Олон Улсын Математикийн 60-р Олимпиад

Олон Улсын Математикийн 60­-р Олимпиадад оролцох сурагчдыг сонгон шалгаруулах тухай

Олон Улсын Математикийн 60-р Олимпиад (ОУМО-60) 2019 оны 7 сарын 10-аас 22-ны хооронд Их Британи Умард Ирландын нэгдсэн вант улсын Батт хотод зохион байгуулагдана.

        Үндсэн үйл ажиллагаа явагдах газар: Баттын Их Сургууль

        Албан ёсны вэб хуудас: https://www.imo2019.uk 

Монгол улсыг төлөөлөн ОУМО-60-д оролцох 6 сурагчийг ММОХ-ноос зохион байгуулах хоёр шаттай 5 удаагийн сорилоор сонгон шалгаруулах бөгөөд Улсын Математикийн 55-р Олимпиадын хаалтын үйл ажиллагаан дээр багийн үндсэн бүрэлдэхүүнийг албан ёсоор зарлана.

Хоёр шаттай явагдах ОУМО-60-ын сонгон шалгаруулалтад ерөнхий боловсролын сургуулийн сонирхсон сурагч бүр оролцох бололцоотой. I шатны сорил тест хэлбэрээр (холимог) 2 удаа явагдах бөгөөд улсын шигшээ багт багтах 20-30 сурагчийг шалгаруулах зорилготой. Эдгээр сурагчид II шатны сорилд хамрагдана. II шатны сорил уламжлалт хэлбэрээр (дараалсан 2 өдөр бодолт гүйцэтгэнэ) 3 удаа явагдах бөгөөд ОУМО-60-д оролцох 6 сурагчийг шалгаруулах зорилготой юм. III сорил нь УМО-55-ын ахлах ангилал байна.

I шатны эхний сорил 2018 оны 11 сарын 3-ны (хагас сайн) өдөр, УБ хотын цагаар 13 цагт эхэлнэ.

        УБ хотод: МУИС-ийн хичээлийн I байранд явагдана.

        Орон нутагт: Бүсийн математикийн IV олимпиадад аймгаа төлөөлөн ирсэн багийн ахлагч хариуцан явуулна.

        Жич: Орон нутгаас оролцох сонирхолтой сурагчид (сурагчийн багш) 10 сарын 28-ны дотор бүртгүүлсэн байна.                                    Сорилыг орон нутагт хариуцаж буй багш I шатны сорилыг орон нутагт явуулах хүсэлтээ ММОХ-нд 11 сарын 1-ний дотор                 емайлээр (monmathprob@gmail.com) гаргана.




                                Монголын Математикийн Олимпиадын Хороо   

Нийтэлсэн: 2018-10-01, Сүүлийн засвар: 2018-10-01