IMO бэлтгэл

IMO бэлтгэл 6-р сарын 6-наас МУИС дээр хичээллэнэ. Маргааш өглөө 10:00 цагт МУИС-ийн хичээлийн I байрны 118 тоотод цугларна уу.

Нийтэлсэн: 2022-06-05, Сүүлийн засвар: 2022-06-05

ОУМО 63 бэлтгэл

IMO 63 бэлтгэл 5/17 (Мя) өдрөөс эхлэн үргэлжилнэ. 6/3 (Ба) өдөр дуустал Мягмар, Лхагва, Пүрэв, Баасан гарагт 14:00-17:00 цагт хичээл орох ба 6/6 (Да) өдрөөс Даваа, Мягмар, Лхагва гарагт 10:00-12:30, 1:30-16:00 цагт хичээл орж, Пүрэв, Баасан гарагуудад 9:00-13:30 цагт ОУМО хэлбэрт сорил авна (засалт хийхгүй, сурагчид өөрсдөө өөрсдийгөө дүгнэнэ).

Бэлтгэл 7/1 (Ба) өдөр хүртэл үргэлжилнэ. Нэмэлтээр 10-15 сурагч IMO I шатны сорилын дүнгээр сонгон шалгаруулж авах тул сонирхсон сурагчид otogo@num.edu.mn хаяг руу өөрийн Овог, Нэр, Сургууль болон ID-г ирүүлнэ үү. Хүсэлтийг 5/14 (Бя) өдрийг дуустал хүлээн авах ба шалгарсан сурагчдад 5/15 (Ня) өдөр и-мэйлээр мэдэгдэнэ. Бэлтгэлийн төлбөр 300'000 төгрөгийг шалгарсан сурагчид ММОХ-ны Хас банкны 5002404488 тоот данс руу шилжүүлнэ үү.

Нийтэлсэн: 2022-05-13, Сүүлийн засвар: 2022-05-13

ОУМО-63-д шалгарсан сурагчдын нэрс

Нийтэлсэн: 2022-05-10, Сүүлийн засвар: 2022-05-10

ММО-58-д медал хүртсэн багш, сурагчид

Дунд ангиллын дүн

Ахлах ангиллын дүн

Багшийн дүн

Нийтэлсэн: 2022-05-10, Сүүлийн засвар: 2022-05-10

Олимпиадын медалийн тоог тогтоох журам

Дунд болох ахлах ангийн сурагчдын ангилалд медалийг дараах дүрмээр олгоно.

1. Оролцогчдын амжилтыг 6 бодлогын нийлбэр оноогоор тооцно. (Өндөр оноотой бол өндөр амжилттай, тэнцүү оноотой бол тэнцүү амжилттай байна)

2. Алтан медалийн тоо 1-ээс цөөнгүй 2-оос олонгүй байхаар хамгийн цөөн алтан медаль өгнө.

3. Алт мөнгөн медалийн тоо нийлээд 5-аас цөөнгүй 8-аас олонгүй байхаар хамгийн цөөн мөнгөн медаль өгнө.

4. Алт, мөнгө, хүрэл медалийн тоо нийлээд 14-өөс цөөнгүй 18-аас олонгүй байхаар хамгийн цөөн хүрэл медаль өгнө.

5. 2-4 нөхцөлийг хангахаар медаль өгөх боломжгүй бол медалийн хуваарилалтыг ММОХ шийднэ.

Энэ журмыг ММО-55-ийн үеэр ММОХ-ны мэргэжлийн хороогоор хэлэлцэж тогтсон юм.

Нийтэлсэн: 2022-05-09, Сүүлийн засвар: 2022-05-09

ММО-58

Олимпиадын урьдчилсан дүн

I өдрийн дүгнэх аргачлал

II өдрийн дүгнэх аргачлал

Нийтэлсэн: 2022-05-08, Сүүлийн засвар: 2022-05-08

Бодлого хамгаалах хүсэлт гаргах заавар

Математикийн олимпиадын бодлого хамгаалах процесс нь хамгийн төвөгтэй, багш, сурагч, комиссын гишүүд гэсэн бүх талдаа хүндрэлтэй хэсэг байдаг тул та бүхэн дараах зааврын дагуу хүсэлтээ гаргаж асуудлаа шийдүүлэх шаардлагатай.

1. Бодлогын дүгнэх аргачлалтай танилцах:

   I өдрийн дүгнэх аргачлал

   II өдрийн дүгнэх аргачлал

2. Дүгнэх аргачлалд заагдсан оноог авсан эсэхээ шалгах. Хэрвээ заагдсан оноог аваагүй бол оноо авах заалтыг хүсэлтдээ ишлээд хэдэн оноо нэмж авах хүсэлтээ тодорхой бичнэ.
3. Хэрвээ дүгнэх аргачлалд таны гаргасан үр дүн байхгүй бол уг үр дүнд яагаад оноо олгох ёстойг тайлбарлана. Өөрөөр хэлбэл таны гаргасан санаагаар бодлого бодогдож байгаа, таны гаргасан үр дүн дүгнэх аргачлалд байгаа ямар үр дүнтэй эквивалент болохыг тайлбарлах шаардлагатай гэсэн үг юм. Энэ тохиолдолд бодлого засагч өргөдлийг хүлээн авч хянаад шаардлагатай тохиолдолд бодлого зохиогч, анги хариуцсан даамалтай зөвлөлдсөний үндсэн дээр дүгнэх аргачлалд зохих өөрчлөлт оруулсны дараа л дүнд өөрчлөлт оруулна. Иймд удирдагч багш нартайгаа зөвлөлдөж өөрийн бодолтод бүрэн итгэлтэй болсоны дараа өргөдлөө бичиж ирүүлээрэй.
4. Онлайн хүсэлтээ сурагч өөрийн эрхээр системд нэвтэрсний дараа гараар бичиж оруулна. Онлайн хүсэлт гаргах боломжгүй тохиолдолд 5-р сарын 9-ны 10:00-13:00 хооронд 11-р сургууль дээр ирж хүсэлт гаргана.
5. Онлайн хүсэлтийг 5-р сарын 9-ны 13:00 цаг хүртэл http://www.mmo.mn/olympiads/supplements/ холбоосоор гаргана.
6. Бодлого хамгаалалтыг багийн ахлагч багш эсвэл бэлтгэсэн багш биеэр ирж хийнэ. Аймаг, дүүрэгт харъяалалгүй сурагчдын бэлтгэсэн багш нь хамгаалалтад оролцож болно.

ММО-58 засалтын комисс.

Нийтэлсэн: 2022-05-08, Сүүлийн засвар: 2022-05-08

Материал системд оруулах

Багш, сурагчид өөрсдийн материалыг 16:00-24:00-ийн хооронд системд оруулна. Материалыг 9-ны 13 цаг хүртэл оруулж болно. Өөрийн оролцсон ангилалыг зөв сонгох шаардлагатайг анхаарна уу!

Дунд ангилал материал оруулах

Ахлах ангилал материал оруулах

Багш материал оруулах

Бодлого хамгаалах хүсэлтийг тусд нь зааврын дагуу оруулах ёстой тул хамгаалах хүсэлтийг зааврын дагуу оруулаарай! Хугацааг 24 цаг хүртэл сунгалаа.

Нийтэлсэн: 2022-05-08, Сүүлийн засвар: 2022-05-08

Бодлогын материал системд оруулах, бодлого хамгаалалт

Олимпиадын эхний өдрийн бодлогууд системд орсон. Багш, сурагчид материалаа маргааш 16:00 цагаас хойш системд оруулна. 2 дахь өдрийн дүн гарсны дараа бодлого хамгаалах хүсэлтийг онлайнаар авна.

Дунд ангиллын бодлогууд

Ахлах ангиллын бодлогууд

Багшийн бодлогууд

Нийтэлсэн: 2022-05-07, Сүүлийн засвар: 2022-05-07

IMO сорилгын бодлого хамгаалалт

Маргааш IMO бэлтгэлийн дараа үргэлжлүүлээд IMO сорилын хамгаалалт хийх тул хүсэлт гаргасан сурагчид бэлэн байна уу!

Нийтэлсэн: 2022-05-04, Сүүлийн засвар: 2022-05-04

Үүсгэгч функц

Үүсгэгч функц тэмдэглэл.

Нийтэлсэн: 2022-05-04, Сүүлийн засвар: 2022-05-04

Ц. Баясгалан агсны нэрэмжит ММО-58 олимпиадын хөтөлбөр

Сурагчид

Нийтэлсэн: 2022-05-03, Сүүлийн засвар: 2022-05-03

ММО-58-д оролцогсдын анхааралд

Олимпиад 5 сарын 6-с 5 сарын 10-нд Улаанбаатар хотод зохиогдоно. Оролцогч бүр 5 сарын 6-ны 9-11 цагийн хооронд XI сургууль дээр очиж бүртгүүлж мандат авна. Бүртгүүлж мандат аваагүй оролцогчийг олимпиадад оролцуулахгүйг хатуу анхааруулж байна. Олимпиадад бүртгүүлэн мандат авахдаа багаараа цуглаад мэндчилгээ дэвшүүлнэ.

Жич: Бүртгэлийн цагт өөрчлөлт орсон болохыг анхаар!

