүйцэтгэх зөвлөлөөр хэлэлцэж удахгүй нийтэд түгээнэ.

Мөн эцэг эх, багш нараас гарсан дараах саналуудыг ММО-ын гүйцэтгэх зөвлөлд уламжилж үйл ажиллагаандаа тусгах талаар анхаарах болно.

1. Олон улсын сорилгын хуваарийг бусад олимпиадтай давхцуулахгүй байх талаар анхаарах.
2. УБ оноог ил болгох.
3. Олимпиадын цуврал удаж гарч байгаа тул аль болох хурдан гаргах.
4. Олон улсын олимпиадад оролцох гэж анги улирдаг байдлыг цаашид болиулах талаар дүрмэнд тусгах.
5. Олон улсын олимпиадын бэлтгэлд улсын аварга болж байгаа, сайн шавь бэлдэж байгаа багш нарыг урилгаар оруулж өндөр цалин олгох.
6. Бага, дунд ангийн олимпиадыг дэмжиж ажиллах.

Нийтэлсэн: 2019-09-25, Сүүлийн засвар: 2019-09-25

Европын охидын математикийн 9-р олимпиадын зар

Европын охидын математикийн 9-р олимпиад 2020 оны 4-р сарын 15-21-нд Голланд улсын Egmond aan Zee (хойд эргийн жижиг тосгон) гэдэг газар болно.

Тус олимпиадыг зохион байгуулагчдын зүгээс ММОХ-д хандан оролцох урилга ирүүлсэн бөгөөд бид бүхэн 10-р сарын 1-наас өмнө оролцох эсэх хариугаа мэдэгдэх ёстой.

Өмнө нь 2018 онд 4 сурагч 2 багштай баг оролцож 1 мөнгө, 3 хүрэл медаль хүртэж өндөр амжилт үзүүлсэн. Эдгээр сурагчдаас 2 нь 2019 онд олон улсын математикийн олимпиадад шалгарч оролцсон, 1 сурагч нь АНУ-ын MIT их сургуульд тэтгэлэгээр элсэн суралцахаар болсон.

Тус олимпиад нь зөвхөн Европын улсуудад зохиогддог тул Европын бус улсууд оролцох тохиолдолд хүүхэд, багш бүрээр нэмэлт хураамж төлдөг. Энэ жилийн хураамж нэг хүүхдийн 1000 евро, нэг багшийн 1500 евро. Энэ хураамжаас гадна ирж очих тасалбар, олимпиадын бэлтгэл гээд зардлууд нэмэгдэнэ.

Тус олимпиад нь боловсролын яамнаас батлагдсан олон улсын уралдаан тэмцээний жагсаалтад ордоггүй тул боловсролын яамнаас ямар нэг байдлаар зардал дээр дэмжлэг үзүүлдэггүй.

Түүнчлэн олимпиадын бодлогыг орчуулах, сурагчдын бодолтыг хамгаалах багийн ахлагчаас гадна сурагчдаа хариуцаж авч явах, багийн ахлагчид туслах нэг багш хэрэгтэй тул хоёр багш зайлшгүй оролцох шаардлагатай. Эдгээр багш нарын зардлыг ММОХ хариуцах боломжгүй тул олимпиадад оролцох сурагчдаас гаргах шаардлагатай болдог. 2018 оны хувьд нэг оролцогчоос ойролцоогоор 10 сая орчим төгрөг гаргасан.

https://www.egmo.org/egmos/egmo9/regulations/

ММОХ-ны зүгээс тус олимпиадад оролцох хүсэлтэй сурагчдын дунд урьдчилсан шалгаруулалт явуулах бөгөөд шалгарсан сурагчид дээр дурдсан зардлыг хуваан төлөх шаардлагатай юм.

Олимпиадад оролцох хүсэлтэй сурагчдын багш, эцэг эхийн төлөөлөлтэй хийх уулзалт 2019 оны 9-р сарын 28-ны Бямба гарагт Түшээ дээд сургуулийн 306 тоот өрөөнд болно.

Сонирхсон хүмүүс болон тус олимпиадад оролцох сурагчдад дэмжлэг үзүүлэх сонирхолтой албан байгуулага, хувь хүмүүс өргөнөөр оролцоно уу.

Холбогдох утас: 95320036, 96660036.

Нийтэлсэн: 2019-09-25, Сүүлийн засвар: 2019-09-25