Mathematical Summer in Paris – an online event from June 26th to 30th 2023

Нийтэлсэн: 2023-05-26, Сүүлийн засвар: 2023-05-26

ОУМО 64 бэлтгэл №3

IMO бэлтгэл R3 сургалтын төв (нисдэг машин төвөөс зүүн тийшээ 16 давхар байрны 1 давхарт) дээр явагдана.

Хичээлийн хуваарь:

Даваа, Мягмар, Лхагва

Үдээс өмнө: 10-12,

Үдээс хойш: 13-15.

Пүрэв, Баасан сорилго 9:00-13:30.

Бүртгүүлсэн сурагчид (нэр жагсаалтад ороогүй бол batbayasgalan@seas.num.edu.mn хаягаар дахин бүртгүүлээрэй!)

Нийтэлсэн: 2023-05-08, Сүүлийн засвар: 2023-05-08

ОУМО 64 бэлтгэл №1

ОУМО-64 бэлтгэл 05.08 өдрөөс 06.16 хооронд хичээллэнэ. Даваа-Лхагва гарагт хичээл орох ба Пүрэв, Баасан гарагуудад 9:00-13:30 цагт ОУМО хэлбэрийн сорил авна.

Бэлтгэлд ОУМО-д шалгарсан сурагчдаас гадна нэмэлтээр 15-20 сурагч авна. Тоо хэтэрсэн тохиолдолд сорилын дүнгээр хэн өндөр оноо авсныг нь авна.

Бүртгүүлэх сурагчид batbayasgalan@seas.num.edu.mn хаягаар өөрийн Овог, Нэр, Сургууль болон ID-г ирүүлнэ үү. Хүсэлтийг 5/8 (Да) өдрийг дуустал хүлээн авах ба шалгарсан сурагчдад и-мэйлээр мэдэгдэнэ.

Төлбөр 300'000 төгрөг. Төлбөр төлөх данс:

Банкны нэр: Хас Банк

Дансны нэр: ММОХ ТББ

Дансны дугаар: 5002404488

төлбөр төлснөөр бүртгэл баталгаажина.

Нийтэлсэн: 2023-05-04, Сүүлийн засвар: 2023-05-04

Ираны геометрийн олимпиадын сертификат

Ираны геометрийн олимпиадын сертификат ирсэн байна.

Сертификатууд

Нийтэлсэн: 2023-04-19, Сүүлийн засвар: 2023-04-19

ОУМО 64 бэлтгэл №2

IMO-64 бэлтгэл 5-р сарын 8-нд эхлэнэ.

5-р сарын 8-ны 13 цагт зөвхөн IMO-64-д шалгарсан 6 сурагчтай уулзаж ярилцах ба бусад сурагчдын хувьд хичээл 5-р сарын 9-нд эхэлнэ.

Одоогоор оролцохоор нэрээ ирүүлсэн сурагчдын нэрсийг эндээс харна уу. 30 хүртэлх тооны сурагч бүртгэх боломжтой тул сонирхсон сурагчид өмнөх мэдээнд дурдсан хаягаар холбогдож бүртгүүлнэ үү.

Нийтэлсэн: 2023-05-07, Сүүлийн засвар: 2023-05-07

ММО-59-д медал авсан багш, сурагчид

E (9-10) ангилал

F (11-12) ангилал

T (ДБ) ангилал

Нийтэлсэн: 2023-05-03, Сүүлийн засвар: 2023-05-03

ОУМО-64-д оролцохоор шалгарсан сурагчид

3 сорилго нийт 6 өдрийн бодолтын дүнгээр дараах сурагчид ОУМО-64-д оролцохоор боллоо.

Шалгарсан сурагчиддаа ОУМО-даа амжилттай оролцохыг хүсье.

Олон Улсын Математикийн олимпиадын сорилгын нийлбэр дүнг эндээс үзнэ үү.

Нийтэлсэн: 2023-05-03, Сүүлийн засвар: 2023-05-03

Материал оруулах тухай

ММО-59-д оролцож байгаа багш сурагчид хоёр өдрийн бодолтынхоо зургийг хамтад нь маргааш (04.29-нд) 16:00-21:00 цагийн хооронд системд оруулна. Материал оруулах линкийг зааврын хамт маргааш энд байршуулна.

Багш сурагчид олимпиадад оролцох хуудсаар орж өөрсдийн материалыг оруулна уу!

Нийтэлсэн: 2023-04-29, Сүүлийн засвар: 2023-04-28

ММО-59, III даваа, УМО-ын бодлогуудын бодолт дүгнэх аргачлал

I өдөр

II өдөр

Нийтэлсэн: 2023-04-29, Сүүлийн засвар: 2023-04-29

IMO сорилгын дүн

IMO сорилго №02-ийн бодлого хамгаалалт дууслаа. Хоёр сорилгын нийлбэр дүнг эндээс үзнэ үү. Сорилгуудын дүн болон улсын олимпиадын F ангиллын нийлбэр дүнгээр IMO-64-д оролцох 6 сурагчийн нэр тодорно.

Нийтэлсэн: 2023-04-25, Сүүлийн засвар: 2023-04-25

IMO сорилго №02-ийн бодлого хамгаалалт

Дүгнэх аргачлал

IMO сорилго №02-ийн бодлого хамгаалалт 4-р сарын 25-ны мягмар гарагт Түшээ дээд сургуулийн 308 тоотод болно.

Бодлого хамгаалах хүсэлтийг Түшээ дээд сургуулийн 308-д 14:00-15:00 хооронд хүлээн авна. Бодлого хамгаалах сурагч бодлого бүрээр хүсэлт гаргана. Хүсэлт гаргах маягтаа 308-аас аваарай.

Бодлого хамгаалалт 15:00-18:00-д явагдана.

Нийтэлсэн: 2023-04-23, Сүүлийн засвар: 2023-04-23

ММО-59 хөтөлбөр

Хөтөлбөр өөрчлөгдөх тохиолдолд багийн ахлагчид мэдэгдэх болно.

Нийтэлсэн: 2023-04-20, Сүүлийн засвар: 2023-04-20

УМО-д бодлого дэвшүүлэх тухай

Монголын Математикийн 59-р олимпиадын сүүлийн даваа буюу Улсын Математикийн Олимпиад 4-р сарын 27-ноос 5-р сарын 2-ны өдрүүдэд Нийслэлийн ерөнхий боловсролын 1-р сургууль дээр зохион байгуулагдана.

Энэ жилийн бодлогын комиссын ахлагчаар МУИС-ын БУС-ын математикийн тэнхимийн багш доктор Г. Баярмагнай ажиллаж байна. 59-р олимпиадын III даваанд бодлого дэвшүүлэх хүмүүс monmathprob@gmail.com хаягаар 4-р сарын 25-ны дотор бодлогоо ирүүлнэ үү. Бодлого дэвшүүлэхдээ бодлогын бодолтыг бичиж ирүүлэх ба аль ангилалд дэвшүүлж байгаа болон тухайн ангилалд бодлого дэвшүүлэхэд ямар нэг эрх ашгийн зөрчил байгаа эсэх талаар бичиж ирүүлнэ.

Бодлого дэвшүүлсэн хүн бүрд батламж олгоно.

ps: Бодлого дэвшүүлж байгаа хүмүүс өөрсдийн товч танилцуулгыг ирүүлнэ үү. Аль сургуулийн багш, эсвэл сурагч болохоо тодорхой бичиж ирүүлээрэй.

Нийтэлсэн: 2023-04-19, Сүүлийн засвар: 2023-04-11

Монголын баг Европын Охидын Олимпиадад амжилттай оролцлоо

Словени улсын Портороз хотод зохион байгуулагдаж байгаа Европын Охидын Математикийн 12-р Олимпиадад манай охид амжилттай оролцож 3 хүрэл медал, нэг тусгай шагнал хүртлээ. Нийт багш сурагчдадаа баяр хүргэе!

Б. Ундрал 26 оноо, хүрэл медал, УБ 1-р сургууль,

Г. Дөлгөөн 25 оноо, хүрэл медал, УБ 1-р сургууль

Н. Болор 16 оноо, хүрэл медал, Эрдмийн Хишиг сургууль

М. Амин-Эрдэнэ 15 оноо, тусгай шагнал, Эрхэт Эрдэм сургууль

Багийн ахлагч доктор Т. Хулан (МУИС), дэд ахлагч доктор С. Цогзолмаа (МУИС)

Тус олимпиадад оролцох зардлыг 100% хандив, тэтгэлэгээр шийдэж чадсан нь цаашид улам олон охидод математикаар хичээллэх урам зориг өгнө гэдэгт итгэлтэй байна. Нийт хандивлагчиддаа дахин талархал илэхийлье.

Хандивлагчдын жагсаалт

Нийтэлсэн: 2023-04-18, Сүүлийн засвар: 2023-04-18

IMO сорилго №1, бодлого хамгаалалт

I сорилгын дүгнэх аргачлал.

Бодлого хамгаалах хүсэлтийг МУИС-ийн 1-р байрын 130-д 15:00 хүртэл хүлээн авна. Бодлого хамгаалах сурагч бодлого бүрээр хүсэлт гаргана. Хүсэлт гаргах маягтаа 130-аас аваарай.