Нийтэлсэн: 2022-05-03, Сүүлийн засвар: 2022-05-03

Ц. Баясгалан агсны нэрэмжит ММО-58 олимпиадын хөтөлбөр

Багш нар

Нийтэлсэн: 2022-05-03, Сүүлийн засвар: 2022-05-03

УМО-ын төгсөх ангийн аваргууд

УМО-ын анхны аварга, доктор, профессор Ц. Баясгалан агсны нэрэмжит Монголын Математикийн 58-р олимпиадыг зохион байгуулах ажлын хүрээнд "Монголын Математикийн Олимпиад" номын эхний боть буюу ахлах ангиллын бодлогуудыг ММОХ-ноос эмхэтгэн хэвлүүлэх гэж байна. Тус ном болон 55-р олимпиадын цувралыг бид ММО-58-ын хаалтын ажиллагаан дээр нийт оролцогсдод гардуулах юм. Тус номнуудыг энэ жилээс эхлэн ММОХ-той хамтран ажиллаж байгаа Эрдэнэс-Оюу толгой компани санхүүжүүлэн хэвлүүлж байгааг дуулгахад таатай байна.

Энэ удаад Улсын математикийн олимпиадын төгсөх анги буюу ахлах ангиллын аваргуудыг танилцуулж байна.

Жич: Ямар нэг ташаа мэдээлэл орсон бол бидэнд мэдэгдэхийг хүсье.

Нийтэлсэн: 2022-05-02, Сүүлийн засвар: 2022-05-02

ММО-58-д нэмэлт эрхээр оролцох тухай

ММО-55-д багийн дүнгээр 1, 2, 3-р байр эзэлсэн дараах багийн ахлагчид ММО-58-д нэмэлтээр оролцох багш, сурагчдынхаа нэрсийг  4-р сарын 29-ны дотор ММОХ-ны нарийн бичгийн дарга Д. Даянцолмонд (dayantsolmon@gmail.com) ирүүлнэ үү.

1-р байр. Чингэлтэй дүүрэг 3 нэмэлт эрх

2-р байр. Сүхбаатар дүүрэг, Хан-Уул дүүрэг тус бүр 2 нэмэлт эрх

3-р байр. Баянзүрх дүүрэг, Хөвсгөл аймаг, Баянгол дүүрэг, Шинэ-Үе зочин баг тус бүр 1 нэмэлт эрх.

Нийтэлсэн: 2022-04-23, Сүүлийн засвар: 2022-04-23

IMO2022, II шатны II сорилго

ОУМО-ын II шатны II сорилго 4-р сарын 23, 24-ны өдөр 11-р сургууль дээр зохион байгуулагдана. Бодолтын хугацаа 09:00-13:30.

Нийтэлсэн: 2022-04-22, Сүүлийн засвар: 2022-04-22

ОУМО-ын бэлтгэлийн төлбөр төлөх данс

ОУМО-ын олимпиадын төлбөр төлөх данс:

Хас Банк

Дансны дугаар: 5002404488

Данс эзэмшигчийн нэр: ММОХ ТББ

Нийтэлсэн: 2022-04-20, Сүүлийн засвар: 2022-04-20

IMO бэлтгэл, эхний хичээл

IMO-63 бэлтгэл 4-р сарын 19-нд 13:00-16:00 цагт 11-р сургуулийн 303 тоот ангид эхэлнэ. Өмнө зарласан ёсоор IMO I шатны сорилгод 20 буюу түүнээс дээс оноо авсан сурагчид оролцох боломжтой.

Нийтэлсэн: 2022-04-17, Сүүлийн засвар: 2022-04-17

IMO2022, II шатны I сорилгын хуваарь

IMO2022, II шатны I сорилго энэ 7 хоногийн Бямба, Ням гарагуудад Шинэ-Монгол Технологийн Дээд Сургуулийн 711 тоотод болно. Сорилгод I шатнаас шалгарсан 30 сурагч оролцоно. Эхлэх цаг 09:00 тул сурагчид 08:45 гэхэд бэлэн байна уу!

Нийтэлсэн: 2022-04-13, Сүүлийн засвар: 2022-04-13

Хотын олимпиадаас эрх авсан болон IMO бэлтгэлд хамрагдах сурагчдын нэрс

УБ хотын олимпиадаас доктор, профессор Ц. Баясгалан агсны нэрэмжит улсын математикийн 58-р олимпиадын эцсийн даваанд шалгарсан сурагчдын нэрсийн жагсаалт.

https://docs.google.com/spreadsheets/d/10ckf_s6DkSltC8JPKaLY4KEevqRVvH5K/edit?usp=sharing&ouid=108866971530268377287&rtpof=true&sd=true

Нийтэлсэн: 2022-04-13, Сүүлийн засвар: 2022-04-13

IMO бэлтгэл

IMO2022 Олон Улсын Математикийн 63-р Олимпиад 7 сарын 6-16 өдрүүдэд Норвеги улсын Осло хотод зохион байгуулагдана.

ОУМО-ын I шатны сорилыг 2022 оны 3 сарын 12, 13 (I сорил), 19, 20 (II сорил) өдрүүдэд зохион байгуулж дүнгээ гаргасан.

ОУМО-ын II шатны сорилд I шатны II сорилд 24 ба түүнээс дээш оноо авч шалгарсан 30 сурагч оролцох эрхтэй. II шатны I сорилыг 4 сарын 16, 17 өдрүүдэд, II сорилыг 4 сарын 23, 24-ны өдрүүдэд зохион байгуулах ба эдгээр сорилын болон улсын олимпиадын ахлах ангиллын онооны нийлбэр дүнгээр ОУМО-д Монгол улсаа төлөөлж оролцох 6 сурагчийг шалгаруулна.

ОУМО-ын бэлтгэлийг 4 сарын 18 өдрөөс 7 сарын 2 өдөр хүртэл (улсын олимпиадын долоо хоногийг хасаад нийт 10 долоо хоног) зохион байгуулах ба төлбөр 400'000 төгрөг байна.

Бэлтгэлд I шатны II сорилд 20 ба түүнээс дээш оноо авсан сурагчид нэмэлтээр хамрагдах боломжтой. Бэлтгэлд орохоор шалгарсан бөгөөд санхүүгийн дэмжлэг авах хүсэлтэй сурагчид ММОХ-д хандана уу. Монгол улсын багт шалгарсан 6 сурагчийн төлбөрийг зам хоног болгон буцааж олгоно.

Нийтэлсэн: 2022-04-12, Сүүлийн засвар: 2022-04-12

Хотын олимпиадын медальт багш, сурагчид

Дунд ангийн багш

Дунд 1 ангилал

Дунд 2 ангилал

Ахлах ангилал

Нийтэлсэн: 2022-04-11, Сүүлийн засвар: 2022-04-12

Танхимд ирж бодлого хамгаалах тухай

Хотын олимпиадын маргаантай байгаа бодолтуудыг шийдвэрлэх зорилгоор танхимаар бодлого хамгаалалт зохион байгуулна. Маргаантай байгаа материалуудыг хянаж үзээд утсаар холбогдож дүнг мэдээлэх бөгөөд шаардлагатай гэвэл танхимд ирж бодлого хамгаална. Иймд багш сурагчид өөрийн www.mmo.mn-д бүртгэлтэй утсыг зөв эсэх, гаднаас дуудлага авч байгаа эсэхийг шалгаарай.

А2, Б2, Б5  бодлогууд дээр онлайн хамгаалах хүмүүс 16-17 цагийн хооронд Түшээ Дээд сургуулийн 308-д ирнэ үү.

Нийтэлсэн: 2022-04-09, Сүүлийн засвар: 2022-04-09

Бодлого хамгаалалт

Онлайнаар бодлого хамгаалах хүсэлтийн дагуу материалуудыг дахин засаж дуусч байна. Одоогоор материал нь дахин хянагдаагүй материалууд болон, онлайн хамгаалалт хийгээд шинээр тавьсан оноотой санал нийлэхгүй байгаа багш, сурагчид дараах зүйлсийг анхааралдаа авч биеэр ирж хамгаалах хүсэлтээ baysa.edu@gmail.com руу имэйл гаргана. Хүсэлтийг 4-р сарын 8-ны 20:00 цаг хүртэл хүлээж авна.

1. Материалыг тань дахин хянаад ч оноо нэмэгдэхгүй байгаа бол таны материалд асуудал байх магадлал өндөр юм. Иймд өөрийн бодолтыг дахин хянаж үзэж багш нартайгаа зөвлөлдсөний үндсэн дээр хүсэлт ирүүлнэ үү.

2. Бид засалтыг урьдчилж гаргасан дүгнэх аргачлалын дагуу хийж байгаа. Иймд дүгнэх аргачлалын аль хэсэгт заасан үр дүнд хүрснээ тодорхой бичиж ирүүлнэ. Шаардлагатай бол өөрийн материалыг системээс татаж авч улаан эсвэл өөр ялгарах тод өнгийн балаар тодруулж үзүүлж болно.

3. Цөөхөн тохиолдолд таны бодолт дүгнэх аргачлалд байгаа бодолттой тохирохгүй байж болно. Энэ тохиолдолд таны бодолт, эсвэл гаргасан санаа бодолтонд зайлшгүй хэрэгтэй, эсвэл ашигтай санаа байсан гэдгийг нотлох шаардлагатай. Энэ тохиолдолд биеэр ирж, эсвэл засагч багштай утсаар холбогдож бодлого хамгаалалт хийж болох ба дүгнэх аргачлалд зохих өөрчлөлт оруулсны үндсэн дээр оноог нэмж олгоно. Бид зөвхөн цаасан дээр бичигдсэн зүйлд л оноо тавина гэдгийг анхаар.

4. Хянагч багш биеээр ирж хамгаалах шаардлагагүй гэж үзвэл зөвхөн онлайнаар тайлбар хийгээд өргөдлийг хаана.

5. Биеэр ирж хийх бодлого хамгаалалтыг 4-р сарын 9-нд Түшээ дээд сургуулийн 308 тоотод хийнэ. Багш нарын хамгаалалт хийх цагийг зарлана.

