Олимпиадын дүн
Улсын математикийн 62-р олимпиадын дүн гарлаа.
Олимпиадад амжилттай оролцсон нийт багш, сурагчдадаа халуун баяр хүргэе.
Сүүлийн засвар: 2026-04-01, Нийтэлсэн: 2026-04-01
1-р өдрийн дүн, бодолт, дүгнэх аргачлал, бодлого хамгаалах хүсэлт
Багш сурагчид өөрсдийн оноог харах (өөрийн дүнг харах товч дээр дарах)
Бодлогуудын бодолт, дүгнэх аргачлал:
https://drive.google.com/file/d/1CUgQbYT9cXm1JNNLBw8NzbYJrV2nPMIn/view
Эхний өдрийн бодлого хамгаалах хүсэлтийг гаргах (3.31-ний 18:00 цаг хүртэл):
https://www.mmo.mn/olympiads/supplements/
хуудсаар ороод өөрийн ангилалыг сонгоод материал оруулахтай адилханаар бодлого хамгаалах хүсэлтийг гаргана. Бодлого хамгаалах хүсэлтэд ямар үндэслэлээр оноо авах ёстойг тодорхой бичнэ. Онлайн бодлого хамгаалах хүсэлтэд хариуг оноо харах хэсгээс харж болно. Шаардлагатай бол 4.1-нд танхимын бодлого хамгаалалтад орно. Зөвхөн онлайнаар бодлого хамгаалах хүсэлт өгсөн тохиолдолд танхимаар бодлого хамгаалах боломжтой, танхимаар бодлого хамгаалах тохиолдолд багийн ахлагч багш нар оролцоно.
PS: Материал системд оруулах үед зураг хуулагдсан гэж харагдаж байгаа бол заавал дуусгах товчийг дарах шаардлагагүй. Шаардлагатай бол материал оруулах хуудсаа дахин ачаалж материал орсон эсэхийг шалгаж болно.
Системд нэвтэрч чадахгүй байгаа багш сурагчид baysa@mmo.mn рүү аль аймгийн хэн гэдгээ бичээд шинээр нэвтрэх нууц үг үүсгүүлээрэй. Утас 96660036.
Сүүлийн засвар: 2026-03-31, Нийтэлсэн: 2026-03-31
2 дахь өдрийн материал авах, бодлогуудын бодолт, засах аргачлал
2 дахь өдрийн материал бэлэн болсон тул Номуундалай дээр ирээд аваарай.
2 дахь өдрийн бодолт, дүгнэх аргачлал:
https://drive.google.com/file/d/1CvS0BPmcBIBRQbwMRektmol8JOIbKlip/view
2 дахь өдрийн дүн системд орсны дараа мэдэгдэнэ. Хоёр дахь өдрийн бодолт хамгаалалтын онлайн хүсэлтийг 4 сарны 1-ний 9-өөс 12 цагийн хооронд авна.
Хоёр дахь өдрийн дүн болон эхний өдрийн онлайн бодлого хамгаалалтын дүн системд орсон. Хоёр дахь өдрийн бодлого хамгаалалтын хүсэлт маргаашийн 12 цаг хүртэл нээлттэй.
Сүүлийн засвар: 2026-03-31, Нийтэлсэн: 2026-03-31
Материал системд оруулах, дүн харах заавар
Бүх оролцогчид өөрийн материалын зургийг авч системд оруулна. Багш, сурагчид материалаа системд оруулахдаа оролцогчдын жагсаалтад байгаа нэвтрэх нэрээр системд нэвтэрнэ.
Матеариал оруулахдаа дараах линкүүдийг ашиглаарай: E ангилал F ангилал T ангилал
Нэвтрэх нэрээ мэдэхгүй багш, сурагчид дараах жагсаалтаас нэвтрэх нэрээ шалгаарай: E ангилал F ангилал T ангилал
Системд нэвтэрч чадахгүй байгаа тохиолдолд нэвтрэх нэрээрээ ашиглан системээс шинэ нууц үг үүсгүүлж болно. Хэрвээ бүртгүүлсэн имэйл хаягаар шинээр нууц үг үүсгэх линк очихгүй бол spam хавтасыг шалгаарай. Хэрвээ шинээр нууц үг үүсгэж чадахгүй бол baysa@mmo.mn хаягаар хэрэглэгчийн нэрээ явуулж шинээр нууц үг үүсгүүлээрэй.
Олимпиадын эхний өдрийн дүнг хоёр дахь өдрийн бодолт дууссаны дараа системд оруулна. Дүнгийн жагсаалтын дээд хэсгээс оролцогч өөрийн дүнгийн задаргааг харах боломжтой.
Дүнгийн жагсаалтууд: E ангилал F ангилал T ангилал
Сүүлийн засвар: 2026-03-30, Нийтэлсэн: 2026-03-30
Материал авах
Материал бэлэн болсон. 18:00-19:00 хооронд Номуундалай сургуулийн 107 тоотоос (техникийн зөвлөгөөн болсон өрөө) очиж аваарай.
Бодолт, дүгнэх аргачлал маргаашийн бодолтын дараа орно.
Сүүлийн засвар: 2026-03-30, Нийтэлсэн: 2026-03-30
Олимпиадад оролцох үед баримтлах дүрэм
1 Ерөнхий шаардлага
1.1 Бодолтын цаг эхлэхээс 20 минутын өмнө гэхэд бодолтын танхимд суудлаа эзэлсэн байна. Бодлого задарснаас хойш оруулахгүй.
1.2 Бодолтод зөвхөн үзэг, бал, шугам, гортиг, баллуур гэх мэт бичих болон зурах хэрэгсэл ашиглаж болно.