Бодлого хамгаалалт 15:00-18:00-д явагдана.

Нийтэлсэн: 2023-04-09, Сүүлийн засвар: 2023-04-09

IMO сорилго №2

Энэ жил Япон улсад зохион байгуулагдах Олон Улсын Математикийн 64-р олимпиадад оролцох багийн сонгон шалгаруулалт №2 2023 оны 4-р сарын 8, 9-нд МУИС-ын хичээлийн 1-р байрны 330 тоотод болно.

Бодолтын цаг 9:00-13:30. Бодолт эхлэхээс 15 минутын өмнө ирж суудлаа эзлэж шалгаруултын дүрэмтэй танилцсан байна.

Нийт 2 удаагийн (4 өдөр) сорилын оноо болон УМО-ын F ангиллын нийлбэр оноогоор багийн гишүүдийг тодруулна.

Сонгон шалгаруулалтад УМО-ын F ангилалд өрсөлдөхөөр шалгарсан сурагчид оролцоно.

Нийтэлсэн: 2023-04-07, Сүүлийн засвар: 2023-04-07

IMO сорилго №1

Энэ жил Япон улсад зохион байгуулагдах Олон Улсын Математикийн 64-р олимпиадад оролцох багийн сонгон шалгаруулалт №1 2023 оны 4-р сарын 1, 2-нд МУИС-ын хичээлийн 1-р байрны 330 тоотод болно.

Бодолтын цаг 9:00-13:30. Бодолт эхлэхээс 15 минутын өмнө ирж суудлаа эзлэж шалгаруултын дүрэмтэй танилцсан байна.

Нийт 2 удаагийн (4 өдөр) сорилын оноо болон УМО-ын F ангиллын нийлбэр оноогоор багийн гишүүдийг тодруулна.

Сонгон шалгаруулалтад УМО-ын F ангилалд өрсөлдөхөөр шалгарсан сурагчид оролцоно.

Нийтэлсэн: 2023-03-31, Сүүлийн засвар: 2023-03-27

Хотын олимпиадын багш, сурагчдын материал

Улаанбаатар хотын олимпиадад байр эзэлсэн, улсын эрх авсан багш, сурагчдын материал.

Нийтэлсэн: 2023-03-30, Сүүлийн засвар: 2023-03-30

IMO сорилгын бүртгэл

IMO сорилгод оролцох сурагчдын тоог гаргах шаардлагатай байгаа тул оролцох сурагчид дараах мэдээллийг imo2023mng@gmail.com хаягаар ирүүлж бүртгүүлнэ үү! Сорилгод заавал биеэр ирж оролцоно.

1. Овог, нэр

2. Аймаг, дүүрэг

3. Сургууль

4. F ангиллын эрх авсан олимпиад.

Нийтэлсэн: 2023-03-29, Сүүлийн засвар: 2023-03-29

STAR CHALLENGE хөтөлбөрийн танилцуулгад урьж байна

3-р сарын 29-ны 11:00 цагт I сургуулийн 30 тоотод STAR CHALLENGE хөтөлбөрийн танилцуулга болно. Зөвхөн 9-10 ангийн сурагчид хамрагдах боломжтой тул УБ хотын олимпиадын E (9-10) ангилалд 11 болон түүнээс дээш оноо авсан сурагчид эсвэл F (11-12)-д дэвшиж амжилттай оролцсон сурагчид оролцоно уу!

Танилцуулга

Нийтэлсэн: 2023-03-28, Сүүлийн засвар: 2023-03-28

ММО-59, II даваа II шат дүгнэх аргачлал

I өдөр /бодолт ороогүй байсныг засаж орууллаа./

II өдөр

Нийтэлсэн: 2023-03-26, Сүүлийн засвар: 2023-03-26

Монголын Эмэгтэйчүүдийн Сан тэтгэлэг олголоо

Монголын Эмэгтэйчүүдийн Сан (МОНЭС) Европын Охидын Математикийн Олимпиадад эх орноо төлөөлөн оролцох багш сурагчдад нийт 20 сая төгрөгийн тэтгэлэг олголоо. Ингэснээр нийт хандивын хэмжээ 38,173,000 төгрөг боллоо.

Мөн ММОХ-ны гишүүн Монгол Улсын Боловсролын их сургуулийн Математик, байгалийн ухааны сургуулийн Математикийн тэнхимийн эрхлэгч, доктор профессор Б.Сандагдорж багийн гишүүдэд амжилт хүсч халаасны мөнгө олголоо.

Математикч охидоо дэмжиж байгаа нийт байгууллага, хувь хүмүүст талархал илэрхийлье.

Нийт хандавлагчдын жагсаалтыг эндээс үзнэ үү.

Нийтэлсэн: 2023-03-24, Сүүлийн засвар: 2023-03-24

Аймаг, дүүргийн олимпиадын II өдрийн бодолт, дүгнэх аргалал.

II өдрийн бодолт, дүгнэх аргачлал

Дүгнэх аргачлалд оруулсан өөрчлөлтийн талаар энд мэдээлэх тул цаг тутамд шалгаж байхыг хүсье!

1. F5 бодлогын дүгнэх аргачлалд засвар оруулав. 14:10

2. E5 бодлогын бодолт, дүгнэх аргачлалд засвар оруулав. 15:40

Нийтэлсэн: 2023-03-19, Сүүлийн засвар: 2023-03-19

Дүүргийн математикийн олимпиад багш, сурагчдын материал

Дүүргүүдийн шагналт байрт орсон багш, сурагчдын материалыг оруулж байна. Бүрэн ирээгүй байгааг анхаарна уу!

Нийтэлсэн: 2023-03-19, Сүүлийн засвар: 2023-03-19

Аймаг, дүүргийн олимпиадын I өдрийн бодолт, дүгнэх аргалал.

Бодолт, дүгнэх аргачлал

Дүгнэх аргачлалд оруулсан өөрчлөлтийн талаар энд мэдээлэх тул цаг тутамд шалгаж байхыг хүсье!

1. E1 бодлогын дүгнэх аргачлалд нэмэлт өөрчлөлт орууллаа.

2. D1 бодлогын дүгнэх аргачлалд нэмэлт өөрчлөлт орууллаа. 16:25.

Нийтэлсэн: 2023-03-18, Сүүлийн засвар: 2023-03-18

УМО-ын II, III давааны болон ОУМО-ын сонгон шалгаруулалтын хуваарь

Та бүхэнд Олон Улсын Эмэгтэйчүүдийн эрхийг хамгаалах өдрийн мэнд дэвшүүлье!

3-р сарын 18-наас 5-р сарын 1 хүртэл нийт математикийн олимпиадад оролцогчдын хувьд шахуу хуваарьтай үе таарч байна. Та бүхэнд олимпиадуудын бодолтын хуваарийг танилцуулж байна.

Нийтэлсэн: 2023-03-08, Сүүлийн засвар: 2023-03-08

IMO дугуйлан №2

IMO дугуйлангийн II хичээл (2023.03.11) 19:00 цагаас ZOOM-ээр нээлттэй явагдана.

Join Zoom Meeting
https://us02web.zoom.us/j/4422824091?pwd=MUdWK3paL3F4ZFNzMTNtMXpUN2RzUT09
 
Сэдэв: Маркинг схем

Цаашид IMO дугуйлан долоо хоног бүрийн бямба гарагт 19:00 цагаас орж байхаар боллоо.

Нийтэлсэн: 2023-03-08, Сүүлийн засвар: 2023-03-08

IMO дугуйлан №1

IMO дугуйлангийн эхний хичээл өнөөдөр (2023.03.04) 19:00 цагаас ZOOM-ээр нээлттэй явагдана. 

Join Zoom Meeting
https://us02web.zoom.us/j/4422824091?pwd=MUdWK3paL3F4ZFNzMTNtMXpUN2RzUT09
 
Өнөөдрийн үндсэн сэдэв: IMO гэж юу бэ? Хэн оролцож болох вэ? IMO-д хэрхэн бэлдэх вэ?

Мөн цаашид дугуйлан хэрхэн хичээллэх болон оролцох багш, сурагчид хэрхэн бүртгүүлэх талаар ярилцаж санал солилцоно.

Нийтэлсэн: 2023-03-04, Сүүлийн засвар: 2023-03-04

УМО-ын II давааны хуваарь

Боловсролын ерөнхий газрын даргын 3-р сарын 3-ны өдрийн Олимпиадын II давааны хугацаанд өөрчлөлт оруулах тухай 1/579 тоот тушаалын дагуу олимпиадын хугацааг дараах байдлаар өөрчиллөө.

УМО-ын II даваа хоёр шаттай зохион байгуулагдана.

I шат. Аймаг, дүүргийн олимпиад. 3-р сарын 18, 19-нд дараах хуваарийн дагуу зохион байгуулагдана.

C (5-6) ангилал 3-р сарын 18-нд 09:00-11:00, 4 бодлого бодно.