Нийтэлсэн: 2022-04-08, Сүүлийн засвар: 2022-04-08

Хотын олимпиадын дүн, бодлого хамгаалалт

Олимпиадын дүн:

Дунд 1 ангиллын дүн

Дунд 2 ангиллын нэгдсэн дүн

Ахлах ангиллын нэгдсэн дүн

Багшийн ангиллын нэгдсэн дүн

Сурагчдын Дунд 1, Дунд 2, Ахлах ангилал тус бүрд Алтан медаль - 1, Мөнгөн медаль - 4, Хүрэл медаль 7 - г тус тус олгоно. Багш нарын эхний 3 байр медальтай.

Бодлого хамгаалах хүсэлтийг цахимаар хүлээн авч дууслаа. Онлайнаар бодолтыг хянаад маргаантай материал үлдсэн тохиолдолд биеээр ирж хамгаалах хуваарь гаргаж мэдэгдэнэ. 

Бодлого хамгаалалтын хүсэлтийг 04-06-ны өдөр 09:00-15:00 цагт онлайнаар авна. Бодлого хамгаалах хүсэлтээ Нэмэлт материал оруулах линкээр орж ирүүлнэ. Хүсэлтийг дүгнэх аргачлалын дагуу тодорхой үндэслэлтэй гаргана. Сурагчдын хувьд өөрийн багштай зөвлөлдсөний үндсэн дээр хүсэлт гаргахыг хүсье. Маргааныг онлайнаар шийдвэрлэж чадаагүй тохиолдолд биеээр уулзаж шийдвэрлэнэ.

Нийтэлсэн: 2022-04-06, Сүүлийн засвар: 2022-04-05

Дүгнэх аргачлал (II даваа)

I өдрийн дүгнэх аргачлал-ыг эндээс үзнэ үү.

Ахлах ангийн бодлогын дүгнэх аргачлалыг шинээр нэмж оруулсан.

Багшийн 2-р бодлогын дүгнэх аргачлалд нэмэлт засвар оруулсан. 21:58

II өдрийн дүгнэх аргачлал-ыг эндээс үзнэ үү.

Нийтэлсэн: 2022-04-05, Сүүлийн засвар: 2022-04-05

Материал оруулах (зөвхөн УБ хот)

УБ хотын олимпиадад оролцсон сурагчид өөрсдийн материалаа дараах зааврын дагуу системд оруулна.

1. Хэрвээ өөрийн материалын зургийг авсан бол олимпиадад оролцох линкээр орж өөрийн оролцсон ангиллыг зөв сонгоод материалаа оруулна.

2. Хэрвээ материалын зургийг өөрөө аваагүй бол энд тавигдах линкээр орж өөрийн материалыг татан авч системд оруулна. 

I өдрийн материал

II өдрийн материал

3. 5-ны өдрийн бодолтыг системд 15:30-20:30 хооронд оруулна.

4. Бодлого хамгааллалтын зарыг засалт дууссаны дараа гаргана. Өнөөдөр буюу 4-ны өдөр аль нэг ангийн бодлого хамгаалалт болохгүй.

Нийтэлсэн: 2022-04-04, Сүүлийн засвар: 2022-04-04

Хотын математикийн олимпиадад оролцогсодын анхааралд

Маргааш буюу 4-р сарын 4-ны өдөр Дунд 1 ангилал 10:00-13:00  бодолт хийнэ.  Бусад ангилал 10:00-14:30 бодолт хийнэ. Иймд нийт оролцогсод 9:30  гэхэд 1-р сургууль дээр очиж байраа эзэлсэн байна уу? Оролцогч бүр өөрийн нэрийг дор байгаа файлаас харж бодолт хийх ангиа урьдчилж мэдсэн байна уу.

Суудлын хуваарь

Нийтэлсэн: 2022-04-03, Сүүлийн засвар: 2022-04-03

УБ хотын математикийн олимпиад удирдамж

Улсын математикийн 58-р олимпиадын II даваа

МУГБ С. Цагааны нэрэмжит УБ хотын математикийн олмпиадын удирдамж

Зорилго: УМО-58-ын III даваанд оролцох нийслэлийн багш, сурагчдыг тодруулах, хотын аваргуудыг тодруулах.

Ангилал:

“Дунд 1” (6-8-р ангийн сурагчид),

“Дунд 2” (9-10-р ангийн сурагчид),

“Ахлах” (11-12-р ангийн сурагчид),

“Багш” ангилал.

Хугацаа:

“Дунд 1” ангилал 2022 оны 4-р сарын 4-нд 10:00 цагаас эхэлнэ.

“Дунд 2”, “Ахлах”, “Багш” ангилал 2022 оны 4-р сарын 4, 5-нд 10:00 цагаас эхэлнэ.

Зохион байгуулах газар: СБД-ийн 1-р сургууль.

Хамрах хүрээ: 2022 оны 2-р сард бүс дүүргийн олимпиадад оролцож II даваанд оролцох эрх авсан багш, сурагчид. Оролцох багш сурагчдын жагсаалтыг www.mmo.mn сайтад гаргасан.

Бодлого дэвшүүлэх, засах: Олимпиадад бодлого дэвшүүлэх, засах ажлыг ММОХ хариуцан хийнэ.

УМО-ын III даваанд шалгарах багш сурагчид:

“Дунд 2” ангиллын эхний 15-д орсон 10-р ангийн сурагч, эхний 30-д орсон 9 буюу түүнээс доош ангийн сурагч, “Ахлах” ангиллын эхний 12-д орсон 12-р ангийн сурагч, эхний 24-д орсон 11 буюу түүнээс доош ангийн сурагч, “Багш” ангиллын эхний 3 байрт УМО-ын III даваанд оролцох эрх олгоно. IMO сорилго, дүүргийн олимпиадаас УМО-ын III даваанд оролцохоор шалгарсан багш, сурагч дээрх квотод багтсан тохиолдолд эрхийг дараагийн оролцогчид шилжүүлэхгүй. Өөрөөр хэлбэл “Дунд 2” ангилалд 31-р байрт орсон 9-р ангийн сурагч, 16-р байрт орсон 10-р ангийн сурагч, “Ахлах” ангилалд 25-р байрт орсон 11-р ангийн сурагч, 13-р байрт орсон 12-р ангийн сурагчид ямар ч тохиолдолд УМО-ын III даваанд орох эрх олгохгүй. Шалгарсан багш, сурагчдын дүн болон материалыг www.mmo.mn сайтад байршуулна. Зохион байгуулагчид байр шалгарсан сурагчдын материалыг сурагчид руу имэйлээр илгээж, сурагчид тогтоосон хугацаанд багтан системд материалаа оруулна.

Нийтэлсэн: 2022-03-25, Сүүлийн засвар: 2022-03-25

Аймгийн математикийн олимпиад

Улсын математикийн 58-р олимпиадын II давааны удирдамж

(Хөдөө орон нутаг)

Зорилго: УМО-58-ын III даваанд оролцох аймгуудын багш, сурагчдыг тодруулах, аймгийн аваргуудыг тодруулах.

Зохиогдох ангилал:

“Дунд 1” (6-8-р ангийн сурагчид),

“Дунд 2” (9-10-р ангийн сурагчид),

“Ахлах” (11-12-р ангийн сурагчид),

“Багш” ангилал.

Хугацаа:

“Дунд 1” ангилал 2022 оны 4-р сарын 4-нд,

“Дунд 2”, “Ахлах”, “Багш” ангилал 2022 оны 4-р сарын 4, 5-нд

Бодолт УБ цагаар 10:00-д орон даяр нэгэн зэрэг эхэлнэ.

Хамрах хүрээ: Сургууль бүрээс 6-12-р ангийн тус бүр 1 сурагч оролцоно. ММОХ (Монголын математикийн олимпиадын хороо)-оос 2021 оны 10-р сард зохион байгуулсан I шатны онлайн сорилгод “Дунд 1”, “Дунд 2”, “Ахлах” ангиллын олимпиадад оролцож 1 ба түүнээс дээш оноо авсан сурагчид тухайн ангилалдаа аймгийн олимпиадад оролцож болно. Дүнг www.mmo.mn сайтын дүнгийн хэсгээс үзээрэй. Нэг ангилалд хэт олон хүүхэд оролцох болсон тохиолдолд онооны босгыг өндөрсгөж болно.

Бодлого дэвшүүлэх, засах: Олимпиадын бодлогуудыг ММОХ хариуцан бэлдэх ба олимпиад болох өдрийн өглөө имэйлээр аймгуудын зохион байгуулагчдад илгээнэ. Аймгууд бодлого хүлээн авах хүмүүсээ ММОХ-ны нарийн бичгийн дарга Д. Даянцолмонд (dayantsolmon@gmail.com) бүртгүүлнэ. Олимпиадын өмнөх өдөр туршилтын имэйл илгээж бодлого хүлээн авч байгааг шалгах тул түүнээс өмнө бүртгүүлнэ үү. Бодлого бүрийн бодолт, дүгнэх аргачлалын схемийг тухайн өдрийн бодолт дуусаны дараа имэйлээр илгээнэ. Засалтыг дүгнэх аргачлалын дагуу тухайн аймгийн математикийн багш нар хариуцан хийнэ. Нийлбэр оноо тэнцсэн тохиолдолд бутархай оноо олгож байр салгаж болно.