1.3 Компьютер, гар утас, таблет, тооны машин, ухаалаг цаг болон бусад цахим төхөөрөмж болон холбооны хэрэгсэл ашиглахыг хориглох ба бодолтын танхим руу авч орохгүй байна.
1.4 Геометрийн бодлогоны зураг зураагүй бол бодолтоос 1 оноо хасна.
1.5 Үнэр, чимээ багатай хөнгөн идэх, уух зүйлс бодолтын танхимд авч орж болох ба бодолтын үеэр хэрэглэж болно.
1.6 Биезасахдаа хянагчид мэдэгдэн нэг нэгээрээ гарна. Эхний 1 цаг болон сүүлийн 30 минутад бодолтын танхимаас гарахгүй.
1.7 Бодолт эхэлснээс хойш 30 минутын хугацаанд бодлогын өгүүлбэртэй холбоотой асуултыг бичгээр асууж болно
1.8 Бодолтын цаасны зөвхөн нүүрэн талд бичих ба ард талд бичсэн бичвэрт засалт хийхгүй.
1.9 Бодолтын цаасан дээр нэгээс олон бодлогын бодолтыг хольж бичихгүй.
1.10 Бодолтын цаасан дээр хуудасны дугаар, бодолтоо дуусаад тухайн бодлогын бодолтын нийт хуудасны тоог бичнэ.
1.11 Бодолт дууссан бол бодолтын цаасаа хянагчид тоолон хүлээлгэж өгөх ба хяналтын хуудас дээр гарын үсэг зурж баталгаажуулна.
1.12 Бодолтын хуулбараа авсны дараа mmo систем рүү өөрийн бодолтын зургийг оруулна. Бо долт оруулаагүй тохиолдолд хамгаалалтад орох боломжгүй.
1.13 Бодолт хамгаалах хүсэлтийг mmo системээр өгөх ба ямар үндэслэлээр дүгнэх аргачлалын аль хэсгээс хэдэн оноо авах хүсэлтэй байгаагаа тодорхой бичнэ.
2 Ёсзүйн шаардлага
2.1 Бодолтын цаг эхэллээ гэж зарлах хүртэл бодлого харахгүй бөгөөд бодолтын цаг дууслаа гэж зарласны дараа бодолтын цаасанд нэмэлт өөрчлөлт оруулахгүй.
2.2 Бодлогоо бие даан бодох ба бусдаас аливаа хэлбэрийн тусламж авахыг хориглоно.
2.3 Бодолт болон хамгаалалтын үеэр хянагч, зохион байгуулалч болон хорооны гишүүдтэй хүндэтгэлтэй харьцаж, тэдний зүй ёсны шаардлагыг биелүүлнэ.
2.4 Дээрх заалтуудыг зөрчсөн тохиолдолд олимпиадаас хасах хүртэл арга хэмжээ авна.
Танилцсан ........................./..............................
Сүүлийн засвар: 2026-03-29, Нийтэлсэн: 2026-03-29
Улсын олимпиад
Улсын Математикийн 62-р Олимпиад эхлэхэд 4 хоног үлдлээ. Баянхонгор аймагт удахгүй уулзацгаая.
Оролцогчдын жагсаалт: E ангилал F ангилал T ангилал
Хэрэв та улсын олимпиадад оролцох эрхээ авсан боловч жагсаалтад байхгүй байвал baysa@mmo.mn хаягаар холбоо барина уу.
УЛСЫН МАТЕМАТИКИЙН 62 ДУГААР ОЛИМПИАДАД ОРОЛЦОГЧДОД ЗОРИУЛСАН ЗӨВЛӨМЖ
2026 оны 03 дугаар сарын 23 Номгон
Баянхонгор аймагт 2026 оны 03 дугаар сарын 28-04 дүгээр сарын 02-ны өдрүүдэд зохион байгуулагдах олимпиадад оролцогчдод дараах зөвлөмжийг хүргэж байна.
1. Бэлтгэл хангах:
- Улаанбаатараас Баянхонгор чиглэлийн автобус 2026 оны 03 дугаар сарын 28-ны 07:00 цагт Улаанбаатар хотын Сүхбаатарын талбайн урд зогсоолоос хөдлөх тул цаг баримтлах /Жолоочийн утасны дугаар 94123003/
- Автобусаар зорчих багш, сурагчид өглөөний цайгаа ууж ирэх. Өдрийн хоолыг нэгдсэн журмаар бэлдэхээр төлөвлөж байна. Нэмэлт замын хүнсээ өөрсдөө хариуцан бэлтгэх
- Хувийн хэрэгцээний зүйлсээ бэлтгэх. Үүнд бичгийн хэрэгсэл (үзэг, бал, харандаа, баллуур, гортиг гэх мэт), ариун цэврийн хэрэгсэл (алчуур, саван, оо, сойз гэх мэт) орно.