D (7-8) ангилал 3-р сарын 18-нд 09:00-12:00, 4 бодлого бодно.

E (9-10), F (11-12), S (ББ), T (ДБ) ангилал 3-р сарын 18, 19-нд 09:00-13:30, өдөр бүр 3 бодлого бодно.

Дүүргийн олимпиадын удирдамж.

II шат. УБ хот, бүсийн олимпиад. 3-р сарын 25, 26-нд дараах хуваарийн дагуу зохион байгуулагдана.

D (7-8) ангилал 3-р сарын 25-нд 09:00-12:00, 4 бодлого бодно.

E (9-10), F (11-12), S (ББ), T (ДБ) ангилал 3-р сарын 25, 26-нд 09:00-13:30, өдөр бүр 3 бодлого бодно.

Баруун бүсийн олимпиад Ховд аймгийн Цэцэг суманд, Говийн бүсийн олимпиад Өмнөговь аймагт, Зүүн бүсийн олимпиад Хэнтий аймагт тус тус зохион байгуулагдана. Төвийн бүсийн олимпиадыг зохион байгуулахаар санал өгсөн газар одоогоор байхгүй байна. Зохион байгуулах саналтай газар байвал яаралтай холбогдоно уу (онлайн хэлбэрээр зохион байгуулж болно). Зохион байгуулагч олдохгүй тохиолдолд энэ жил Төвийн бүсийн олимпиадыг зохион байгуулахгүй.

Нийтэлсэн: 2023-03-03, Сүүлийн засвар: 2023-03-02

2022-2023 оны хичээлийн жилд улсын математикийн олимпиад зохион байгуулах журмын тайлбар

Удахгүй болох УМО-ын II давааг зохион байгуулахтай холбоотой журамд тайлбар өгч байна.

Олимпиадын хуваарь.

Олимпиад зохион байгуулах журмын төслийн талаар ММОХ-ын товхимолоос мөн үзэж болно.

Дүүргийн математикийн олимпиадын удирдамж. Дүүргийн математикийн олимпиадын хугацааг тодорхой шалтгааны улмаас 3-р сарын 11, 12 болгон өөрчилсөн болно. Иймд хугацаанаас бусад зүйлсийг өөрчлөгдөөгүйг анхаарна уу!

2022-2023 оны хичээлийн жилд улсын математикийн олимпиадыг зохион байгуулах журмыг зохих тайлбарын хамтаар та бүхэнд хүргэж байна. Нэмэлт тайлбарыг өнгөөр тодруулж бичлээ.

1. Зорилго:

Ерөнхий боловсролын сургуулийн багш, суралцагчдын сэтгэх, бодох чадварыг нэмэгдүүлэх, математик болон байгалийн ухааны чиглэлд авьяастай сурагчдыг илрүүлэх, хөгжүүлэх, дараагийн шатны олимпиадад оролцогчдыг шалгаруулах, олон улсын түвшинд өрсөлдөх бүтээлч Монгол иргэнийг бэлтгэхэд улсын математикийн олимпиадын зорилго чиглэнэ.

2. Хамрах хүрээ:

Ерөнхий боловсролын сургуулийн нийт багш, суралцагчид, мэргэжлийн боловсролын сургуулийн ерөнхий эрдмийн хичээл заадаг багш болон суралцагчид;

3. Улсын математикийн олимпиадын үе шат, явагдах хугацаа, ангилал

Улсын математикийн олимпиад нь 3 даваатай байх ба даваа бүрийн явагдах хугацаа ба ангилал нь:

1. Нэгийн даваа Улс даяр онлайнаар нөхөх тестээр 6, 7-8, 9-10, 11-12 ангиллаар зохион байгуулна.

2. Хоёрын даваа Хоёрын даваа дотроо 2 шаттай байна

   I шат Аймаг, дүүргийн олимпиад:

   2023 оны 03 дугаар сарын 11, 12-ны өдөр 6, 7-8, 9-10, 11-12, бага ангийн багш, дунд ангийн багш ангиллаар зохион байгуулагдана.

   2023 оны 03 дугаар сарын 18, 19-ны өдөр 6, 7-8, 9-10, 11-12, бага ангийн багш, дунд ангийн багш ангиллаар зохион байгуулагдана.

3. II шат Нийслэл, бүсийн олимпиад:

   2023 оны 03 дугаар сарын 18, 19-ны өдөр 7-8, 9-10, 11-12, бага ангийн багш, дунд ангийн багш ангиллаар зохион байгуулагдана.

   2023 оны 03 дугаар сарын 25, 26-ны өдөр 7-8, 9-10, 11-12, бага ангийн багш, дунд ангийн багш ангиллаар зохион байгуулагдана.

4. Гурвын даваа Улсын олимпиад:

   2023 оны 04 дүгээр сарын 28-ны өдрөөс 05 дугаар сарын 02-ны өдөр 9-10, 11-12, дунд ангийн багш ангиллаар.

   4-р сарын 28 бүртгэл

   4-р сарын 29, 30 бодолт

   5-р сарын 1-нд бодлого хамгаалалт

   5-р сарын 2-нд дүнгийн хурал

4. Олимпиадын зохион байгуулалт

   1. Улсын математикийн олимпиадын зохион байгуулалт

      • Нэгийн давааг сургуулийн комисс зохион байгуулах бөгөөд сэдвийг ММОХ боловсруулна. Улс даяр нэг өдөр зохион байгуулна. Энэ жилийн хувьд I давааг аймгуудад албан ёсоор зохион байгуулаагүй тул ММОХ-оос зохион байгуулсан I даваанд оролцоогүй сургуулиуд өөрсдөө сургуулийнхаа олимпиадаа зохион байгуулж дараагийн даваанд оролцох сурагчдаа шалгаруулж болно.

      • Хоёрын давааг аймагт аймгийн БШУГ, нийслэлд Нийслэлийн боловсролын газрын даргын тушаалаар томилогдох комисс зохион байгуулна. Сэдвийг ММОХ боловсруулж аймаг, нийслэлийн БШУГ-т олимпиад эхлэхээс 1 цагийн өмнө хүргүүлнэ. ММОХ-д аймаг дүүргүүдийн мэргэжилтнүүдийн дотоод бүртгэл бий. Уг бүртгэлийг ойрын хугацаанд дахин баталгаажуулахаар төлөвлөж байна. Хэрвээ ойрын өдрүүдэд холбогдохгүй бол baysa.edu@gmail.com хаягаар холбогдож сэдэв хүлээн авах хүнээ бүртгүүлээрэй.

      • Гурвын давааны олимпиадыг ММОХороо хариуцаж зохион байгуулна.

   2. Улсын математикийн олимпиадын оролцогчид

      • Улсын математикийн олимпиадын I даваа нээлттэй бөгөөд хүссэн сурагч оролцоно. Сурагчдын хувьд анги дэвшиж оролцохыг зөвшөөрөх ба сурагчид нэг хичээлийн жилд зөвхөн нэг л ангилалд оролцоно.

      • Улсын математикийн олимпиадын хоёрдугаар давааны I шатанд I даваанд оролцож нэг буюу түүнээс дээш оноо авсан, тухайн аймгийн жагсаалтад эхний 20 эсвэл дүүргийн жагсаалтын эхний 50 байрт шалгарсан сурагч сургууль харгалзахгүйгээр оролцоно. 20 болон 50 дугаар байрт оноо тэнцсэн тохиолдолд түүнтэй хамгийн ойр байхаар оноог тасална. Ойр байхаар таслах боломжгүй бол сурагчдад ашигтай байхаар тасална. Дүүргийн олимпиадад сургууль бүрээс 3 хүртэл тооны сурагч, гүнзгийрүүлсэн сургалттай сургуулиас 5 хүртэл тооны сурагчийг нэмэлтээр оролцуулна. Аймгийн олимпиадад сургууль бүрээс 2 хүртэл тооны сурагч, гүнзгийрүүлсэн сургалттай сургуулиас 3 хүртэл тооны сурагчийг нэмэлтээр оролцуулна. Оноо тэнцсэн тохиолдолд сургууль дотооддоо нэмэлт шалгаруулалт зохион байгуулна. Энэ жилийн хувьд ММОХ-оос зохион байгуулсан I даваанд оролцоогүй аймгууд сургууль тус бүрээс II даваанд оролцох сурагчдын тоог тухайн аймгаас бүс болон улсын математикийн олимпиадын III даваанд оролцох сурагчдын квотыг харгалзан тогтооно. Мөн өмнөх жилүүдэд бүс, улсын олимпиадад амжилттай оролцож байсан сургуулиудад квотыг нэмж олгож болно. 

      • Улсын математикийн олимпиадын хоёрдугаар давааны II шатанд аймгийн олимпиадын жагсаалтад эхний 10 эсвэл дүүргийн жагсаалтын эхний 20 байрт шалгарсан сурагч оролцоно. Аймгаасаа II шатны эрх авсан сурагчид УБ хотын олимпиадад ирж оролцож болно. Энэ тохиолдолд УБ хотын сурагчидтай өрсөлдөж III давааны эрх авна. Оролцогчдын зардлын талаар санхүүжилт хэсгээс тодруулна уу!