УМО-ын III даваанд шалгарах багш сурагчид: УМО-ын III даваанд “Дунд 2”, “Ахлах” ангиллалд тус бүр 2 сурагч, нийт 4 сурагч шалгарч оролцоно. Ингэхдээ “Дунд 2” ангилалд 10-р ангийн 2 сурагч, “Ахлах” ангилалд 12-р ангийн 2 сурагч шалгарч болохгүй. Өөрөөр хэлбэл “Дунд 2” ангилалд 9 болон түүнээс доош ангийн дор хаяж нэг сурагч, “Ахлах” ангилалд 11 болон түүнээс доош ангийн дор хаяж нэг сурагч заавал шалгарсан байх ёстой. Багш нарын ангилалд 2 багш шалгарна. Шалгарсан багш, сурагчдын дүн болон материалыг www.mmo.mn сайтад байршуулна. Зохион байгуулагчид шалгарсан сурагчдын материалыг сурагчид руу имэйлээр илгээж, сурагчид тогтоосон хугацаанд багтан системд материалаа оруулна.

Нийтэлсэн: 2022-03-25, Сүүлийн засвар: 2022-03-25

IMO I шатны II сорилгын урьдчилсан дүн

IMO I шатны II сорилгын урьдчилсан дүн гарлаа. Хоёр өдрийн нийлбэр дүнг дараах холбоосоор үзээрэй.

http://www.mmo.mn/olympiads/results/imo/63/second/

Бодлого хамгаалах хүсэлтийг 3-р сарын 25-ны өдрийн 17 цаг хүртэл mmo58ahlah@gmail.com хаягаар авна. Хүсэлтэд өөрийн овог нэр, ID, оноо авах үндэслэл, бодлогын дугаарыг тодорхой бичиж ирүүлнэ.

Хамгаалалт дууссаны дараа шалгаруулах комисс хуралдаж дараагийн шатны сорилгод оролцох сурагчдын онооны босгыг тогтоно.

Нийтэлсэн: 2022-03-25, Сүүлийн засвар: 2022-03-24

ММО-58, УБ хотын олимпиадад шалгарсан багш, сурагчид

УБ хотын математикийн олимпиадад шалгарсан багш сурагчдын нэрс:

Дунд 1 ангилал

Дунд 2 ангилал

Ахлах ангилал

Багшийн ангилал

Нийтэлсэн: 2022-03-21, Сүүлийн засвар: 2022-03-21

IMO-63, II шатны сорилгын дүн

II шатны II сорилгын засалтыг онлайнаар гүйцэтгэнэ. Оноо болон сорилгын нэгдсэн дүнг http://www.mmo.mn/olympiads/results/67/ -ээс харж болно.

Жич: Засалт дууссаны дараа бодлого хамгаалах хүсэлт авна. Засалт 3-р сарын 24-нд дуусахаар байгаа тул 25-ны өдөр онлайнаар хүсэлт авна. Хүсэлт авах имэйл хаягыг зарлана. Хүсэлтүүдийг нэгдсэн байдлаар хэлэлцээд эцсийн дүнг зарлана.

Нийтэлсэн: 2022-03-20, Сүүлийн засвар: 2022-03-20

Бүсийн олимпиадаас ММО-58-д оролцох нэмэлт эрх авсан сурагчид

Бүсийн математикийн олимпиадаас доктор, профессор Ц. Баясгалан агсны нэрэмжит УМО-58-д шалгарсан сурагчдын нэрс:

Баруун бүс:

1. Б. Ахтилек, Баян-Өлгий, Эмпати, 10-р анги, Дунд ангилал
2. Э. Амаржаргал, Увс, Эрдмийн эхлэл, 9-р анги, Дунд ангилал
3. Н. Уалибек, Баян-Өлгий, Эмпати, 12-р анги, Ахлах ангилал
4. Т. Чинзориг, Увс, 2-р цогцолбор, 11-р анги, Ахлах ангилал

Говийн бүс:

1. А. Үүрийнтуяа, Өвөрхангай, Мэргид, 11-р анги, Ахлах
2. Б. Оюунгэрэл, Өвөрхангай, 2-р сургууль, 11-р анги, Ахлах
3. Б. Дөлгөөн, Баянхонгор, Алгоритм, 11-р анги, Ахлах

Төвийн бүс:

1. Б. Дөлгөөнмөрөн, Хөвсгөл, Дэлгэрмөрөн, 10-р анги, Дунд ангилал
2. Б. Гүр-Аранз, Орхон, Эрдмийн сан, 9-р анги, Дунд ангилал
3. Б. Улсболд, Хөвсгөл, Дэлгэрмөрөн, 12-р анги, Ахлах ангилал
4. Б. Дугаржанцан, Хөвсгөл, Эрдмийн далай, 11-р анги, Ахлах ангилал

Зүүн бүс:

1. А. Наранбаатар, Дорнод, 12-р сургууль, 10-р анги, Дунд ангилал
2. Б. Үйлстөгөлдөр, Хэнтий, Бор-Өндөр, 9-р анги, Дунд ангилал
3. Т. Нандин-Од, Хэнтий, Тэмүүжин, 12-р анги, Ахлах ангилал
4. Б. Төгөлдөр, Дорноговь, СШ 1-р сургууль, 12-р анги, Ахлах ангилал

Эдгээр сурагчдад олгосон эрх нь зөвхөн хувь сурагчдад олгосон эрх юм. Иймд эдгээр сурагчид аймгийн олимпиадад түрүүлсэн тохиолдолд дараагийн сурагчдад нэмэлтээр улсын олимпиадад оролцох эрх олгохгүй ба аймгийн олимпиадад түрүүлээгүй тохиолдолд эдгээр сурагчдын дүнг аймгийн багийн дүнд оруулж тооцохгүй.

Нийтэлсэн: 2022-03-18, Сүүлийн засвар: 2022-03-18

Дүүргийн олимпиадаас ММО-58-д шалгарсан баг сурагчид

Дүүргийн олимпиадаас доктор, профессор Ц. Баясгалан агсны нэрэмжит УМО-58-д шалгарсан сурагчдын нэрс:

Багануур, Багахангай, Налайх дүүрэг:

1. Д. Амарсайхан, Багануур, ОЭЦС, Багш
2. О. Дэмбэрэл, Багануур, Гүн Галуутай, Багш
3. М. Оюунсувд, Багануур, Боловсрол цогцолбор, 12-р анги, Ахлах ангилал
4. Б. Нямболор, Багануур, Гүн галуутай, 11-р анги, Ахлах ангилал
5. З. Энхтулга, Багануур, БЦС, 9-р анги, Дунд ангилал
6. Б. Хаш-Эрдэнэ, Багануур, Гүн Галуутай, 10-р анги, Дунд ангилал

Баянгол дүүрэг:

1. Б. Ганбат, Эрдмийн Хишиг, Багш
2. Н. Баянбат, Эрин Эверест Интернэшнл, Багш
3. Б. Хангал, Эрхэт-Эрдэм, 12-р анги, Ахлах
4. П. Ханбилэг, Эрин Эверест Интернэшнл, 11-р анги, Ахлах
5. Т. Билгүүнгэрэлт, Эрхэт-Эрдэм, 8-р анги, Дунд ангилал
6. О. Түвшинбаатар, Эрхэт-Эрдэм, 7-р анги, Дунд ангилал

Баянзүрх дүүрэг:

1. С. Батболд, Олонлог Академи, Багш
2. О. Лувсандагва, Олонлог Академи, Багш
3. Б. Тэмүүлэн, 33-р сургууль, 12-р анги, Ахлах ангилал
4. Б. Хүслэн, ШМТК, 11-р анги, Ахлах ангилал
5. Х. Эрхэмбилэг, УБ Эмпати, 9-р анги, Дунд ангилал
6. Г. Тэмүүлэн, Олонлог Академи, 9-р анги, Дунд ангилал

Сонгинохайрхан дүүрэг:

1. О. Ууганбаяр, ИЦС, Багш
2. Б. Юндэндорж, 151-р сургууль, Багш
3. Д. Дунгаржид, Хөгжил цогцолбор, 11-р анги, Ахлах ангилал
4. А. Мөнгөнтуяа, 151-р сургууль, 10-р анги, Дунд ангилал
5. Г. Хулан, Хөгжил цогцолбор, 9-р анги, Дунд ангилал
6. Б. Мөнгөнсувд (Хөгжил цогцолбор, 11-р анги), Т. Ивээл (151-р сургууль, 11-р анги) нараас хотын олимпиадад хэн өндөр оноо авсан нь, Ахлах ангилал  Дээрх 2 сурагчийн хэн нь ч хотын олимпиадад оноо аваагүй тул хэн нэгийг нь шалгаруулах боломжгүй болов.

Сүхбаатар дүүрэг:

1. Э. Батзаяа, 1-р сургууль, Багш
2. Д. Хосбаяр, 11-р сургууль, Багш
3. Ц. Сайханбилэг, Сант сургууль, 11-р анги, Ахлах ангилал
4. С. Атархүү, Сант сургууль, 10-р анги, Ахлах ангилал
5. Д. Энэрэлт, Сант сургууль, 10-р анги, Ахлах ангилал
6. Б. Билгүүтэй, 11-р сургууль, 9-р анги, Ахлах ангилал

Хан-Уул дүүрэг:

1. М. Батбилэг, Орчлон, Багш
2. М. Гантогтох, Орчлон, Багш
3. Л. Оргилболд, Орчлон, 11-р анги, Ахлах ангилал
4. Э. Уянга, Орчлон, 11-р анги, Ахлах ангилал
5. Э. Тэнүүн, Хобби, 9-р анги, Дунд ангилал
6. А. Мишээл, Орчлон сургууль, 9-р анги, Дунд ангилал

Чингэлтэй дүүрэг:

1. Б. Баяржаргал, Олонлог төв, Багш
2. Ш. Уранчимэг, Олонлог төв, Багш
3. С. Үлэмж, Олонлог төв, 12-р анги, Ахлах ангилал
4. Б. Гүнжээ, Олонлог эгзэ, 11-р анги, Ахлах ангилал
5. Г. Энхжин, Олонлог төв, 9-р анги, Дунд ангилал
6. Б. Цэлмэг, Олонлог төв, 9-р анги, Дунд ангилал

Нийтэлсэн: 2022-03-18, Сүүлийн засвар: 2022-03-18

IMO-63, II шатны сонгон шалгаруулалт

IMO-63, II шатны сонгон шалгаруулалт 3-р сарын 19, 20-нд 10:00-12:00 цагийн хооронд зохион байгуулагдана. УБ хотын сурагчид МУИС-ын хичээлийн I байрны 330-д ирж оролцоно. Хөдөө орон нутгийн сурагчид аймгийнхаа боловсролын газрын заасан газарт очиж оролцоно.