2. Заавал авчрах зүйлс:
- Иргэний үнэмлэх / сурагчийн үнэмлэх
- Дотуур байранд байрлах багш, сурагчид цагаан хэрэглэл /мешок/
- Спорт хувцас (Багш, сурагчдын чөлөөт цагийн үйл ажиллагаанд хэрэглэх)
- Аймаг, сургуулиа төлөөлөх туг, бэлгэдэл
3. Дэг журам, хандлага:
- Зохион байгуулагчийн заавар, дэг журмыг чанд мөрдөх
- Шударга, соёлтой оролцох
- Бусдаас суралцах, туршлага солилцох
- Байр, орчинд цэвэрч, хариуцлагатай байх
- Бие биедээ хүндэтгэлтэй хандах
Шаардлагатай тохиолдолд лавлах утасны дугаар: 88007445, 88000928
ЗОХИОН БАЙГУУЛАХ АЖЛЫН ХЭСЭГ
Сүүлийн засвар: 2026-03-25, Нийтэлсэн: 2026-03-24
IMO 2026 сорилго №01
2025 оны 9 сард гарсан хуваарийн дагуу 2026 оны 3 сарын 14-15 өдрүүдэд Монгол улсаа төлөөлж Олон Улсын Математикийн 67-р Олимпиадад оролцох багийг сонгон шалгаруулах 1-р сорил явагдана. Сорил удирдамжийн дагуу ММО III даваа буюу улсын математикийн олимпиадын F ангилалд оролцох эрх авсан бүх сурагчдад нээлттэй ба нэмэлт бүртгэл хийхгүй. Нийт оролцогчдодоо амжилт хүсье!
Газар: МУИС (өрөөг жич зарлана)
Огноо: 2026/03/14 (Бя) - 15 (Ня)
Цаг: 9:00-13:30 (8:30 гэхэд суудлаа эзэлсэн байна)
2-р сорил III давааны F ангилал,
3-р сорил 4 сарын 25/26 өдрүүдэд
явагдаж нийлбэр дүнгээр багийг шалгаруулна. Оноо тэнцсэн тохиолдолд зөвхөн оноо тэнцсэн сурагчдын дунд нэмэлт сорил зохион байгуулна.
Олон улсын олимпиад Хятад улсын Шанхай хотод энэ оны 7/10-20 хооронд зохион байгуулагдана.
Сүүлийн засвар: 2026-03-11, Нийтэлсэн: 2026-03-11
Олимпиадын дүрэм журам, удирдамж
2025-2026 оны хичээлийн жилийн бүртгэлийн удирдамж
2025-2026 оны хичээлийн жилийн удирдамж /Олимпиадын хорооны гүйцэтгэх зөвлөл баталж, намрын багш, эцэг эхчүүдийн онлайн уулзалтаар танилцуулсан/
Энэ жилийн дүрмийн гол өөрчлөлт УБ хотод I даваанд оролцсон оноогоо жагсаалтад оруулахын тулд дүүргийн аль нэг сургуультай хамтарч хийхээр болсон.
Сүүлийн засвар: 2025-11-10, Нийтэлсэн: 2025-10-19
Хичээлийн шинэ жилийн мэнд
Математик сонирхогч та бүхэндээ хичээлийн шинэ жилийн баярын мэнд хүргэе!
Монголын Математикийн Олимпиадын Хорооны 2025-2026 оны хичээлийн жилийн үйл ажиллагааны төлөвлөгөө батлагдлаа. Олимпиадын шат даваануудын огноо БЕГ-аас хараахан эцсийн байдлаар батлагдаагүй байгаа тул энд байгаа огноо урьдчилсан төлөвлөгөө юм. Төлөвлөгөөнд тусаагүй үйл ажиллагаанд хороо оролцохгүй.
Уламжлал ёсоор удирдамж танилцуулах нээлттэй онлайн уулзалт хийх тул сонирхсон багш, сурагч, эцэг эх, асран хамгаалагчид өргөнөөр оролцоно уу.
Нээлттэй уулзалт
9 сарын 24 (Лхагва) · 19:00 – 20:00
Time zone: Asia/Ulaanbaatar
Google Meet joining info
Video call link: https://meet.google.com/zgt-kjhr-ywj
Or dial: (US) +1 323-510-6041 PIN: 146 598 627#
More phone numbers: https://tel.meet/zgt-kjhr-ywj?pin=3111868845002
2024-2025 оны хичээлийн жилийн EGMO бэлтгэл болон IMO бэлтгэлийг танхимаар хангаж туслалцаа үзүүлсэн olonlog.exe сургууль болон ciana education сургалтын төвд талархал илэрхийлье!
Сүүлийн засвар: 2026-03-05, Нийтэлсэн: 2025-09-11
2 дахь өдрийн танхимаар бодлого хамгаалах хүсэлт
Хоёр дахь өдрийн бодлого хамгаалах оролцогчид 16:00 цагаас өмнө Номуундалай сургууль дээр ирж хүсэлтээ маягтын дагуу гаргаарай. 16:00 цагаас хойш хүсэлт хүлээн авахгүй.
Сүүлийн засвар: 2026-04-01, Нийтэлсэн: 2026-04-01
Бодолт хамгаалалтын заавар
Бодлого хамгаалалт хоёр үе шаттай явагдаж байна.
Эхний шат нь онлайн хүсэлтийг заасан хугацаанд системээр ирүүлнэ. Үүнийг бодлого засалтын комисс шалгаад эхний хариултыг өгнө. Шинэчилсэн оноог оролцогчид системээс хараад шаардлагатай гэж үзвэл танхимаар ирж хамгаалж болно.
Эхний өдрийн онлайн хүсэлтийг өчигдөр авсан. Одоо танхимаар хамгаалж болно. Багш сурагчид өөрсдийн оноог хараад шаардлагатай гэж үзвэл Номуундалай сургууль дээр ирж танхимаар хамгаална. Хамгаалалтыг удирдагч багш хийнэ.
Хоёр дахь өдрийн онлайн хүсэлтийг 4-р сарын 1-ний 12 цаг хүртэл аваад танхимын хамгаалалтыг үдээс хойш хийнэ.
PS: Бүх багш сурагчдын дүн системд орсон байгаа тул засагдаагүй гэсэн төлөвтэй байсан ч оноо тавигдсан гэж ойлгоно.