      • Улсын математикийн олимпиадын гуравдугаар даваанд

        Аймаг, дүүрэг бүрээс 9-10 ангид 2, 11-12 ангид 2, дунд ангийн багш 2

оролцоно.

5. Улсын математикийн олимпиадын санхүүжилт:

   1. Улсын математикийн олимпиадыг зохион байгуулах зардлыг улсын төсөв, хандив, тусламж, хуулиар хориглоогүй бусад эх үүсвэрээс санхүүжүүлнэ.

   2. Улсын математикийн олимпиадын гурвын давааг зохион байгуулах зардал нь

      • Оролцогч багш, суралцагчдын байр, хоол, унаа,

      • Улсын математикийн олимпиадын дэд хорооны үйл ажиллагааны зардал

      • Шагнал, урамшуулалд зориулагдах зардлыг Боловсролын ерөнхий газрын холбогдох зардлаас санхүүжүүлнэ.

      • БЕГ-аас бусад судлагдахуунуудын жишгээр 2 багш 2 сурагчийн УМО-ын III даваанд оролцох зардлыг санхүүжүүлэх тул аймаг тус бүрд олгох 6 квотын 2 нь хувиараа эсвэл бусад эх үүсвэрээс санхүүжнэ. Мөн бүсийн математикийн олимпиадад зориулж БЕГ-аас тусгайлан зардал төсөвлөөгүй тул бүсийн математикийн олимпиадад оролцогчид хувиараа зардлаа хариуцана.

6. Тайлан, мэдээ ирүүлэх

   1. Улсын математикийн олимпиадын хоёр, гурвын давааг зохион байгуулах

дэд хороо олимпиад зохион байгуулснаас хойш ажлын 10 өдөрт багтаан тайлан, мэдээг Боловсролын ерөнхий газрын Сургалтын хөтөлбөрийн хэрэгжилт, үнэлгээний хөгжлийн газарт албан бичгээр ирүүлнэ.

Нийтэлсэн: 2023-03-02, Сүүлийн засвар: 2023-03-02

EGMO сорилгын дүн

EGMO сорилгын дүн гарлаа. 2 сорилгын нийлбэр дүнгээр дараах нэр бүхий сурагчид шалгарч EGMO-2023, Словенид оролцохоор боллоо.

1. Г. Дөлгөөн, УБ 1-р сургууль, 11-р анги, 67 оноо
2. Б. Ундрал, УБ 1-р сургууль, 12-р анги, 56 оноо
3. М. Амин-Эрдэнэ, Эрхэт-Эрдэм, 9-р анги, 52 оноо
4. Н. Болор, Эрдмийн Хишиг, 9-р анги, 51 оноо

Шалгарсан сурагчиддаа олимпиаддаа амжилттай оролцохыг хүсье!

Мөн охидоо дэмжин хандив өргөсөн нийт хүмүүст дахин талархал илэрхийлье. Хандивлагчидын жагсаалт үзэх.

Нэгдсэн дүнг http://www.mmo.mn/olympiads/results/egmo2023/ -ээс харна уу!

I сорилгын дүн

II сорилгын дүн

Шалгарсан сурагчдын эцэг эх 2-р сарын 25-ны Бямба гарагийн өглөө 11:00-д Түшээд Дээд сургуулийн 308-д цугларна уу.

EGMO бэлтгэл ирэх долоо хоногт эхэлнэ. Сонирхсон сурагчид egmo23mongolia@gmail.com хаягаар холбогдоно уу!

Нийтэлсэн: 2023-02-24, Сүүлийн засвар: 2023-02-24

EGMO сонгон шалгаруулалтын урьдчилсан дүн, бодлого хамгаалалт

Та бүхэнд "Үзэсгэлэн болгогч" хэмээх туулай жилийн сар шинийн мэнд дэвшүүлье!

EGMO сорилгын урьдчилсан дүн гарлаа.

Нэгдсэн дүнг http://www.mmo.mn/olympiads/results/egmo2023/ -ээс харна уу!

I сорилгын дүн

II сорилгын дүн

Бодлогуудын бодолт болон дүгнэлт аргачлал /сурагчдын бодолтоос мөн харж болно/:

I сорилго

II сорилго

Бодлого хамгаалах хүсэлтийг 2-р сарын 24-ны 17:00 хүртэл http://www.mmo.mn/olympiads/supplements/ хуудсаар авна.

Нийтэлсэн: 2023-02-23, Сүүлийн засвар: 2023-02-23

IMO дугуйлан

IMO дугуйлан 3-р сарын 4-ны бямба гарагаас эхлэн онлайнаар хичээллэнэ.

Хамрагдах хүсэлтэй багш, сурагчид 3-р сарын 3-ны дотор baysa.edu@gmail.com хаягаар холбогдож бүртгүүлээрэй.

Шортлистийн бодлогуудын бодолт, дүгнэх аргачлал, IMO-д хэрхэн бэлдэх туршлагаа хуваалцах болно.

Тавигдах шаардлага. IMO-ийн талаар ойлголтой, ойрын ирээдүйд IMO-д оролцохоор бэлдэж байгаа сурагчид болон тэдгээрийн багш нар.

Нийтэлсэн: 2023-02-23, Сүүлийн засвар: 2023-03-03

EGMO сонгон шалгаруулалт №2

EGMO сонгон шалгаруулалтын 2-р сорилго 2-р сарын 18, 19-ны 9:00-13:30 цагт явагдана. Бодолт МУИС-ийн хичээлийн I байрны 301 тоотод явагдана (I  сорилгын II өдөр бодолт хийсэн анги). Сурагчид цагтаа цуглана уу.

Нийтэлсэн: 2023-02-17, Сүүлийн засвар: 2023-02-17

EGMO олимпиад санамж

EGMO олимпиадиад оролцох явцад ямар нэг саатал гарсан тохиолдолд хариултаа egmo23mongolia@gmail.com хаягаар явуулаарай.

Мөн өчигдөр орой төлбөрөө төлсөн, нэрсийн жагсаалтанд нэр нь гараагүй сурагчид төлбөрийн баримт болон ID-гаа дээрх имэйлээр ирүүлээрэй.

Нийтэлсэн: 2023-02-11, Сүүлийн засвар: 2023-02-11

EGMO-д оролцох Монгол улсын багийг дэмжих олимпиад

Охидын багаа дэмжих олимпиадад оролцож чадаагүй сурагчиддаа зориулан ирэх долоо хоногт дахин нэг удаа бодлогуудаа нээхээр боллоо. Бүртгүүлсэн боловч жагсаалтад нэр нь ороогүй, эсвэл бүртгэлийн талаар өөр ямар нэг зүйл асуух шаардлагатай бол  egmo23mongolia@gmail.com хаягаар холбогдоно уу! Олимпиад дараах хуваарийн дагуу явагдана. 

Хандивлагчдын жагсаалт

Зорилго:

Охидын дунд зохион байгуулагддаг хамгийн нэр хүндтэй математикийн олимпиад болох EGMO-д оролцох Монгол улсын багт хандив босгох.

EGMO-ийн талаар болон ямар учраас манай улс энэ олимпиадад оролцох гэж байгаа талаар энэ линкээр орж танилцаж болно.

Олимпиад явагдах хугацаа:

2023 оны 2-р сарын 11 (Бямба гараг)

10:00-12:00 5-6-р анги

13:00-15:00 7-8-р анги

2023 оны 2-р сарын 12 (Ням гараг)

10:00-12:00 3-4-р анги

13:00-16:00 9-10-р анги, 10-11-р анги

Бүртгэл: Дараах дансанд 10,000 төгрөгийн хандив өгснөөр бүртгэл баталгаажна. Хандивын хэмжээ 10.000-аас их байж болно.

Дансны дугаар: 1165157817 /Голомт банк/

Дансны нэр: Охидын Математик Хөгжил ТББ

Гүйлгээний утга: mmo.mn бүртгүүлсэн ID дугаар, Утасны дугаар бичнэ.

Олимпиадын дүн: 2023 оны 2 сарын 13-нд олимпиадын дүн гарах ба оролцогч бүрд нийт оролцогчийн дотор хэдэн хувьд орохоор амжилт гаргасныг нотлох сертификат олгоно.

• mmo.mn -д бүртгэлгүй сурагчид тус сайт дэх зааврын дагуу урьдчилан бүртгүүлж ID дугаар, нууц үгээ найдвартай газар тэмдэглэж авна. Вебэд бүртгүүлэх заавар, Анх удаа нэвтрэх, ID-гаа харах

• Оролцох зааврыг mmo.mn ээс харж, бэлтгэл тестийг өмнө нь заавал хийхийг зөвлөж байна.

• Бүртгэл баталгаажсан сурагчдын нэрсийг 2 сарын 1-ээс хойш өдөрт нэг удаа mmo.mn сайтаар зарлах ба асуудал үүсвэл egmo23mongolia@gmail.com хаягаар мэйл бичиж болно.

Нийтэлсэн: 2023-02-10, Сүүлийн засвар: 2023-01-22

Бэлтгэл тестэнд хэрхэн оролцох вэ?