Нийтэлсэн: 2022-03-18, Сүүлийн засвар: 2022-03-18

IMО-63, I шатны сорилго, шалгарсан сурагчид

IMO-63, I шатны сорил 3-р сарын 12, 13-нд зохион байгуулагдаж дүнгээ гаргалаа. Хоёр өдрийн сорилоор 12 ба түүнээс дээш оноо авсан сурагчдыг II шатны сорилгод хамруулахаар боллоо. Шалгарсан сурагчдын нэрсийг http://www.mmo.mn/accounts/users/10/ холбоосоор орж үзнэ үү.

Эхний өдрийн дүн

Хоёр дахь өдрийн дүн

II шатын сорил 3-р сарын 19, 20-нд танхимаар зохион байгуулагдана.

Нийтэлсэн: 2022-03-14, Сүүлийн засвар: 2022-03-14

IMO I шатны сорилгын тест

IMO I  шатны тестэд оролцох сурагчид өөрийн бүртгэлийг шалгаж туршилтын тест ажиллаарай. Туршилтын тест болон IMO I шатны тестэд оролцох бүх сурагчид Ахлах ангиллалыг сонгож оролцоно уу!

Нийтэлсэн: 2022-03-11, Сүүлийн засвар: 2022-03-11

IMO сонгон шалгаруулалт

Энэ жил Норвег улсын Осло хотод зохион байгуулагдах ОУМО-63-д оролцох багийн сонгон шалгаруулалт зарлаж байна. Шалгаруулалтын I шатны I сорилыг 3-р сарын 12, 13-нд онлайн тестийн хэлбэрээр зохион байгуулна. Шалгаруулалтад бүс, дүүргийн олимпиадад оролцсон сурагчид анги харгалзахгүйгээр оролцож болно. Шалгаруулалтыг зөвхөн 1 ангиллаар зохион байгуулах ба ойролцоогоор 100 сурагч I шатны II сорилд оролцоно.

I шатны I сорилго:

3-р сарын 12, 13-ны 15:00-17:00-д www.mmo.mn-ээр зохион байгуулагдана. Оролцох сурагчид өөрийн бүртгэлээр www.mmo.mn-д чөлөөтэй нэвтэрч байгаа эсэхээ шалгаарай! Мөн 11-ны өдөр зохион байгуулах туршилтын тестэд бүх сурагч оролцоорой.

I шатны II сорилго:

3-р сарын 19, 20-нд www.mmo.mn-ээр зохион байгуулагдана. Бодолт өглөө 09:00 цагт эхэлнэ. I шатны II сорилгод I сорилгоос шалгарсан 100 сурагч оролцох ба шалгалтыг танхимаар зохион байгуулна. Хөдөө орон нутгийн сурагчид заасан газар очих шалгалтад оролцоно. II сорилгоос нийт 30 сурагч шалгарч II шатны сорилгод оролцоно. 30 сурагчийг шалгаруулахдаа зөвхөн II сорилгын дүнгээр жагсаана.

II шатны сорилго:

I шатны сорилгоос шалгарсан сурагчдад IMO бэлтгэл хичээл орж 4-р сарын 16, 17, 23, 24 өдрүүдэд бичгийн шалгалт танхимаар авна. Эдгээр шалгалтын дүн болон ММО-58-ийн ахлах ангилалын (II шатанд шалгарсан 30 сурагч ММО-58-д оролцох эрхтэй) нийлбэр дүнгээр IMO-63-д оролцох 6 сурагчийг тодруулна.

Нийтэлсэн: 2022-03-04, Сүүлийн засвар: 2022-03-04

Багш нарын олимпиад

Орон нутагт ажиллаж байгаа багш нарын ур чадварыг сайжруулах, хамтын ажиллагааг дэмжих, харилцан туршлага солилцох боломжоор хангах, Дархан-Уул аймгийн багш нарыг дэмжих зорилгоор Дархан-Уул аймгийн "Монгол Алт" ХК-ын захирал Ж. Мөнхтөрийн нэрэмжит хөдөө, орон нутгийн дунд ангийн багш нарийн анхдугаар олимпиадыг 3-р сарын 11, 12-нд Дархан-Уул аймагт зохион байгуулж байна. Олимпиадын удирдамжтай дараах линкээр орж танилцаарай.

Олимпиадын удирдамж

Нийтэлсэн: 2022-03-03, Сүүлийн засвар: 2022-03-03

Бүс дүүргийн олимпиадын дүн

Баруун ба зүүн бүсийн дүн эцэслэн гараагүй байна. Дүн гарсан үед шалгарсан сурагчдын нэрсийг нэмж зарлана.

Говийн бүсээс А.Үүрийнтуяа (Өвөрхангай аймаг, Мэргэд, 11-р анги), Б.Дөлгөөн (Баянхонгор аймаг, Алгоритм, 11-р анги), Б. Оюунгэрэл (Өвөрхангай аймаг, 2-р сургууль, 11-р анги) нар ахлах ангилалд тэргүүлж ММО-58-д оролцох эрх авлаа. Дунд ангилалд эрх авах сурагч хараахан гарсангүй.

Төвийн бүсээс Б.Улсболд (Хөвсгөл аймаг, Дэлгэрмөрөн цогцолбор, 12-р анги), Б.Дугаржанцан (Хөвсгөл аймаг, Эрдмийн далай, 11-р анги) нар шалгарч ММО-58-д оролцох эрх авлаа. Дунд ангилалд Б.Дөлгөөнмөрөн (Хөвсгөл аймаг, Дэлгэрмөрөн, 10-р анги), Б.Гүр-Аранз (Орхон аймаг, Эрдмийн сан, 9-р анги) нарт ММО-58-д оролцох эрх олгож байна.

Нийт эрх авсан сурагчиддаа ММО-58-д өндөр амжилт гаргахыг хүсье!

Дүүргийн олимпиадад анги (ангилал биш) тус бүрийн эхний 10 байрт шалгарсан багш, сурагчид хотын олимпиадад оролцоно. Оноо тэнцсэн тохиолдолд 10-тай аль ойрхон тоогоор тасална. Жишээ нь 8-12-р байрны сурагчид оноо тэнцсэн тохиолдолд 12 сурагч, 8-13-р байрны сурагчид оноо тэнцсэн тохиолдолд 8 сурагч хотын эрх авна. 

Одоогоор Хан-Уул, Чингэлтэй дүүргийн дүн эцэслэж гараад байна. Сүхбаатар дүүргийн хувьд ахлах ангилалд 15, дунд 2 ангилалд 20, дунд 1 ангилалд 25 хүртэл сурагч анги тус бүрээс шалгарч хотын олимпиадад оролцоно. СБД-ийн дүн нэрэмжит бодлогоо оруулж тооцох тул тусдаа дүүрэг дээрээ гарсан.

Дүнгийн явцыг та бүхэн доорх линкүүдээр орж шалгаж болно. Улаан эсвэл шар өнгөөр тодруулсан нь дахин хянагдаж байгаа эсвэл засагдаагүй материалуудын дүн юм.

Дүн эцэслэж гарах үед хот, улсын олимпиадад оролцох сурагчдын нэрсийг гаргана.

Нийтэлсэн: 2022-03-03, Сүүлийн засвар: 2022-02-28

ММОХ-оос зохион байгуулах математикийн олимпиадын хуваарь

2021-2022 оны хичээлийн жилийн олимпиадын хуваарийг шинэчилж гаргалаа.

Нийтэлсэн: 2022-03-02, Сүүлийн засвар: 2021-10-26

Бодлого хамгаалалт

Системд оруулж чадаагүй материал, бодлого хамгаалах хүсэлтийг 3-р сарын 1-ны 20 цаг хүртэл хүлээн авна.

Бодолтоо оруулж чадаагүй имэйлээр илгээсэн хүмүүс дараах холбоосоор материалаа нэмж оруулаарай. Бид имэйлтэй тулгаж шалгаад үндсэн бодолт руу нэмэх болно.

Бодлого хамгаалах хүсэлт явуулах бол өргөдлөө бичээд хамгаалах бодлогынхоо материалд нэмж оруулаарай.

Бодлого хамгаалах хүсэлтийг гаргахдаа дараах зүйлсийг анхаарна уу:

1. Хүсэлт гаргахын өмнө өөрийн багштай эсвэл математикийн олимпиадад амжилттай оролцож байсан хэн нэг оролцогчтой заавал зөвшилцөж ярилцсан байна.
2. Хүсэлт нь тодорхой үндэслэлтэй байна. Өөрөөр хэлбэл бүтэн бодолт байсан, бодлогын онооны схемийн аль заалтыг хангаж байгаа эсвэл аль заалттай эквивалент үр дүнд хүрсэн талаараа тодорхой бичсэн байна.
3. Хүсэлтийг бодлого тус бүрээр гаргана.
4. Бодлого хамгаалах үйл явц нь хоёр талын зөвшилцлийн үндсэн дээр явагдах процесс болохыг анхаарна уу.
5. Бодлого хамгаалах хүсэлтийг тухайн бодлогыг ахалж засаж байгаа ахлагч хянах бөгөөд шаардлагатай тохиолдолд бодлого зохиогчтой зөвлөлдөж онооны схемийг өөрчилнө. Онооны схемийн өөрчлөлтийг https://www.dropbox.com/s/vtpubfwhs35ayx0/2022-I-bodolt.pdf?dl=0 -ээс шалгаж болно.