Сүүлийн засвар: 2026-04-01, Нийтэлсэн: 2026-04-01
ММО-62, 2-р давааны 2-р шат бодолт, дүгнэх аргачлал, бодлого хамгаалалт
1. Эхний өдөр
Улаанбаатар хотын олимпиадын урьдчилсан дүн https://www.facebook.com/schoollaboratory хуудсанд тавигдана. D, S ангилалын олимпиадын дүн өнөө орой, бусад ангилалын эхний өдрийн дүн хоёр дахь өдрийн бодолт дууссаны дараа гарна. D, S ангилалын бодлого хамгаалалт 3-р сарын 1-ны өдрийн 10-12 цагт 1-р сургууль дээр болно. Багш, сурагчид биеэр ирж хамгаална уу. Бодлого хамгаалалтын дэнчин бодлого бүр 10,000 төгрөг.
Урьдчилсан дүн мөн 1-р сугуулийн фэйсбүүкт гарна. E, F, T ангиллын бодлого хамгаалалт 3-р сарын 2-ний өдрийн 18-20 цагт 1-р сургууль дээр болно. Багш, сурагчид биеэр ирж хамгаална уу. Бодлого хамгаалалтын дэнчин бодлого тус бүр 10,000 төгрөг.
Сүүлийн засвар: 2026-03-05, Нийтэлсэн: 2026-02-28
Ази-Номхон далайн математикийн олимпиад 2026
Ази-Номхон далайн математикийн олимпиад нь 1989 оноос эхлэн жил бүр зохион байгуулагдаж байгаа бөгөөд энэ жил Монгол улс 2 дахь удаагаа албан ёсоор оролцох гэж байна.
Зохиогдох газар: Нийслэлийн ерөнхий боловсролын 11 дүгээр сургууль
Зохиогдох өдөр: 2025 оны 3 дугаар сарын 10
Зохиогдох цаг: 09:00-13:00
Тус олимпиад нь зөвхөн нэг ангилалтай байх ба 4 цагийн хугацаанд 5 бодлого бодож өрсөлдөнө. Журмын дагуу хамгийн өндөр оноотой 10 сурагчийг дотооддоо шалгаруулж оноог болон 1, 3, 7-р байрны сурагчийн бодолтыг APMO зохион байгуулах комисс руу явуулна.
Олимпиадын албан ёсны веб хуудас: https://www.apmo-official.org/
Өмнөх жилүүдийн бодлогууд: https://www.apmo-official.org/problems
Бүртгэл: Олимпиадад оролцох сонирхолтой дунд, ахлах ангийн (энэ жил D, E, F ангилалд өрсөлдсөн) сурагчид дараах холбоосоор орж бүртгүүлнэ үү. Бүртгүүлэгч нь MN06001500 1109146771 Голомт банк /У.Батзориг/ дансанд бүртгэлийн хураамж болох 30,000 төгрөгийг шилжүүлснээр бүртгэл баталгаажна. Гүйлгээний утга дээр “сурагчийн нэр, бүртгүүлсэн утасны дугаар”-аа бичнэ үү.
Бүртгэл 2026 оны 3 дугаар сарын 08-ний өдөр хаагдана. Холбоос: https://forms.gle/AMofdXtAuWw3DCC97
Сүүлийн засвар: 2026-03-11, Нийтэлсэн: 2026-02-26
ММО-62, 2-р давааны 2-р шат
Монголын Математикийн 62-р Олимпиадын II давааны II шат 2-р сарын 28, 3-р сарын 1-ний өдрүүдэд Улаанбаатар, Баян-Өлгий (Баруун бүс), Дундговь (Говийн бүс), Төв аймаг (Төвийн бүс)-т тус тус зохион байгуулагдана. Зохион байгуулах аймаг байхгүй тул энэ жил Зүүн бүсийн олимпиад цуцлагдахаар боллоо.
D, S ангиллын бодолт 2026 оны 2-р сарын 28,
E, F, T ангиллын бодолт 2026 оны 2-р сарын 28, 3-р сарын 1-ний өдрүүдэд явагдана.
D ангилал 3 цаг, бусад ангилал өдөрт 4 цаг 30 минутын бодолт хийнэ.
Бодолт УБ-ын цагаар 09:00 цаг эхэлнэ.
Сүүлийн засвар: 2026-03-05, Нийтэлсэн: 2026-02-23
УБ хотын олимпиадад оролцох
Олимпиад зохион байгуулах удирдамжын 7.6-д заасанаар аймгаас бүсийн эрх авсан сурагчид УБ хотын олимпиадад оролцож УБ хотын сурагчидтай өрсөлдөж улсын эрх авч болдог.
Энэ жил хөдөөнөөс УБ хотын математикийн олимпиадад оролцох сурагчдын мэдүүлгийг дараах хүснэгтийн дагуу excel файл болгоод odkhuudamdin@gmail.com хаягаар 2026.02.22 -ны дотор илгээнэ үү.
Үүнд сурагчийн Овог, Нэр, MMO ID, Аймаг, Сургууль, Орох ангилал, Бэлтгэсэн багш, Холбогдох утас
Жич: ММО-62, II даваа I шатнаас дараагийн шатанд оролцох эрхээ авсан байх.
Сүүлийн засвар: 2026-03-05, Нийтэлсэн: 2026-02-11
EGMO сорилын дүн
EGMO-2026-д оролцох сонгон шалгаруулалт амжилттай зохион байгуулагдаж дууслаа.