Бэлтгэл тест нь тестийн программтай хэрхэн ажиллах дадлага юм. Иймд та бүхэн заавал оролцож програмтайгаа танилцаарай. Зөвхөн EGMO-д оролцох Монгол улсын багийг дэмжих олимпиад-д бүртгүүлсэн сурагчид оролцож болно. Бүртгүүлсэн сурагчидын жагсаалт

Охидын Математик Хөгжил ТТБ хараахан онлайн банкны эрх нээлгэж амжаагүй байгаа тул 2-р сарын 3, 4, 5-нд бүртгүүлсэн, хандив өгсөн хүмүүсийн нэрсийг банкнаас хараахан авч амжаагүй байна. Та бүхэн төлбөр төлсөн баримтаа egmo23@mongolia@gmail.com хаягаар ирүүлж бүртгэлээ баталгаажуулах боломжтой шүү.

mmo.mn сайтад бүртгүүлж чадахгүй байгаа хүмүүс, эсвэл олон хүүхэд зэрэг бүртгүүлэх хүсэлтэй хүмүүс 2 сарын 9, 10-ны 15:00-19:00 хооронд Түшээ дээд сургуулийн байрны 308 тоотод очиж заалгаж болно.

Бэлтгэл тестийг 4-ны 11:00-ээс 10-ны 18:00 цагийн хооронд хэдийд ч ажиллаж болно.

Олимпиад хуудаст очих

Нийтэлсэн: 2023-02-04, Сүүлийн засвар: 2023-02-04

Охидын Математик Хөгжил ТББ байгуулагдлаа

Охидын Математик Хөгжил (ОМХ) ТББ нь математикийн салбарт охидын өрсөлдөх чадварыг нэмэгдүүлэх, олон улсын олимпиадуудад охидын оролцоог нэмэгдүүлж олон улсын түвшинд хүргэх зорилгогоор байгуулагдав.

Энэ хүрээнд ЕБС-ийн эмэгтэй сурагчдын математик боловсролыг хөгжүүлэхэд дэмжлэг үзүүлэх, холбогдох арга хэмжээнүүдийг зохион байгуулах, охидод зориулан тэтгэлэгт хөтөлбөрүүдийг хэрэгжүүлэх зэрэг үйл ажиллагаа явуулах юм.

ОМХ ТББ-ыг МУИС-ын математикийн тэнхимийн багш багш доктор С. Цогзолмаа, доктор Т. Хулан нар санаачлан байгуулсан бөгөөд Монголын Математикийн Хорооны зүгээс бүхий л талаар дэмжин ажиллах нь зүйтэй гэж үзэж байна.

Монгол Улсын хувьд Олон Улсын Охидын дунд зохион байгуулагддаг хамгийн нэр хүндтэй олимпиад болох EGMO-д 2018 болон 2022 онд амжилттай оролцсон бөгөөд 2023 онд 4 сурагч оролцуулахаар бэлдэж байна. Үүнтэй холбоотойгоор EGMO-д оролцох 4 сурагчийн зардлыг босгох хандивын үйл ажиллагааг Охидын Математик Хөгжил ТББ-аас санаачлан зохион байгуулж байна.

Нийтэлсэн: 2023-02-04, Сүүлийн засвар: 2023-02-04

Мэдэгдэл

Дүүргийн математикийн олимпиадыг 2023.02.11-12-нд зохион байгуулах байсныг тодорхой шалтгааны улмаас 2023.03.11-12-нд зохион байгуулахаар болсныг мэдэгдье!

Нийтэлсэн: 2023-01-30, Сүүлийн засвар: 2023-01-30

EGMO хандив

Шаардлагатай хандивын хэмжээ: 22,000,000 - 59,000,000

Цугласан хандив: 56,538,000,

Хандивын дансны дугаар: 1165157817 /Голомт банк/

Дансны нэр: Охидын Математик Хөгжил ТББ

Гүйлгээний утга: Нэр, байгууллага, утасны дугаар.

Энэ жил охидын ОУ-ын олимпиадад оролцоход нийт 59 сая төгрөгийн зардал (замын зардал, хураамж) гарна. Үүнээс хоёр багшийн зардал 22 сая төгрөг болж байна. Баг бүр ОУМО-ын адил ахлагч, дэд ахлагчтай байх ёстой. Ахлагч нь бодлого орчуулах ажлыг хариуцах ба дэд ахлагч нь сурагчидтайгаа хамт байж сэтгэл зүй болон бусад бэлтгэлийг хангадаг бөгөөд бодолт дууссаны дараа багийн ахлагч, дэд ахлагч нар хамтран сурагчдынхаа бодолтыг уншиж бодлого хамгаалж оноо авах ажлыг хийдэг юм.

Бидний эхний зорилго бол хоёр багшийн зардлыг босгож нэг сурагчид ноогдох зардлыг бууруулах цаашилбал бусад сурагчдынхаа зардлыг багасгаж санхүүгийн ямар нэг дарамтгүйгээр ОУ-ын олимпиадад оролцдог болох юм.

Олимпиадад бүртгүүлсэн сурагчдын нэрийг харах бол http://www.mmo.mn/accounts/users/19.

10,000 төгрөгөөс дээш хандив өгч олимпиадад оролцож байгаа тохиолдолд зөрүүг нь энэ жагсаалтанд оруулж байна.

Нийтэлсэн: 2023-01-24, Сүүлийн засвар: 2023-01-24

EGMO сонгон шалгаруулалт №1

Европын охидын математикийн олимпиадад оролцох 4 эмэгтэй сурагчийг  шалгаруулах I сорилго 2023 оны 1-р сарын 28, 29-ний өдөр 9:00-13:30 хооронд МУИС-ийн 1-р байрны 133 тоотод болно. Оролцох сурагчид egmo23mongolia@gmail.com хаягаар бүртгүүлнэ үү. Зөвхөн бүртгүүлсэн сурагчид сорилгод оролцох боломжтой.

Бодолтоо танхимд хийх бөгөөд бодолтын дараа материалыг www.mmo.mn-д байршуулж засах тул оролцогсод боломжтой бол өөрсдийн бодолтын зургийг авах гар утастай ирэх (заавал интернэттэй байх шаардлагагүй) ба mmo.mn-д бүртгүүлсэн ID-гаа мэдэж байх шаардлагатай (өөрсдийн ID-гаа http://www.mmo.mn/accounts/profile/ хаягаар орж харж болно).

II сорил 2023 оны 2-р сарын 18, 19-ний өдөр явагдана. Нийт 4 өдрийн 12 бодлогоор эхний 4 сурагчийг шалгаруулна.

EGMO шалгаруулалтын комисс Г.Баярмагнай, С. Цогзолмаа, Д.Даянцолмон, Т.Хулан нарын бүрэлдэхүүнтэй ажиллаж байна.

ЖИЧ: Сонгон шалгаруулалт нь хандивын олимпиадаас тусдаа гэдгийг анхаарна уу! Энэ сонгон шалгаруулах сорилгод ямар ч эмэгтэй сурагч оролцох боломжтой боловч бодлогууд нь олон улсын олимпиадын түвшинд тавигдах тул EGMO-д оролцохоор бэлдэж байгаа сурагчид оролцохыг зөвлөж байна.

Нийтэлсэн: 2023-01-22, Сүүлийн засвар: 2023-01-22

EGMO (European Girls Mathematical Olympiad) буюу Европын охидын математикийн олимпиадын товч танилцуулга

• EGMO нь дунд сургуулийн эмэгтэй сурагчдад зориулагдсан математикийн олимпиад юм. Эмэгтэй сурагчдын математик авьяасыг дэмжин хөгжүүлэх мөн математикийг гүнзгийрүүлэн суралцдаг эмэгтэй сурагчдад боломж олгох зорилготой.

• IMO (International Mathematical Olympiad)-д оролцсон сурагчдын зөвхөн 7.6 % нь эмэгтэй сурагчид эзлэж байгаа нь охидуудыг энэ салбарт дэмжих шаардлагатайг харуулж байна. Энэ зорилгоор EGMO-г анх санаачилсан байна.

• EGMO-ын бодолт хийх хугацаа, бодлогын төрөл, оноо, дүгнэх систем нь IMO-той яг ижил байдаг. Харин оролцох сурагчдын тоо нь IMO-д улс бүрээс 6 сурагч байдаг бол EGMO-д 4 сурагч оролцдог. IMO-ийн зохион байгуулах комиссийн гишүүдээс EGMO-ын зохион байгуулах комиссд орж ажиллаж байгаа нь энэ олимпиадад хир их ач холбогдол өгч байгааг харуулж байгаа хэрэг юм.

• EGMO нь Европын улсуудад зохиогддог боловч Европын биш улсуудыг тодорхой хураамж төлөн оролцохыг дэмждэг. Анх 2012 онд зохиогдсон ба түүнээс хойш жил бүр оролцох улсын тоо тасралтгүй нэмэгдэж байгаа. 2021 онд Европийн 37 улс нийт 55 улс, 2022 онд Европийн 31 улс нийт 57 улс оролцсон. Тогтмол оролцдог Европийн биш улсууд дотор АНУ, Канад, Австрали, Энэтхэг, Израйл, Саудын Араб, ОХУ, Япон, Иран, Казакстан зэрэг IMO-д тогтмол дээгүүр амжилттай оролцдог улсууд багтдаг.