Бодолтоо оруулах болон хүсэлт гаргахдаа дараах линкийг ашиглаарай.

http://www.mmo.mn/olympiads/supplements/

Нийтэлсэн: 2022-03-01, Сүүлийн засвар: 2022-02-25

Ираны геометрийн олимпиадын сертификат

Ираны геометрийн олимпиадад медаль хүртсэн сурагчид дараах линкээр медалийн батламжаа татаж аваарай.

https://drive.google.com/drive/folders/1vhziziHjlzYsWWFHGE1ByVoapgWNWoTJ?usp=sharing

Нийтэлсэн: 2022-02-24, Сүүлийн засвар: 2022-02-24

EGMO сонгон шалгаруулалтын эцсийн дүн

EGMO сонгон шалгаруулалтын комисс 2022.02.22-нд хуралдаж дүнг баталгаажууллаа. Хуралд Ү. Отгонбаяр, У. Батзориг, Г. Баярмагнай, Т. Хулан нар оролцлоо. 

Шалгарсан сурагчид:

Б. Ундрал (1-р сургууль), Н. Сувд (11-р сургууль), А. Мишээл (Орчлон), С. Болормаа (1-р сургууль)

Бэлтгэл ирэх 7 хоногийн даваа гарагт эхэлнэ. Бэлтгэл хийх газрыг мэдэгдэнэ.

Шалгаруулалтын комисс.

Нийтэлсэн: 2022-02-23, Сүүлийн засвар: 2022-02-23

Материал системд оруулах

Системд материалаа оруулж амжаагүй багш сурагчдаас олон тооны хүсэлт ирж буй тул өнөөдөр 18:00 хүртэл матерал оруулах боломжтой болгож нээлээ. Систем нээсэн үед бодлого харж болохгүй зэрэг хүндрэл байгаа тул системийг дахин нээхгүй болохыг хатуу анхаарна уу!

Бүс, дүүргийнхээ олимпиад маань 2 өдөр бодолт хийж дууслаа. Зохион байгуулах удирдамжид өөрчлөлт оруулсантай холбоотойгоор зарим багш сурагчид маань системд материалаа оруулаагүй байна. Имэйлээр ирсэн материалуудыг эх материал гэж тооцож байгаа бөгөөд шаардлагатай тохиолдолд системд оруулах, системд орсон материалтай тулгах юм. Олон тооны багш сурагчдын материалыг системд оруулахад цаг ихээр зарцууулагдах тул багш, сурагчид өөрсдийн материалийг системд оруулахаар болсон. Хэрвээ өөрийн нэвтрэх нэр, бүртгүүлсэн имэйл зэргийг мартсанаас системд нэвтэрч чадахгүй байгаа бол энэ талаар зааврыг өмнөх постоор оруулсан. Иймд материалаа оруулаагүй байгаа багш сурагчид дараа линкээр орж өөрсдийн материалыг системд оруулж бидний ажилд тусална уу. Хамтран ажиллаж байгаа та бүхэнд баярлалаа. Материал оруулахдаа өөрийн бүртгэлээр нэвтэрнэ.

Багшийн ангилал материалаа оруулах

Ахлах ангилал материалаа оруулах

Дунд 2 ангилал материалаа оруулах

Дунд 1 ангилал материалаа оруулах

Нийтэлсэн: 2022-02-22, Сүүлийн засвар: 2022-02-20

Бүс, дүүргийн олимпиадын дүн

Бүс, дүүргийн олимпиадын засалт 7 хоног орчим үргэлжилнэ гэж тооцож байна.

Засалтыг ММОХ-оос томилогдсон бодлогын ахлагч, тухайн бүс дүүргийн багш нарын хамтаар онлайнаар гүйцэтгэнэ. Бодлогуудын засалтыг

https://www.dropbox.com/s/vtpubfwhs35ayx0/2022-I-bodolt.pdf?dl=0-д байгаа онооны схемийн дагуу засах бөгөөд шаардлагатай гэж үзвэл бодлогын ахлагч онооны схемд нэмэлт засвар оруулна.

Ангилал тус бүрийн дүнг

Багшийн ангилал: http://www.mmo.mn/olympiads/results/59/

Ахлах ангилал (11-12): http://www.mmo.mn/olympiads/results/58/

Дунд 2 (9-10) ангилал: http://www.mmo.mn/olympiads/results/57/

Дунд 1 (6-8) ангилал: http://www.mmo.mn/olympiads/results/56/

холбоосуудаар үзээрэй. Засалт дууссаны дараа дүнтэй холбоотой санал, гомдлыг хүлээн авч шийдвэрлэнэ.  Иймд та бүхэн манай веб хуудсанд гарах мэдээллийг тогтмол шалгаарай.
 

Нийтэлсэн: 2022-02-21, Сүүлийн засвар: 2022-02-21

Бүс, дүүргийн олимпиадын засалт

Бүс, дүүргийн олимпиадад оролцсон багш, сурагчдын материалыг онлайнаар засна. Тус олимпиад нийт 1388 багш сурагч оролцож байгаа бөгөөд үүнээс 316 багш сурагч системд материалаа огт оруулаагүй байна. Эдгээр сурагчид өнөөдрийн дотор материалаа системд нөхөж оруулж бидний ажилд туслалцаа үзүүлнэ үү. Бодолт оруулах линкүүд өнөөдөр 13:00-18:00 цагийн хооронд дахин нээгдэнэ (зөвхөн имэйлээр бодолтын дараа илгээсэн материалыг тооцоно).

Өнөөдөр олимпиадын хороо хуралдаж тус олимпиадад бодогдсон дунд, ахлах, багш нарын ангилалд бодогдсон 16 бодлогуудыг засах комиссын ахлагчийг томилох бөгөөд эдгээр ахлагчид бүс, дүүрэг бүрээс ирүүлсэн нэрсийн жагсаалтын дагуу өөр, өөрсдийн сурагчдын материалыг засна.

Бодлогыг үнэлгээг тооцох аргачлалын эхний хувилбарууд манай сайтын бодлогууд хэсэгт орсон. Энэ аргачлалд нэмэлт өөрчлөлт орж болохыг анхаарна уу.

Засалт дуусах үед засалтын талаарх санал, гомдлыг цахимаар хүлээн авч шийдвэрлээд дүнг эцсийн байдлаар зарлана.

Жич: Сүхбаатар, Хан-Уул дүүргүүд засалтаа бие даан хийсэн тул дээр дурдсанаас өөр байдлаар дүнг тооцоно.

Нийтэлсэн: 2022-02-21, Сүүлийн засвар: 2022-02-21

Бүс, дүүргийн багш нарын олимпиад

Бүртгүүлсэн багш нарын нэрсийн жагсаалт:

http://www.mmo.mn/accounts/users/8/

Тус жагсаалтад ороогүй багш нар зөвхөн танхимаар оролцож болох ба энэ тохиолдолд 15:00 цагаас өмнө mmo58burtgel@gmail.com хаяг руу www.mmo.mn-д бүртгүүлсэн ID-гаа явуулж бүртгүүлнэ.

Багш нар мэдээллээ оруулахдаа анги хэсэгт: багш, ангилал хэсэгт: бусад гэж сонгоно.

Мэдээллээ зөв оруулсан бол:

http://www.mmo.mn/olympiads/

 хэсэгт багш нарын олимпиадын линк харагдаж байх ёстой.

Бодолт дуусах үед mmo58bagsh@gmail.com руу бодолтынхоо зургийг илгээж материалаа баталгаажуулна.

Онлайнаар шууд оролцож байгаа багш нар бодолтын үед материалаа шууд системд оруулах бөгөөд давхар имэйлээр материал явуулж баталгаажуулна. Системд материалаа оруулж амжаагүй тохиолдолд танхимаар оролцож байгаа багш нарын хамт системд оруулж болно.

Танхимаар оролцож байгаа багш нар 15:00-18:00 хооронд системд материалаа хуулна.

Онлайнаар оролцож байгаа багш нар:

https://us02web.zoom.us/j/4422824091?pwd=MUdWK3paL3F4ZFNzMTNtMXpUN2RzUT09

хаягаар холбогдож хяналтад орно.

Нийтэлсэн: 2022-02-20, Сүүлийн засвар: 2022-02-20

Материал системд оруулах

Нийт оролцогсдоос ирж буй түгээмэл асуултууд:

Асуулт: Цаасан дээрээ ID-гаа буруу бичсэн байна. Одоо яах вэ?

Хариулт: Цаасан дээр бичсэн ID-г ямар нэг байдлаар материалаа системд оруулж чадаагүй тохиолдолд зохион байгуулагчдын зүгээс системд оруулахад ашиглах юм. Хэрвээ системд материалаа системд оруулж чадсан бол ямар нэг асуудал байхгүй.

Асуулт: Зөвхөн '...' бүлгийн гишүүд оролцох эрхтэй гэсэн бичиг гарч ирж байна.