Хоёр удаагийн сорилын нийлбэр дүнгээр:
1. Н. Болор 55 оноо, Эрдмийн хишиг
2. А. Ану 52 оноо, 11-р сургууль
3. М. Амин-Эрдэнэ 33 оноо, Шинэ-Үе
4. Т. Жавхланзаяа 31 оноо, Баянхонгор Төгс-Алгоритм
нар шалгарч энэ жил Франц улсын Бордо хотод 4-р сарын 9-нөөс 15-ний өдрүүдэд болох EGMO-2026-д оролцохоор боллоо. Багт өндөр амжилт хүсье.
Сүүлийн засвар: 2026-03-05, Нийтэлсэн: 2026-02-10
EGMO сорил №02, Бодлого хамгаалалт
Бодлого хамгаалалт 2 сарын 10-ны 14:30-аас МУИС-ийн 1-р байр 317 тоотод явагдана. Бодлого хамгаалах хүсэлтийг 2 сарын 10-ны 14:00 хүртэл авна ммо сайтаар авна. Дүгнэх аргачлалыг эндээс харж ямар үндэслэлээр оноо нэмүүлэхээ хүсэлтдээ тодорхой бичнэ үү.
Сүүлийн засвар: 2026-03-05, Нийтэлсэн: 2026-02-09
ММО-62, 2-р давааны 2-р шат
Монголын Математикийн 62-р Олимпиадын II давааны II шат буюу бүс/нийслэлийн математикийн олимпиад хуваарийн дагуу 02/28-03/01 өдрүүдэд зохион байгуулагдана.
Олимпиадад өмнөх шатнаас эрх авсан D (7-8), E (9-10), F (11-12) ангиллын сурагчид болон S (Бага ангийн багш), T (Багш) ангиллын багш нар оролцоно. Удирдамжийн дагуу D, E, F ангилалд аймаг бүрээс эхний 10 сурагч, S, T ангилалд эхний 5 багш оролцох эрхтэй. Зохион байгуулагч аймаг нь босго оноог багасгах замаар бүсийн олимпиадад оролцох оролцогчийн тоог нэмэгдүүлэх боломжтой. Мөн зохион байгуулагч аймаг 10 хүртэл хүнтэй нэг баг нэмэлтээр оруулах эрхтэй.
D, S ангилал эхний 1 өдөр, E, F, T ангилал 2 өдөр явагдана.
Баруун бүс: Баян-Өлгий аймагт
Говийн бүс: Дундговь аймагт
Төвийн бүс: Төв аймагт
Нийслэл: 1-р сургууль дээр зохион байгуулагдана.
(Зүүн бүс зохион байгуулагдах эсэх тодорхойгүй байна)
Сүүлийн засвар: 2026-03-05, Нийтэлсэн: 2026-02-05
EGMO сорил №02
EGMO сорил №02 хуваарь ёсоор 2-р сарын 7, 8-ний өдрийн 09:00--13:30-д МУИС-ийн 1-р байрны 330-д болно. Сурагчид 15 минутын өмнө бэлэн байна уу.
Сүүлийн засвар: 2026-02-09, Нийтэлсэн: 2026-02-05
EGMO I сорилын дүн, бодлого хамгаалалт
EGMO I сорилын урьдчилсан дүн гарлаа. Бодлого хамгаалалт 1-р сарын 27-ны Мягмар гарагийн 17 цагаас МУИС-ын 1-р байрны 133 тоотод болно.
Дүгнэх аргачлалыг бодлогууд хэсэгт орууллаа.
Бодлого хамгаалах сурагчид дүгнэх аргачлалын аль заалтын дагуу оноо авна гэдгээ тодорхой бичиж олимпиадын нэмэлт материал оруулах линкээр илгээнэ үү. Хүсэлтийг 1-р сарын 27-ны өдрийн 16 цаг хүртэл авна.
Бодлогуудыг олон нийтийн сүлжээнд нийтлэж болохгүйг онцгой анхаарна уу!
Бодлого хамгаалах хүсэлтийг онлайнаар хянаад оноо нэмсэн тохиолдолд заавал биеэр ирэх шаардлагагүй.
Сүүлийн засвар: 2026-02-09, Нийтэлсэн: 2026-01-26
Сонгон шалгаруулалтад урьж байна
Европын Охидын Математикийн 15-р Олимпиад 2026 оны 4 дүгээр сарын 09-15 өдрүүдэд Франц улсын Бордо хотод зохион байгуулагдана. Монгол улсаа төлөөлөн оролцох 4 охиныг дүрмийн дагуу 2 удаагийн сонгон шалгаруулах сорилоор шалгаруулж авна.
I сорил 1 сарын 24-25 өдрүүдэд II сорил 2 сарын 7-8 өдрүүдэд явагдана. Сорилд ММО-ын II давааны I шат буюу аймаг/дүүргийн олимпиадад E эсвэл F ангилалд оролцож ядаж 1 оноо авсан эмэгтэй сурагч оролцож болно. Сорил Улаанбаатар хотод танхимаар зохион байгуулагдана. Сонгон шалгаруулах сорилд оролцох хүсэлтэй сурагчид дараах формоор бүртгүүлнэ үү. Бүртгэл 1 сарын 23-ны өдөр дуустал явагдана.
Шалгаруулалт болох газар:
МУИС-ийн хичээлийн 1-р байр 330 тоот
Хугацаа:
24, 25-ний өдрийн 9:00-13:30 цаг.
Бүртгүүлсэн сурагчид бодолт эхлэхээс 15 минутын өмнө ирж суудлаа эзэлнэ үү.
Сүүлийн засвар: 2026-01-26, Нийтэлсэн: 2026-01-16
Аймаг, дүүргийн олимпиадын дүн
Аймаг, дүүргийн олимпиадын дүн mmo.mn системд оруулах ажил явагдаж байна. Хэрвээ танай аймаг, дүүргийн дүн системд орсон ч таны дүн системд ороогүй байгаа бол өөрийн аймаг дүүргийн ЗБ нарт MMO-ID-гаа өгөөрэй.