• Манай улс 1964 оноос хойш IMO-д нийт 51 удаа оролцсон бөгөөд нийт оролцогчдын 3.9 %-ийг эмэгтэй сурагчид эзлэж байна. Давхардсан тоогоор нийт 332 сурагч IMO-д шалгарч оролцсоны ердөө 13 (давхардаагүй тоогоор 9) нь эмэгтэй сурагч байна. Энэ хувь нь IMO-ийн эмэгтэй оролцогчдын хувиас бараг 2 дахин бага байгаа нь манай улс охидоо бүр илүү дэмжих шаардлагатайг харуулж байна.

• Манай улс EGMO-д 2018 онд Итали улсад очиж оролцоод 1 мөнгө 3 хүрэл медаль авсан ба 2022 онд Унгар улсад болсон олимпиадад цахимаар оролцон 2 хүрэл медаль авсан.

• Энэ жилийн олимпиад Словени улсын Портороз хотод 2023 оны 4-р сарын 13-19 хооронд зохион байгуулагдах ба энэ удаагийн олимпиадад цахим хэлбэрээр оролцох боломжгүй байгаа юм. Энэ жилийн хувьд бидэнд оролцох хураамж болон онгоцны зардалыг төлөх санхүүгийн эх үүсвэр байхгүй байна. Иймд та бүхэн бидэнд санхүүгийн дэмжлэг үзүүлбэл гүнээ талархах болно. Та бүхэн манай үйл ажиллагааг дэмжсэнээрээ зөвхөн оролцож буй 4 хүүхдийг дэмжих биш тэдгээрийн хойч үеийн эмэгтэй сурагчдад математикаар амжилт гаргах урам зориг, итгэлийн оч өгөх болно.

Эх сурвалж: https://www.egmo.org, https://www.imo-official.org

Нийтэлсэн: 2023-01-20, Сүүлийн засвар: 2023-01-20

Дүүргийн олимпиадын удирдамж

Аймаг, дүүргийн олимпиадыг нэгэн зэрэг зохион байгуулахаар болсон тул хугацааг шинээр тогтоохоор боллоо. Бусад заалтууд хүчинтэй хэвээрээ үлдэнэ.

БАТЛАВ

БОДЛОГЫН ХЭРЭГЖИЛТИЙН ХЭЛТСИЙН

ДАРГА М. ЦОГЗОЛМАА

2022-2023 ОНЫ ХИЧЭЭЛИЙН ЖИЛД ЗОХИОН БАЙГУУЛАГДАХ

МОНГОЛЫН МАТЕМАТИКИЙН 59-Р ОЛИМПИАДЫН II ДАВАА,

ДҮҮРГИЙН МАТЕМАТИКИЙН ОЛИМПИАДЫН УДИРДАМЖ

2022 оны 01 дүгээр сарын 19-ний өдөр Улаанбаатар хот

Зорилго: Сурагчдын сэтгэн бодох чадвар, сэтгэлгээний хурдыг нэмэгдүүлэх, ой тогтоолт, оюуны чадамжийг сайжруулах, нийслэл болон улсын математикийн олимпиадад оролцох багш, сурагчдыг сонгон шалгаруулахад оршино.

НЭГ.  ОЛИМПИАДИЙН АНГИЛАЛ

1. Олимпиадыг 5-6, 7-8, 9-10, 11-12, бага ангийн багш, дунд ангийн багш гэсэн 6 ангиллаар 2023 оны 2 дугаар сарын 11, 12-ны өдрүүдэд зохион байгуулна.

    

2. 5-6, 7-8 ангийн ангилал нэг өдөр 4 бодлого, бусад ангилал хоёр өдөр тус бүр 3 бодлого бодно.

ХОЁР. ДҮҮРГИЙН ОЛИМПИАДЫН ЗОХИОН БАЙГУУЛАЛТ

1. Дүүргийн олимпиадыг төрийн болон төрийн бус өмчийн сургуулиас шалгарсан 5-6, 7-8, 9-10, 11-12 ангийн сурагчид болон бага ангийн багш, дунд ангийн багш нарын дунд зохион байгуулна.

2. Сурагчид I даваанд оролцсон ангилалдаа оролцоно.

3. http://www.mmo.mn/post/?id=257 нийтлэгдсэн дүүргүүдийн дүнгийн жагсаалтыг олимпиадын бүртгэлд ашиглана.

4. Олимпиадын I даваанд (12-р сарын 9-нд зохион байгуулагдсан) оролцож 1 буюу түүнээс дээш оноо авсан, дүүргийн (Багануур, Багахангай, Налайх дүүргүүдийг нэг дүүрэг гэж тооцоно) жагсаалтын эхний 50 байрт шалгарсан сурагч сургууль харгалзахгүйгээр дүүргийн олимпиадад оролцоно. Оноо тэнцсэн тохиолдолд 50-тай хамгийн ойр байхаар оноог тасална. Хэрвээ 50-тай хамгийн ойр хоёр байр гарвал сурагчдад ашигтай байхаар тасална. Жишээ нь 40-60 байрын сурагчид ижил оноо авсан тохиолдолд 60 сурагч дүүргийн олимпиадад шалгарна. Харин 41-60 байрын сурагчид ижил оноо авсан тохиолдолд 41 сурагч дүүргийн олимпиадад шалгарна.  Дүүргүүдийн нэгдсэн жагсаалт

5. Дүүргийн олимпиадад төрийн болон төрийн бус өмчийн сургуулиас шалгарсан 5-6, 7-8, 9-10, 11-12 дугаар ангийн ердийн сургалттай сургуулиас олимпиадын I даваанд 1 буюу түүнээс дээш оноо авсан 3 хүртэлх тооны сурагч, гүнзгийрүүлсэн сургалттай сургуулиас 5 хүртэлх сурагчийг нэмэлтээр оролцуулна. Энэ зохицуулалтыг тухайн сургуулиас эхний 50 байрт дээрх тооны сурагч шалгараагүй тохиолдолд ашиглана. Жишээ нь аль нэг ангилалд нэг сургуулийн 10 сурагч шалгарсан бол нэмэлтээр 5 сурагч оролцуулахгүй. Сурагчдыг I даваанд авсан онооны дагуу шалгаруулна. Сурагчдын оноо тэнцсэн тохиолдолд оноо тэнцсэн сурагчдын дунд дотоод шалгаруулалт зохион байгуулна.

6. Сургууль бүрээс бага, дунд ангийн тус бүр 3-5 багш оролцоно.

7. Дүүргийн олимпиадыг Боловсролын хэлтэс мэргэжил арга зүйн удирдлагаар хангаж, материал засах багш нарын баг, ахлагчийг томилон ажиллуулна. Материал засах багш нарын баг Монголын Математикийн Олимпиадын Хорооноос ирүүлсэн бодлого засах аргачлалын дагуу сурагчдын материалыг засна.

8. Зохион байгуулагчид дүүргийн олимпиадад амжилттай оролцож медаль хүртсэн багш сурагчдын материалыг дижитал хэлбэрээр бэлдэж (google drive, dropbox гэх мэт) нийтэд ил байршуулж веб холбоосыг нь Монголын Математикийн Олимпиадын хороонд ирүүлнэ.

9. Дүүргийн Боловсролын хэлтэс, олимпиад зохион байгуулах сургуультай хамтран удирдамж гаргаж, бүртгэлийн ажлыг зохион байгуулна.

10. Олимпиадын сэдвийг дүүргийн математик хариуцсан мэргэжилтэнд олимпиад болох өдрийн 9:00-д цахим шуудангаар илгээнэ.

11. Бодлогуудыг засах аргачлалыг бодолт дууссаны дараа буюу бодолт хийсэн өдрийн 15:00-д www.mmo.mn цахим хуудаст байршуулна.

12. Олимпиадтай холбоотой маргаантай асуудлыг тухайн дүүргийн комисс эцэслэн шийдвэрлэнэ.

13. Олимпиад зохион байгуулсан талаарх тайлан, мэдээг гаргаж 2023 оны 2 дугаар сарын 13-ны өдөр boldbaatar@edub.edu.mn хаягаар ирүүлнэ.

14. Дүүргийн олимпиад 2023 оны 2 дугаар сарын 11, 12-ний өдөр 10:00 цагаас доорх сургуулиуд дээр зохион байгуулагдана.

ДҮҮРГИЙН МАТЕМАТИКИЙН ОЛИМПИАД ЗОХИОН БАЙГУУЛАХ ХУВААРЬ

ГУРАВ. Дараагийн шатанд оролцох эрх

• Дүүрэг бүрээс 9-10, 11-12, дунд ангийн 2 багш улсын математикийн олимпиадад оролцох эрх авна.

