1. Дэлгүүрээс 7 кг алим, 8 кг гадил, 5 кг усан үзэм авахад 9 кг алим, 12 кг гадил, 3 кг усан үзэм авсантай ижил үнэтэй байв. Яг энэ мөнгөөрөө 3 кг алим аваад үлдсэнд нь усан үзэм авчээ. Хэдэн кг усан үзэм авсан бэ?

2. Нэгж талтай $ABCD$ квадратын $A$ оройг дайрсан $BC$, $CD$ хэрчмүүдийг шүргэдэг тойргийг $\omega$ гэе. $ABCD$ квадрат болон $\omega$ тойргийн огтлолцолд үүсэх дүрсийн талбайг ол.

3. Аль ч хоёр нь параллел биш, аль ч гурав нь нэг цэгт огтлолцдоггүй зургаан шулуун өгөгдөв. Огтлолцлын $15$ цэг дотроос аль ч гурав нь нэг шулуун дээр оршдоггүй таван цэгийг хэдэн янзаар сонгож авч болох вэ?

4. $A\times \overline{PRIME} = \overline{EMIRP}$ байх $A$ цифр ба $\overline{PRIME}$ тоог ол. Энд ялгаатай үсгээр ялгаатай цифрийг тэмдэглэсэн ба $P$, $E$ цифрүүд тэгээс ялгаатай.