Сүүлийн засвар: 2026-02-05, Нийтэлсэн: 2025-12-19
ММО-62, 2-р давааны 1-р шат, дүгнэх аргачлал
Сүүлийн засвар: 2026-02-05, Нийтэлсэн: 2025-12-14
Аймаг, дүүргийн олимпиадын мэдээлэл
Аймаг, дүүргийн олимпиад хуваарь ёсоор 12-р сарын 13, 14-ний өдрүүдэд зохион байгуулагдана.
C ангилал: 13-ний 10:00-12:00
D ангилал: 14-ний 10:00-13:00
E, F, Т ангилал: 13, 14-ний 10:00-14:30
S ангилал: 14-ний 10:00-14:30
бүгд Улаанбаатарын цаг.
Дүүргийн олимпиад зохион байгуулах сургуулиуд
- Баянгол дүүрэг: 40-р сургууль
- Баянзүрх дүүрэг: 14-р сургууль
- Сүхбаатар дүүрэг: 1-р сургууль
- Сонгинохайрхан дүүрэг: Ирээдүй
- Чингэлтэй: Олонлог Эгзэ
- Хан-Уул: Олонлог төв сургууль
- Багахангай: 91, Налайх: 119, Багануур: Оюуны Эрин
Аймаг, дүүргийн жагсаалт гарч 2-р давааны 1-р шатанд шалгарсан сурагчдын нэрсийг зарласан. Одоо аймаг, дүүргүүд жагсаалтын нэмэлтээр эрх олгох босго оноог ирүүлж байна. Жагсаалтын нэмэлт эрх олгож дууссаны дараа дүүргийн сургууль бүр жагсаалтаас эрх аваагүй 3 хүртэлх сурагчийг дүүргийн олимпиадад, аймгийн сургуулиуд жагсаалтаас эрх аваагүй 2 хүртэлх сурагчийг аймгийн олимпиадад оролцуулна. Сурагчид 1-ийн даваанд оролцож 1 буюу түүнээс дээш оноо авсан байх ёстой. Жагсаалтын нэмэлт эрхийг www.mmo.mn-д зарлах ба сургууль бүр өөрийн сургуулиас сургуулийн эрхээр оролцох сурагчдын нэрсийг аймаг, дүүргийн олимпиад зохион байгуулах комисст мэдүүлнэ.
Бусад мэдээллийг 2025-2026 онд Монголын математикийн олимпиад зохион байгуулах удирдамжаас харна уу.
Сүүлийн засвар: 2026-02-05, Нийтэлсэн: 2025-12-04
Ираны геометрийн олимпиадын дүн гарлаа
Ираны геометрийн олимпиадын бодлого хамгаалалт дуусч, эцсийн дүн гарлаа. Дүнг эндээс харна уу. Бид дүнгээ нэгтгэн ерөнхий зохион байгуулагч руу явууллаа. Дараагийн шатанд бусад улсуудын оролцогчидтой нэгдсэн жагсаалтад орох ба тэндээс дараагийн шалгаруулалт явагдана. Энэ дүн нилээд удаж гардаг болохыг анхаарна уу. (Өнгөрсөн жил гэхэд 5-р сар орчимд гарсан болно.) Нэгдсэн дүн гарснаар зохион байгуулагчаас алт, мөнгө, хүрэл болон бүтэн бодлого бодсон сертификатуудыг явуулсны дараа бид жич зарлан сертификатуудыг тараах болно.
Сүүлийн засвар: 2025-11-13, Нийтэлсэн: 2025-11-08
Олимпиадын I давааны шинэ тов
ММО-62, I даваа буюу сургуулийн олимпиадыг 2025 оны 11-р сарын 14-ны өдрийн 15:00-17:30-ийн хооронд зохион байгуулахаар боллоо.
Хамтран зохион байгуулах сургуулиудын бүртгэлийг 2025 оны 11-р сарын 11-ны өдөр хааж 12-ны өдөр эцсийн байдлаар зарлана. Хүсэлт ирүүлсэн сургуулиудийг https://www.mmo.mn/post/?id=453 -ээс харна уу.
Сүүлийн засвар: 2025-11-06, Нийтэлсэн: 2025-11-04
Ираны геометрийн олимпиадын урьдчилсан дүн
Дүнг 2025-11-07-ны 11:00 байдлаар эцэслэн гаргалаа. Дүнгээ шалгаад бодлого хамгаалалтад биеэр ирж оролцох эсэхээ шийдээрэй.
Ираны геометрийн олимпиадын урьдчилсан дүн гарлаа.
- Д ангилал Хуудас 1 Хуудас 2 Хуудас 3
- E ангилал Хуудас 1 Хуудас 2
- F ангилал Хуудас 1 Хуудас 2
- Чөлөөт ангилал Хуудас 1 Хуудас 2
Дүгнэх аргачлалыг 11-р сарын 3-нд энд байршуулна.
Д ангилал, E ангилал, F ангилал, Чөлөөт ангилал
Бодлого хамгаалаах хүсэлтийг 11-р сарын 5-ны өдрийг дуустал https://www.mmo.mn/olympiads/supplements/ -ээр авна. Бодлого хамгаалалт 11-р сарын 7-нд явагдана.
Онлайн хүсэлт өгсөн оролцогчид шаардлагатай тохиолдолд танхимаар ирж хамгаална уу. Танхимын хамгаалалт 11-р сарын 7-ны 15:00-16:00 МУИС-ийн 1-р байрын 130 тоотод болно. (Зөвхөн онлайнаар хүсэлт өгсөн оролцогчид бодлого хамгаалалтанд оролцоно.)