• Дүүргийн олимпиадад 7-8, 9-10, 11-12 ангийн ангилалд эхний 20 байрт шалгарсан сурагчид, бага ангийн 10 багш, дунд ангийн 10 багш УБ хотын математикийн олимпиадад оролцоно.

Нийтэлсэн: 2023-01-20, Сүүлийн засвар: 2023-01-20

Европийн Охидын Математикийн Олимпиад (уулзалтын зар)

ММОХорооноос энэ жилийн EGMO (Европийн Охидын Математикийн Олимпиад)-д оролцох талаар эцэг эхчүүдтэй уулзалт зохион байгуулах гэж байна. Манай улс 2022 онд онлайнаар оролцсон ба энэ жил онлайнаар оролцох боломжгүй болсон ба зардал нэмэгдсэн байна. Иймд бид санхүүгийн асуудлыг хэрхэн шийдэх талаар ярилцах шаардлагатай боллоо. Уг олимпиадад хүүхдээ оролцуулах талаар сонирхсон эцэг эхчүүд 2023 оны 1 сарын 19-ны Пүрэв гарагийн орой 19 цагаас МУИС-ийн 1-р байрны 124 тоотод уулзалтанд хүрэлцэн ирнэ үү.

Нийтэлсэн: 2023-01-16, Сүүлийн засвар: 2023-01-16

Дүүргүүдийн онооны тархалтын хүснэгт

Дараах тархалтын хүснэгтийг ашиглан дүүргийн олимпиадад оролцох сурагчдын жагсаалтыг гаргана.

Хүснэгтийн нүдэнд тухайн онооноос багагүй оноо авсан нийт сурагчдын тоог оруулав.

Дүнгийн нэгтгэл

Нийтэлсэн: 2023-01-16, Сүүлийн засвар: 2023-01-16

Ираны геометрийн олимпиадын дүн

Ираны геометрийн олимпиадын дүн гарсан байна. Медаль авсан нийт багш сурагчдад баяр хүргэе!

Олимпиадын дүн

Нийтэлсэн: 2023-01-03, Сүүлийн засвар: 2023-01-03

ММО-59, I давааны дүүргүүдийн дүнгийн жагсаалт

Нэгдсэн жагсаалтанд нэр нь орсон ч дүүргийнхээ жагсаалтад нэр ороогүй бол өөрийн хувийн мэдээллээ шинэчилж оруулаарай.

Нийтэлсэн: 2022-12-21, Сүүлийн засвар: 2022-12-21

I давааны дүн

I давааны аймаг дүүргүүдээс ирүүлсэн дүнг системд оруулж дууслаа. Удахгүй аймаг, дүүргээр жагсаасан жагсаалтыг гаргах болно.

I давааны дүн гарч байна. Дүн системд бүрэн хуулагдаж дуусаагүй байгаа тул өөрийн тань нэр жагсаалтад ороогүй бол дууссан тухай мэдэгдэл гартал түр хүлээгээд дараа нь санал хүсэлтээ ирүүлнэ үү!

Бодлогуудын зөв хариултыг бодлогууд хэсгээс үзээрэй!

Сургуулиудаас ирж байгаа файл шаардлага хангахгүй байгаа тул сурагчдын хариултыг системд оруулахад хүндрэлтэй байна.

Дараах зүйлсийг анхааралтай уншаад системд хариулт нь ороогүй сурагчдын хариултыг baysa.edu@gmail.com хаягаар ирүүлнэ үү.

1. ID байхгүй сурагчийн дүн системд орохгүй.

2. Натурал тоогоор бичээгүй хариулт системд орохгүй.

3. Хорооноос өгсөн файлд өөрчлөлт оруулалгүйгээр зөвхөн сурагчдын хариултыг оруулна. Sheet-ийн нэр өөрчлөх, багана нэмэх хориотой. Зөвхөн сурагчдын хариулт нэмж бичиж болно. Хариулт оруулах файл татах 

4. Бодлогуудын зөв хариултыг бодлогууд хэсгээс үзээрэй.

5. Дүнгийн жагсаалтад ID нь байгаа ч нэр нь гарахгүй байгаа тохиолдолд баруун дээд буланд байрлах өөрийн нэр дээр дарж засвар мэдээллээ гүйцээж оруулаарай.

6. Системд дүн тань ороогүй бол аймаг, дүүргээс ирсэн дүнгийн жагсаалт файлыг үзнэ үү. Жагсаалтыг эндээс үзээрэй. Хэрвээ таны аль нэг мэдээлэл дутуу эсвэл буруу орсон бол аль дээрх файлыг үндэслэн системд дүнг нөхөж оруулна. Дээрх файлд мэдээлэл анхнаасаа буруу орсон бол шалгалт өгсөн газраараа дамжуулан залруулга ирүүлээрэй.

Нийтэлсэн: 2022-12-14, Сүүлийн засвар: 2022-12-14

I даваа

12-р сарын 9-нд ММОХ анх удаагаа УБ хот болон, хөдөө орон нутгийн зарим сургуулиудын хүрээнд нэгдсэн олимпиадын I давааг  туршилтын байдлаар зохион байгууллаа. 

Хамтарч ажилласан нийслэлийн дүүргийн БСУГ-ийн мэргэжилтнүүд болон сургууль дээр олимпиад зохион байгуулсан нийт багш, менежерүүдэд талархал илэрхийлье.

Олимпиадын I давааны бодлогуудыг удахгүй веб-д байрлуулна.

Олимпиадын бодлогуудыг эндээс үзнэ үү.

Дүүрэг, сургуулиудын хариултын хуудсуудыг хүлээн авч дууссаны дараа хариултыг системд байршуулж дүн гаргах тул ажлын өдрүүд эхэлсний дараа дүнг гарахаар байгааг анхаарна уу.

Олимпиадын I даваанд оролцоогүй сургуулиуд тус бүрдээ сургуулийн олимпиадаа зохион байгуулж дараагийн шатанд оролцох сурагчдаа тодруулна.

I даваанд гарсан алдаа дутагдал болон II давааг хэрхэн зохион байгуулах талаар тун удахгүй онлайн хурал зохион байгуулж хэлэлцэнэ.

Нийтэлсэн: 2022-12-10, Сүүлийн засвар: 2022-12-10

ММО-59-р олимпиадын I даваа зохион байгуулах зөвлөмж

2022-2023 хичээлийн жилийн I давааг ММОХ Улаанбаатар хотын хэмжээнд дүүргүүдийн боловсролын газруудтай хамтран зохион байгуулна. Хөдөө орон нутгийн хүсэлт гаргасан сургуулиудад зохион байгуулана. Тус давааг анх удаа нэгдсэн байдлаар зохион байгуулж байгаа тул  дараах зүйлсийг сайтар анхаарна уу. Мөн манай сайтад тавигдах нэмэлт мэдээллүүдийг тогтмол нягталж үзэхийг хүсье.

Зорилго

Олимпиадын II даваанд оролцох сурагчдыг шалгаруулах, сургуулийн аваргуудыг тодруулах.

Ангилал

5-6-р анги, 7-8-р анги, 9-10-р анги, 11-12-р анги

Бодолт эхлэх цаг

12-р сарын 9-ны 15:00

Бодох хугацаа

5-8-р анги 120 минут

9-12-р анги 180 минут

Заавар

Шалгалтыг нөхөх тестийн хэлбэрээр зохион байгуулна. Бодлого бүрийн хариу натурал тоо байна. Сурагчид тоон хариуг хариултын хуудсанд бичиж хянагч багшид хураалгана. Хянагч багш сурагчдын хариултыг урьдчилж бэлдсэн эксэл файлд нэгтгэн дүүргийн мэргэжилтэн рүү илгээх ба сурагчдын материалыг I давааны албан ёсны дүн гартал битүүмжлэн хадгална.

Сурагчдын анхаарах зүйлс

Олимпиадад оролцох сурагчид www.mmo.mn хуудаст бүртгүүлж өөрийн ID-г мэддэг байх шаардлагатай. Бодолтын үед горьтог, шугам, үзэг, бал, харандаа зэрэг бичгийн хэрэгсэл ашиглаж болох ба тооны машин, таблет, компьютер зэргийг ашиглаж болохгүй. Дараах линкээр орж бүртгүүлэх заавар-ыг үзнэ үү! Бага ангийн сурагчдын хувьд өөрийн имэйл хаяггүй бол эцэг, эх, багшийн имэйл хаягыг ашиглаж болно. Мөн нэг имэйл хаягийг олон удаа ашиглаж болох тул багш өөрийн имэйл хаягаа ашиглан сурагчиддаа бүртгэл үүсгэж болно.

Зохион байгуулагчын зүгээс анхаарах зүйлс

Олимпиадад оролцох сурагчдын урьдчилсан жагсаалтыг гаргаж www.mmo.mn хуудаст бүртгүүлсэн ID-г бүртгэсэн байна. Шалгалт дууссаны дараа сурагчдын хариултын хуудсыг нэгтгэн excel файлд оруулж дүүргийн мэргэжилтэн рүү илгээнэ.