Хариулт: Энэ нь тухайн сурагч оролцох ангилалдаа бүртгүүлж жагсаалтад ороогүй эсвэл буруу ангилалд бүртгүүлсэн гэдгийг харуулж байна. Жил бүр ММОХ-ноос зохион байгуулах олимпиадуудад оролцох сурагчдын тоог зохицуулах, зохих бэлтгэл хангасан сурагчдыг олимпиадад оролцуулж байх үүднээс жил бүрийн намар I шатны сонгон шалгаруулалтыг зохион байгуулж байхаар болсон. Энэ жилийн хувьд I шатнаас 1 буюу түүнээс дээш оноо авсан сурагчид бүс, дүүргийн олимпиадад шууд оролцож байна. Энэ жилийн хувьд КОВИД цар тахлын улмаас I шатанд оролцох боломжгүй олон сурагч байсныг харгалзан нэмэлт бүртгэлийг 7 хоногийн хугацаанд явуулж мэдээлийг тухай бүрд нь оруулж явсан. Иймд бүртгүүлээгүй сурагчдын материалыг системд оруулах боломжгүй болохыг анхаарна уу.

Асуулт: Нууц үгээ мартсан байна. Одоо яах вэ?

Хариулт: www.mmo.mn сайтын бүртгэлийн систем ямар нэг асуудалгүй ажиллаж байна. Одоогоор 20000 гаруй хэрэглэгч бүртгүүлсэн бөгөөд бидний хувьд хүн бүрд тулгарч байгаа асуудлыг шийдэж өгөх ямар ч боломжгүй юм. Иймд та бүхэн хувьдаа илүү хариуцлагатай байхыг хүсье. Нууц үг сэргээхэд дараах түгээмэл асуудал тулгарч байна. 

1. Нууц үг сэргээх имэйл ирэхгүй байх. Бүртгүүлсэн имэйл хаягаа зөв эсэхийг шалгах. Үүнийг нийт шалгарсан сурагчдын жагсаалтаас шалгах боломжтой. Имэйл хүлээж авч байгаа эсэх. Сүүлийн үед хэмжээ хэтэрсэн шалтгаанаар олон мэйл буцаж ирж байна. Түүнчлэн спам, жанк мэйл-д очсон эсэхийг шалгах.
2. Хэрэглэгчийн нэрээ санахгүй байх. Шалгарсан сурагчдын хувьд дээрх жагсаалтаас харж болно. Нэг имэйл хаягаар олон хэрэглэгч бүртгүүлсэн тохиолдолд хэрэглэгч тус бүрд шинээр нууц үг оруулах линк имэйлээр очино.
3. Нууц үг шинээр үүсгэхдээ том, жижиг үсэг, тоо болон тусгай тэмдэгт оролцуулсан байх шаардлагатай.
4. Таны үүсгэсэн нууц үг системд нууцлалтайгаар хадгалагддаг тул нууц үгийг тань бид мэдэх боломжгүй юм. Иймд та заавал нууц үг шинээр үүсгэж байж системд нэвтэрнэ.

Асуулт: Материалаа системд оруулж чадаагүй сурагчид яах вэ?

Хариулт: Шалгалтын дараа заасан имэйл хаягаар илгээсэн материалыг эх материал гэж тооцно. Бидний хувьд орхигдсон материалийг имэйл хаягаас шүүж системд хуулж болох ч энэ нь засалтыг удаашруулах тул дутуу оруулсан материалаа 20-ны өдрийн 15:00-18:00 хооронд нөхөж оруулна уу. Багш сурагчид өөрсдийн системд оруулсан материалыг дүнгийн дэлгэрэнгүй жагсаалтаас харах боломжтой. Имэйлээр илгээсэн болон системд оруулсан материал зөрсөн тохиолдолд тухайн оролцогчийг олимпиадаас хасна.

Нийтэлсэн: 2022-02-20, Сүүлийн засвар: 2022-02-20

Бүс дүүрэг онлайн камер хяналт

 Дараах линкээр холбогдож хяналтад ороорой.

MMOC NGO is inviting you to a scheduled Zoom meeting.

Topic: MMOC NGO's Personal Meeting Room

Join Zoom Meeting
https://us02web.zoom.us/j/4422824091?pwd=MUdWK3paL3F4ZFNzMTNtMXpUN2RzUT09

Meeting ID: 442 282 4091
Passcode: 3g3q8Q

Нийтэлсэн: 2022-02-19, Сүүлийн засвар: 2022-02-19

Материал системд хуулах

ММО-58, Бүс дүүргийн олимпиадын бодолт дуусч байна. Та бүхэн бүгдээрээ зааврын дагуу өөрсдийн материалыг имэйлээр илгээсэн гэж бодож байна. Одоо хүн бүр өөрсдийн материалыг цахим системд оруулах шаардлагатай. Хүн бүрийн имэйлээр явуулсан материал цахим системд оруулах материалтай таарч байх ёстой. Зөрсөн тохиолдолд олимпиадаас хасах хүртэл арга хэмжээ авах тул нийт оролцогсод хариуцлагатай байхыг хүсье. Дараах линкүүдийг бид 15:00-17:00 цагт нээгдэхээр тохируулна. Та бүхэн амжиж материалаа оруулаарай.

Ахлах ангилал материалаа оруулах

Дунд 2 ангилал материалаа оруулах

Дунд 1 ангилал материалаа оруулах

Ямар нэг байдлаар системд нэвтэрч чадахгүй байгаа сурагчид baysa.edu@gmail.com руу материал илгээсэн имэйл хаягаасаа хүсэлт явуулж материалаа системд байршуулна.

Хэрвээ материалаа оруулж чадахгүй байгаа бол дээрх жагсаалтад байгаа username ашиглаж нэвтэрсэн эсэхээ сайтар шалгана уу! Хугацааг 18 цаг болгож сунгалаа. Нууц үгээ санахгүй бол жагсаалтаас бүртгүүлсэн имэйл хаягаа харж сэргээнэ үү!

Нийтэлсэн: 2022-02-19, Сүүлийн засвар: 2022-02-19

Бүс дүүргийн олимпиад №7, Маш чухал

Сурагчдын бодолт УБ-ийн цагаар 19-ны өдрийн 10 цагт эхэлнэ. Багш нарын бодолт 20-ны өдрийн 10 цагт эхэлнэ. Үүнээс өмнө бүс дүүргийн олимпиадад оролцогч нийт багш сурагчид дараах зүйлстэй заавал танилцаарай.

1. Оролцогч бүр өөрийн www.mmo.mn-д бүртгүүлсэн ID дугаарыг мэдэж байх. Олимпиадад оролцохын өмнө сайтад саадгүй нэвтэрч байгаа эсэхээ шалгах.
2. Оролцогч бүр өөрийн нэрийг нэрсийн жагсаалтад байгаа эсэхийг шалгах.
   1. Бага ангилалд оролцох сурагчид
   2. Дунд 1 ангилалд оролцох сурагчид
   3. Дунд 2 ангилалд оролцох сурагчид
   4. Ахлах ангилалд оролцох сурагчид
   5. Багшийн ангилалд оролцох багш нар
3. Бага ангиллын сурагчид олимпиадад цахимаар оролцоно. Дунд, ахлах болон багшийн ангилал шалгалтын төвүүдэд зохион байгуулагдана.
4. Дунд, ахлах болон багшийн ангилалд оролцогчид олимпиадад оролцох газраа урьдчилж мэдсэн байх ба зохион байгуулагчийн заасан цагт очиж оролцоно. Оролцох газраа мэдэхгүй бол бүс, дүүрэг хариуцсан хүнтэй холбогдож лаваарай. Холбогдох мэдээллийг нь өмнө нь оруулсан.
5. Хэрвээ тухайн бүс, дүүрэгт нэгдсэн байдлаар зохион байгуулаагүй бол олимпиадад цахимаар оролцоно. Энэ тохиолдолд ZOOM,  Microsoft teams аппликэйшн суулгаж онлайнаар холбогдох бэлтгэлтэй байна. Цахимаар бол 09:30 гэхэд холбогдож камер шаардлага хангаж байгаа эсэхийг шалгуулах ба шалгалтын туршид хянагч багшийн зааврыг биелүүлэх үүрэгтэй. Холбогдох линкийг www.mmo.mn сайтад байршуулсан байна.
6. Оролцогч бүр халдвар хамгааллын дэглэмийг чанд сахина. Хэрвээ ковидын халдвар авсан нь тогтоогдсон бол нотлох баримтын үндсэн дээр цахимаар сорилгод оролцож болно. Энэ тохиолдол нотлох баримтыг бодолттой хавсаргаж имэйлээр явуулна.
7. Цахимаар оролцож байгаа багш сурагчид шалгалтын цаг дууссанаас хойш 5 минутын дотор дараах имэйл хаягууд руу өөрийн бодолтыг илгээнэ. Энэ нь шалгалтын үндсэн эх материалд тооцогдох тул заавал илгээх шаардлагатай. Түүнчлэн шалгалтын явцад учирч болзошгүй техникийн саатлыг (веб сервер унах зэрэг) тооцон дараах имэйл хаягуудыг тусд нь тэмдэглэж хадгалаарай.
   1. Бага ангилал mmo58baga@gmail.com (зөвхөн ямар нэг саатлын улмаас хариултаа онлайнаар илгээж чадаагүй гэж үзвэл өөрийн хариултууд болон ID-г бичиж явуулна.)
   2. Дунд 1 ангилал mmo58dund1@gmail.com
   3. Дунд 2 ангилал mmo58dund2@gmail.com
   4. Ахлах ангилал mmo58ahlah@gmail.com
   5. Багш нар mmo58bagsh@gmail.com
8. Шалгалтын төвд очиж оролцож байгаа багш сурагчдын хувьд өөрсдийн материалын зургийг хянагч багшийн хяналт дор авч дээрх хаягуудаас аль тохирох руу нь илгээгээд, дараа нь 2 цагийн дотор http://www.mmo.mn/olympiads/ хаягаар системд оруулна. Системд хуулсан материал нь эх материалтайгаа тохирч байх ёстой. Тохироогүй тохиолдолд олимпиадаас хасах хүртэл арга хэмжээ авна. Хэрвээ зургийг ямар нэг байдлаар оруулах боломжгүй бол тусгай тэмдэглэл хийлгэж хянагч багшид хураалгана. Энэ тохиолдолд материалыг хянагч багш дээр дурдсан хаягаар илгээнэ.
9. Бодолт бүрийг тусдаа цаасан дээр бичих ба цаас бүр дээр бодлогын дугаар, хуудасны тоо (2-1 гэх мэтээр) болон өөрийн ID-г тодоор бичиж тэмдэглэсэн байна.