Сүүлийн засвар: 2025-11-09, Нийтэлсэн: 2025-11-02
ММО-62, I давааны талаарх мэдээлэл
- Сургуулийн олимпиад БЕГ-аас батлагдсан хуваарийн дагуу 11-р сарын 14-ны баасан гарагт зохион байгуулагдана. C, D ангилал 15:00-17:00, E, F ангилал 15:00-17:30 болно. Сургуулиуд бүртгэлээ яаралтай дуусгана уу.
- 2025-2026 онд олимпиад зохион байгуулах удирдамжийн 5.7-д зааснаар УБ хотын сургуулиуд дүүргийн жагсаалтад орж, нэмэлт эрх авахын тулд тухайн дүүргийнхээ 1 болон түүнээс дээш сургуультай хамтарч сургуулийн олимпиадаа зохион байгуулах ёстой. Бусад сургуулиудын хувьд 3 сурагч дүүргийн олимпиадад орно. Одоогоор албан ёсоор хамтрахаар мэдүүлэг өгсөн сургуулиудын жагсаалт:
- Багануур, Багахангай, Налайх
- Голомт, 109-р сургууль
- 119-р сургууль, Эрдмийн Оргил цогцолбор сургууль, Чандмань Эрдэнэ
- Оюуны Эрин, Гүн галуутай
- Сод, Боловсрол
- 91, 94
- Баянгол дүүрэг:
- Эрхэт-Эрдэм, Эхлэл, Соёмбо
- Шинэ-Эрин, Шинэ-Эхлэл
- 73, Монгол-Од
- 113, 146
- Эрдмийн Ундраа, Эрдмийн Өргөө
- 141 сургууль, Монгени
- 38, Оюуны-Ундраа
- 28, 40, Сэтгэмж
- Наран, Эрдмийн хишиг
- 47, 93
- Электрон жаал, Эрдэм-Алтай, Асури
- 13, 113
- 19, 184
- 20, 51
- Баянзүрх дүүрэг:
- Шинэ Монгол, Төгсдэлгэрэх
- Хишиг, Эм Ай Ю
- Олонлог академи, Глобал
- 14, 33
- 79, 92
- 21, 84, Эрхэм Баян Эрдэм
- Оюунлаг, НЕБ-ийн Улаанбаатар
- 148, 155
- 68, 87
- 97, 69
- Монгол Тэмүүлэл, 157
- 44, 53
- 48, 102
- Амгалан, ДХИС-ийн харъяа ахлах сургууль
- 111, 133
- Эрдмийн гүүр, Бага тэнгэр
- Сонгинохайрхан дүүрэг:
- Өнөр, 153
- Ирээдүй, Хөгжил
- 62, 154
- Номын ёс, 106
65, 152(Хамтарсан тайлан ирүүлээгүй)- Номуун, Тольт
- 122, 123
- 42, 162
- 104, 105
74, 121(Хамтарсан тайлан ирүүлээгүй)- 76, Жишиг Эрдэм
- Сүхбаатар дүүрэг:
- 1, 11, Австралиан Смарт Скүүл оф Улаанбаатар сургууль
- 31, Сант
- Шинэ-Үе, МУИС лицей
- 4, 16
- 35, 159, 166 ?
- Нэст Эдүкэйшн, Олула томё сургууль
- МУБИС-ийн харьяа ЕБС, Шинэ зууны удирдагч, Спортын төв сургууль
- АШУҮИС ЕБС, ШУТИС ЕБАС
- 2, 3
- Сэлбэ, Логарифм
- 45, ӨЗБАС
- Эрдмийн хөтөч, 71
- Монгол Оросын хамтарсан сургууль, 6
- Жаргалан, Кингс кид
- Хан-Уул дүүрэг
- 34, 41
- Олонлог төв сургууль, Шинэ Монгол Харумафүжи
- Орчлон, Хобби
- Шинэ-Өнөөдөр, Орхон Хасу
- Хүмүүн ОУС, Дүүрэн Эрдэм сургууль
- 32,
115, 52 - 15, 18
- Индра кибер, Жет
- 130 дугаар сургууль, Сингапур сургууль
- Шинэ Зуун Билэг, Монгол Билэг Оюу
- 7, 114
118, 163- Номт наран сургууль (БГД ?), Солонго SF
- 59, 156
10, 26
- Чингэлтэй дүүрэг
- Олонлог эгзэ, 5
- 23, 24, Эрхэт-Ухаан
- 49, 57
- Тусгал сургууль, 50
- 39, 72
- 17, 61
- Багануур, Багахангай, Налайх
- Дээрх жагсаалтад ороогүй, дүүргийнхээ аль нэг сургуультай хамтран зохион байгуулахаар тохирсон сургуулиуд baysa@mmo.mn хаягаар аль сургуультай хамтран оролцох болсон талаарх мэдээллээ яаралтай ирүүлнэ үү!
- 5.7 заалт зөвхөн УБ хотын дүүргүүдэд хамаатай бөгөөд аймгуудын боловсролын газраас төстэй зохицуулалтыг хийж болно.
Сүүлийн засвар: 2026-02-05, Нийтэлсэн: 2025-10-24
Ираны геометрийн олимпиадын дүнгийн талаар
Ираны геометрийн олимпиадын засалтын заавар энэ долоо хоногт ирнэ. Одоогоор ирээгүй байна, ирсний дараа засалт явагдана. Засалт явагдсаны дараа бодлого хамгаалалтын товыг зарлана.