Шалгалтын материалыг 9-ны өдрийн 14:30-д дүүргийн мэргэжилтнүүдэд цахим шуудангаар илгээх бөгөөд мэргэжилтнүүд цааш сургуулиуд руу дамжуулна. Бодлого болон хариултын хуудасыг pdf файл хэлбэрээр илгээх тул зохион байгуулагчид pdf файл нээх, хэвлэх бэлтгэлээ хангасан байна. Шалгалтын материалыг шалгалт дуустал гадагшаа задруулахгүй, нууцлалыг хангана.

Олимпиадын хяналт

Олимпиадын I давааг зохион байгуулж буй сургууль бүр дүүргийн бусад сургуулиас томилогдсон эцэг, эх, багш нарын төлөөллийг олимпиад зохион байгуулах үйл ажиллагаатай танилцах, ажиглах боломжоор хангана.

Нийтэлсэн: 2022-12-05, Сүүлийн засвар: 2022-12-05

ММО-59, I ба II даваа

Энэ жилийн хувьд олимпиадын I давааг (сургуулийн олимпиад) орон даяар 12-р сарын 9-ны өдөр (баасан гараг) зохион байгуулахаар төлөвлөж байна. Ангиллын хувьд 5-6, 7-8, 9-10, 11-12 гэсэн ангиллаар зохион байгуулна. 5-6, 7-8 анги 10 бодлого 2 цаг, 9-10, 11-12 анги 15 бодлого 3 цагийн турш бодно. Хэлбэрийн хувьд нөхөх тестийн хэлбэрээр зохион байгуулна. Бодлогуудыг ММОХ-ноос бэлдэж аймаг, дүүргийн боловсролын хэлтэст хүргүүлнэ. Удирдамжийг удахгүй танилцуулна.

Олимпиадын II даваа шаттайгаар явуулна. 

I шат. Аймаг, Дүүргийн олимпиад.

2023 оны 1-р сарын 26, 27 (Пүрэв, Баасан, I улирлын амралтын сүүлийн долоо хоног). Улсын олимпиадад оролцох аймаг, дүүргийн багийн гишүүдийг тодруулах бөгөөд бүс, УБ хотын олимпиадад оролцох сурагчдыг шалгаруулна.

II шат. Бүс, УБ хотын олимпиад

2-р улирлын амралтаар зохион байгуулахаар төлөвлөж байна. (БЕГ-тай зөвшилцөх шаардлагатай)

Олимпиадын III даваа буюу Улсын Математикийн Олимпиадын хуваарийг мөн удахгүй танилцуулна.

Нийтэлсэн: 2022-11-21, Сүүлийн засвар: 2022-11-21

Ираны геометрийн олимпиадын дүн

Ираны геометрийн засалт дууслаа. Дараах дүн бид зохион байгуулагчид явуулахаар боллоо. Тус олимпиадыг хоёрдох жилдээ ивээн тэтгэн, сургууль дээрээ зохион байгуулж байгаа нийслэлийн I сургуулийн хамт олонд ММОХ-ны зүгээс талархал илэрхийлье.

Ираны геометрийн олимпиадын дүн (Монгол улс)

Нийтэлсэн: 2022-10-27, Сүүлийн засвар: 2022-10-27

Ираны геометрийн олимпиадын засалт

Ираны геометрийн олимпиадын дүгнэх аргачлал зохион байгуулагчаас ирлээ. Одоо олимпиадын засалт явагдаж байна. Засалт дууссаны дараа дүнг www.mmo.mn-д байршуулах ба бодлого хамгаалалтыг 10-р сарын 22-ны Бямба гарагийн 14:00 цагт хийнэ. Байршлыг жич зарлана.

Байршил: Хүүхдийн Урлан Бүтээх төвийн зүүн урд, Могул Товерийн (шинээр баригдсан) урд талын Шүүхийн тусгай архив гэсэн байр (Хуучин Түшээ дээд сургууль) 308-тоот.

Олимпиадын урьдчилсан дүн

Олимпиадын удирдамжийн дагуу бодлогын өгүүлбэрийг нийтэд ил байршуулах боломжгүй байгаа тул бодлогын өгүүлбэрээ авч гараагүй оролцогч хүсвэл baysa.edu@gmail.com хаягаар холбогдож бодлогын өгүүлбэр авч болно.

Олимпиадын албан ёсны дүгнэх аргачлалыг эндээс үзнэ үү. Бодлого хамгаалалтыг дүгнэх аргачлалыг үндэслэн явуулах тул хүсэлт илгээхдээ дээр аргачлалын аль заалтаар оноо авах болзол хангаж байгаагаа тодорхой бичиж ирүүлээрэй.

Бодлого хамгаалах хүсэлт илгээх

Нийтэлсэн: 2022-10-18, Сүүлийн засвар: 2022-10-18

Ираны геометрийн 9-р олимпиадад оролцогсдын анхааралд

Олимпиадын бодолт 10-р сарын 14-ны баасан гарагийн 15:00 цагт эхэлнэ. Иймд оролцогсод 14:30-14:45-ийн хооронд өөрсдийн хуваарьт ангид орж байраа эзлэсэн байна. Бодолт 1-р сургуулийн 3 давхрын ангиудад болох бөгөөд анги бүрийн үүдэнд тухайн ангид бодолт хийх багш, сурагчдын нэрс бичигдсэн байна.

Бодолтын хугацаа: Энгийн ангилал 4 цаг, Дунд, Ахлах, Чөлөөт ангилал 4 цаг 30 минут.

Бэлдэх зүйлс: Бичгийн хэрэгсэл (горьтог, шугам, үзэг, бал, ноорог цаас гэх мэт). Тооны машин, компьютер, гар утас, таблет ашиглаж болохгүй.

Олимпиадын засалт: Олимпиадын засалтыг Иранаас ирэх дүгнэх аргачлалын дагуу ММОХ-ын гишүүд хариуцан явуулна. Одоогоор дүгнэх аргачлал ирээгүй байгаа тул засалт ирэх долоо хоногт явагдана гэж тооцож байна. Засалтын явцын талаарх мэдээллэл болон дүнг www.mmo.mn-д нийтлэнэ. Дүрэм ёсоор Монголд засалт хийсний дараа ангилал тус бүрд эхний 4 байрт орсон сурагчдын дүнг Иран дахь зохион байгуулагч руу явуулна. 

Нийтэлсэн: 2022-10-14, Сүүлийн засвар: 2022-10-14

ММОХ-ноос эцэг, эх багш нартай хийх уулзалт

ММОХ-ноос эцэг, эх багш нартай хийх ээлжит уулзалтад урьж байна. Уулзалт 2022 оны 10-р сарын 13-ны Пүрэв гарагт 18:00  цагт МУИС-ийн хичээлийн 1-р байрны 133 тоотод болно.

Хэлэлцэх асуудал:

• ММОХ-ны 2022-2023 оны ажлын товч танилцуулга,
• Олимпиадын дүрэм журам, удирдамж боловсруулах ажлын хэсэг томилох,
• УБ онооны журмыг эцэслэн батлах, сургууль тус бүрийн хариуцах хүмүүсийг томилох,
• ММОХ-ын үйл ажиллагаанд сайн дураар туслах эцэг эхийн төлөөллийг сонгох.

ММОХ

Нийтэлсэн: 2022-10-10, Сүүлийн засвар: 2022-10-10

IMO дугуйлан

Монголын Математикийн Олимпиадын Хорооноос ахлах ангийн сурагчдад зориулсан гурван сарын математикийн олимпиадын бэлтгэл сургалт зохион байгуулж байна. IMO дугуйлан нэртэй энэ сургалт Монгол улсын баг Олон Улсын Математикийн Олимпиадад улам амжилттай оролцох нөхцөлийг бүрдүүлэх зорилготой.

Дугуйланд нийт 22 сурагч хамрагдах боломжтой ба суурь мэдлэгийн хувьд дунд ангийн математикийн хөтөлбөрийг бүрэн эзэмшсэн байх шаардлагатай. Сонирхсон сурагчдын тоо 22-оос давсан тохиолдолд сонгон шалгаруулалт хийнэ. Бүртгүүлэхдээ:

1. www.mmo.mn сайт дээр бүртгүүлнэ, хэрэв бүртгэлтэй бол мэдээллээ шинэчилнэ,
2. 2022/10/04 18:00 цаг гэхэд төлбөрийг хорооны дансанд байршуулснаар бүртгэл баталгаажна.

10-р сарын хичээлүүдийг Ү.Отгонбаяр, Т.Базар, Х.Санжаахүү нар орно.

Жич: Тус сургалт ОУМО-д оролцох сурагчдыг сонгон шалгаруулах үйл явцтай хамааралгүй болохыг анхаарна уу.

Нийтэлсэн: 2022-10-04, Сүүлийн засвар: 2022-10-04

Хичээлийн шинэ жилийн мэнд хүргэе!

Та бүхэнд хичээлийн шинэ жилийн мэнд дэвшүүлье!

ММОХ-ноос 2022-2023 оны хичээлийн шинэ жилд зориулан явуулах ажлын талаар тун удахгүй бид мэдээлэх болно.

ММОХ

Нийтэлсэн: 2022-09-25, Сүүлийн засвар: 2022-09-25