Ираны Геометрийн олимпиад
11 дэх удаагийн Ираны Геометрын олимпиад 2024 оны 10-р сарын 18-ны өдөр 14:00 цагаас Нийслэлийн 1-р дунд сургууль дээр зохион байгуулагдана.
Олимпиад D (7-8-р анги), E (9-10), F (11-12), чөлөөт ангилал (багш, оюутан, сонирхогч) гэсэн 4 ангилалаар явагдах ба тус бүр 5 геометрын бодлогыг D ангилалд 4 цаг, бусад ангилалд 4 цаг 30 минутын турш бодно.
Олимпиадын зохион байгуулалтад 1. Олон улсын баг 2. Засалтын баг 3. Дотоод зохион байгуулалтын баг тус тус ажиллана.
Олон улсын баг бодлого сонгож, бодлого засах аргачлалыг боловсруулна.
Засалтын баг олон улсын багаас ирсэн аргачлалын дагуу бодлого засалтыг гүйцэтгэх ба засалтын багийг ММОХ томилно.
Дотоод зохион байгуулалтын баг олимпиадыг танхимаар зохион байгуулах ба уг багийг Нийслэлийн 1-р сургууль томилно.
Урьдчилсан оноо болон бодлого хамгаалалтын товыг жич зарлана.
Засалтын баг ангилал бүрд хамгийн өндөр оноо авсан дөрвөн оролцогчийн материал болон оноог олон улсын баг руу илгээнэ. Оноо тэнцсэн тохиолдолд дөрвөөс олон оролцогчийн материалыг явуулж болно. Эндээс олон улсын баг сонгон шалгаруулалт хийж, шалгарсан оролцогчдод алт, мөнгө, хүрэл шугам болон тусгай шагнал олгоно. Олимпиадын дүрмийг энэ линкээр орж үзнэ үү.
Хураамж: Олимпиадын хураамж ангилал бүр ижил 30 000 төг байна.
Бүртгэл 10-р сарын 2-ноос 10-р сарын 15-ныг дуустал явагдана.
Олимпиадад бүртгүүлэхдээ
-
Энэ линкээр орж бүртгүүлнэ.
-
Олимпиадын хураамж болох 30 000 төг-ийг
Худалдаа хөгжлийн банк
495062145 тоот дансанд (Э.Батзаяа утас 88766598) шилжүүлнэ.
Гүйлгээний утга дээр ангилал, өөрийн нэр, утасны дугаараа бичнэ.
Бүртгэл нь баталгаажсан оролцогчдын нэрсийг MMO.mn хуудсаар 5 хоног тутамд мэдээллэнэ.
Жич: MMO-ID байхгүй оролцогчид mmo.mn сайтаар орж бүртгүүлнэ үү.
Монголын Математикийн Олимпиадын Хороо
Сүүлийн засвар: 2025-10-07, Нийтэлсэн: 2024-10-02