Сүүлийн засвар: 2025-11-07, Нийтэлсэн: 2025-10-20
Ираны геометрийн олимпиадын бүртгэлийн мэдээлэл
Бүртгүүлсэн сурагчдын жагсаалт /10-р сарын 14-ний байдлаар/
12 дахь удаагийн Ираны Геометрын олимпиад 2025 оны 10-р сарын 17-ны өдөр 14:00 цагаас Нийслэлийн 1-р дунд сургууль Олонлог ЭГЗЭ сургууль дээр зохион байгуулагдана.
Олимпиад D (7-8-р анги), E (9-10), F (11-12), чөлөөт ангилал (багш, оюутан, сонирхогч) гэсэн 4 ангилалаар явагдах ба тус бүр 5 геометрын бодлогыг D ангилалд 4 цаг, бусад ангилалд 4 цаг 30 минутын турш бодно.
Олимпиадын зохион байгуулалтад 1. Олон улсын баг 2. Засалтын баг 3. Дотоод зохион байгуулалтын баг тус тус ажиллана.
Олон улсын баг бодлого сонгож, бодлого засах аргачлалыг боловсруулна.
Засалтын баг олон улсын багаас ирсэн аргачлалын дагуу бодлого засалтыг гүйцэтгэх ба засалтын багийг ММОХ томилно.
Дотоод зохион байгуулалтын баг олимпиадыг танхимаар зохион байгуулах ба уг багийг Нийслэлийн 1-р сургууль томилно.
Урьдчилсан оноо болон бодлого хамгаалалтын товыг жич зарлана.
Засалтын баг ангилал бүрд хамгийн өндөр оноо авсан дөрвөн оролцогчийн материал болон оноог олон улсын баг руу илгээнэ. Оноо тэнцсэн тохиолдолд дөрвөөс олон оролцогчийн материалыг явуулж болно. Эндээс олон улсын баг сонгон шалгаруулалт хийж, шалгарсан оролцогчдод алт, мөнгө, хүрэл шугам болон тусгай шагнал олгоно. Олимпиадын дүрмийг энэ линкээр орж үзнэ үү.
Сүүлийн засвар: 2025-10-20, Нийтэлсэн: 2025-10-16
I давааны зохион байгуулалтын хурал
Математикийн олимпиадын I давааны зохион байгуулалтын талаарх онлайн уулзалтын линк явуулж байна. 10-р сарын 13, 15-нд 20:00-21:00
https://meet.google.com/uix-xkyg-rzd
Сүүлийн засвар: 2025-10-18, Нийтэлсэн: 2025-10-13
Бүртгэгч багш нарын жагсаалт, бүртгэлийн заавар
Багш нар
https://www.mmo.mn/schools/manage-all/
жагсаалтаас нэр нэвтрэх нэрээ шалгаад шаардлагатай бол
https://www.mmo.mn/password_reset/
линкээр нууц үгээ солиорой. Бүртгэгч багшаа солих бол хүсэлтээ baysa@mmo.mn хаягаар ирүүлнэ үү.
Шуурхай мэдээлэл тараах google group-ийн хаяг:
https://groups.google.com/g/mmo-school-admins
Олимпиадын дүрэм журам бүхий линкүүд:
Бүртгэлийн заавар видео:
https://youtu.be/HcHDIRtPj_I 15-ны өдрийн
1. https://www.mmo.mn/schools/ -аас өөрийн удирдах сургуулиа сонгоно.
2. Бүртгэлийн хэсгээс ангилал бүрд орох сурагчдын мэдээллийг шалгана. Энэ жил олимпиадад оролцохгүй сурагчдын ангилалыг бусад болгоно. Мөн сургуульд элсэх хүсэлт ирүүлсэн багш сурагчдын хүсэлтийг шалгаад баталгаажуулна.
3. Хуудасны доод хэсэгт байгаа олимпиадуудын жагсаалтаас сурагчдын нэрс бүхий эксел файлууд (4 ангилал) татаж аваад шалгалтын дараа сурагчдын хариултыг оруулсны дараа системд буцааж хуулна. Хуулсны дараа сурагчдын хариултуудыг дэлгэц дээр ямар нэг алдаагүй харуулсан тохиолдолд ажил дуусна. Баталгаажуулах үүднээс хариултын файлаа baysa@mmo.mn хаягаар давхар явуулна.
Сүүлийн засвар: 2026-03-05, Нийтэлсэн: 2025-10-13
Бүртгэл
Энэ хичээлийн жилд бүртгэлийг хөнгөвчлөх зорилгоор бүх сурагчдын ангийг 1-ээр нэмэгдүүллээ. Цаашид хичээлийн жилийн эхэнд үүнийг хийж байх болно. Үүнтэй холбогдуулан өнгөрсөн жилийн 12-р ангийн сурагчдыг олимпиадын дэмжигчээр бүртгэлээ. Мөн сургуулиудын бүртгэлийн хуудсыг шинээр хийлээ. Багш, сурагчид өөрсдийн анги болон ангилалаа зөв тохируулаарай.
Сургуулийн бүртгэлийн ажилтнууд руу baysa@mmo.mn хаягаас удирдамж явуулсан. Цаашид энэ имэйл хаягаас чухал мэдээллүүдийг хүргэх тул хүлээж авсан (магадгүй spam, junk хавтасд) эсэхээ заавал шалгаарай. Уг удирдамжид байгаа бүртгэлийн ажилтануудын google бүлэгт элсэж асууж, тодруулах зүйлсээ асууна уу!
Сүүлийн засвар: 2025-11-07, Нийтэлсэн: 2025-09-13