Нийтэлсэн: 2022-02-18, Сүүлийн засвар: 2022-02-18

EGMO сорилгын урьдчилсан дүн

EGMO сорилгын урьдчилсан дүн гарлаа. Оноог дахин хянуулах хүсэлтэй хүмүүс багштайгаа зөвлөлдсөний үндсэн дээр egmo2022mon@gmail.com хаяг руу хүсэлтээ явуулна уу.

http://www.mmo.mn/olympiads/results/egmo/

Нийтэлсэн: 2022-02-18, Сүүлийн засвар: 2022-02-18

Бүс дүүргийн олимпиад №6

Дүүрэг бүс хариуцаж буй хүмүүс олимпиад зохион байгуулах төвүүдийнхээ бодлого хүлээн авах имэйл хаягуудыг яаралтай baysa.edu@gmail.com хаягаар явуулаарай.

Нийтэлсэн: 2022-02-18, Сүүлийн засвар: 2022-02-18

Бүс дүүргийн олимпиад №5

Бүс, дүүргийн олимпиадын бодолт 2-р сарын 19-нд УБ-ийн цагаар 10:00-д эхэлнэ. Багш нарын бодолт 2-р сарын 20-нд УБ-ийн цагаар 10:00-д эхэлнэ.

Дунд 1 ангилал 150 минут, Дунд 2 ангилал 180 минут, Ахлах ангилал, Багшийн ангилал 210 минут бодолт хийнэ. Тус бүр 4 бодлого бодож хугацаа дуусах үед серверт бодолтоо хуулна.

Бага ангиллын сурагчид нөхөх тестийг онлайнаар гэрээсээ гүйцэтгэнэ. Бага ангилалд ямар нэг камерийн хяналт байхгүй. Бодох хугацаа 60 минут.

Дунд, Ахлах ангилаллын сурагчид дүүрэг, бүс хариуцсан хүнтэй холбогдож хэрхэн оролцох талаар мэдээлэл авна. Нэг сургуулиас олон сурагч оролцож байгаа тохиолдолд өөрийн сургууль дээрээ камерийн хяналттайгаар зохион байгуулах, цөөн сурагч бол гэрээсээ эсвэл дүүрэг, бүсээс зарласан газар очиж олимпиадад оролцох зэргээр шийдэж байгаа. Энэ нь дүүрэг, бүс бүрд өөр, өөрөөр зохион байгуулагдаж байгаа тул одоогоор хэрхэн оролцохоо мэдэхгүй байгаа бол өөрийн багшаар дамжуулан бүс, дүүрэг хариуцсан хүнтэй холбогдож лавлаарай.

Дунд, Ахлах ангийн сурагчид ямар нэг байдлаар эсвэл нэгдсэн камерийн хяналтад орно, эсвэл сургууль дээрээ оролцох ёстой. Ямар нэг байдлаар хяналтад хамрагдаагүй сурагчдийн дүнг хүчингүйд тооцно. Иймд ямар байдлаар хамрагдахаа мэдэхгүй тохиолдолд дээр дурдсан бүс, дүүрэг хариуцаж буй хүнээс лавлаж асуугаарай.

Нийтэлсэн: 2022-02-17, Сүүлийн засвар: 2022-02-17

Бүс дүүргийн олимпиад №4

Бүс, дүүргийн олимпиад хариуцсан хүмүүсийн нэрс. Эдгээр хүмүүс дүүрэг, бүсийн бусад сургуулиудтай ярилцаад зохион байгуулалт хийнэ. Дүүргийн бусад сургуулиудаас асууж тодруулах зүйлс байвал эдгээр хүмүүстэй холбогдож асуугаарай. Бусад хүмүүс mmo.mn сайтад гарах мэдээллийг түр хүлээнэ үү. Сонгино-Хайрхан дүүргээс хуралд оролцсон, хариуцах хүн одоогоор байхгүй тул дүүрэгтээ олимпиад зохиох хүсэлтэй багш нар baysa.edu@gmail.com хаягаар холбогдоорой.

Нийтэлсэн: 2022-02-14, Сүүлийн засвар: 2022-02-14

Бүс дүүргийн олимпиад №3, Техникийн зөвлөгөөн

Техникийн зөвлөгөөнд дараах линкээр оролцоорой.

MMOC NGO is inviting you to a scheduled Zoom meeting.

Topic: MMOC NGO's Zoom Meeting
Time: Feb 14, 2022 07:00 PM Asia/Ulaanbaatar

Join Zoom Meeting
https://us02web.zoom.us/j/4422824091?pwd=MUdWK3paL3F4ZFNzMTNtMXpUN2RzUT09

Meeting ID: 442 282 4091
Passcode: 3g3q8Q

Нийтэлсэн: 2022-02-14, Сүүлийн засвар: 2022-02-14

Бүс дүүргийн олимпиад №2

Бүс дүүргийн олимпиадад нэмэлтээр бүртгүүлэх багш сурагчид дараах зүйлсийг ирүүлнэ үү. Шаардлага хангаагүй сурагчдыг бүртгэхгүй болохыг анхаарна уу!

1. mmo.mn-д бүртгүүлсэн бүртгэлийн дугаар. http://www.mmo.mn/accounts/profile/-ээс дугаараа харж болно.
2. Нэмэлтээр бүртгүүлэх сурагчид бүс, дүүргийн олимпиадад байр эзэлсэн гэрчилгээний хуулбар эсвэл түүнтэй дүйх хэмжээний (УБ оноотой олимпиадууд) уламжлалт хэлбэрийн олимпиадад үзүүлсэн амжилтын батламжийн хуулбарыг ирүүлнэ.

Бүргэгдсэн багш, сурагчид

Бүртгүүлсэн багш нар (бүртгэл бүрэн бус байгаа нэмж бүртгэл явагдаж байна.)

Бага ангилалд тэнцсэн сурагчид

Дунд 1 ангилалд тэнцсэн сурагчид

Дунд 2 ангилалд тэнцсэн сурагчид

Ахлах ангилалд тэнцсэн сурагчид

Нийтэлсэн: 2022-02-11, Сүүлийн засвар: 2022-02-11

Бүс дүүргийн олимпиад №1

Дараах сургуулиуд техникийн зөвлөгөөнд оролцох багшийнхаа нэрийг mmo58burtgel@gmail.com-д бүртгүүлж техникийн зөвлөгөөнд заавал оролцоно уу.

Нийтэлсэн: 2022-02-09, Сүүлийн засвар: 2022-02-09

ММО-58, Бүс, дүүргийн олимпиадын удирдамж

Зорилго: Ковид цар тахлын үед ямар нэг эрсдэл үүсгэхгүйгээр ММО-58-д оролцох УБ хотын дүүргүүдийн багийг тодруулах, орон нутгийн сурагчдад нэмэлт эрх олгох шалгаруулалтыг зохион байгуулах.

Хугацаа:

2022 оны 2-р сарын 19-нд сурагчид,

2022 оны 2-р сарын 20-нд багш нар бодолт хийнэ.

Ангилал: Бага (5 хүртэлх анги), Дунд 1 (6-8), Дунд 2 (9-10), Ахлах (11-12), Багш.

Дүнгийн жагсаалтыг анги тус бүрээр гаргана.

Зохиогдох хэлбэр: Уламжлалт хэлбэрээр 4 бодлого бодно. Багш, сурагчид өөрсдийн сургууль дээрээ хянагч багшийн хяналт дор бодолтоо хийж хугацаа дууссаны дараа www.mmo.mn-д бодолтоо оруулна. Засалтыг бүс, дүүргийн багш нарын төлөөлөл ММОХ-ын бодлого хариуцсан даамалтай хамтран хийнэ. Дүнг бүс, дүүрэг бүрээр тус тусд нь гаргаж 9, 10, 11, 12-р ангид (ангилал биш) хамгийн өндөр оноо авч түрүүлсэн сурагчид, багш нарын ангилалд дүүрэгтээ эхний 2 байрт шалгарсан багш нарт mmo-58-д оролцох эрх олгоно (хангалттай оноо аваагүй гэж үзвэл эрх олгохгүй байж болно).

Оролцох эрхтэй багш, сурагчид: 2021-2022 оны I шатны сонгон шалгаруулалтад (2021 оны 10-р сард зохиогдсон) 1-ээс багагүй оноо авсан сурагчид, УБ хотын багш нар.

Оролцох багш нар mmo58burtgel@gmail.com хаягаар

1. Овог, нэр
2. Сургууль
3. www.mmo.mn-д бүртгүүлсэн бүртгэлийн дугаараа

ирүүлж бүртгүүлнэ.

Дээрх шаардлагыг хангасан сурагчид тусгайлан бүртгүүлэх шаардлагагүй.

Бага ангилалд тэнцсэн сурагчид

Дунд 1 ангилалд тэнцсэн сурагчид

Дунд 2 ангилалд тэнцсэн сурагчид

Ахлах ангилалд тэнцсэн сурагчид

I шатны сонгон шалгаруулалтад хүндэтгэн үзэх шалтгааны улмаас оролцож чадаагүй (ковид гэх мэт), өмнө нь бүс дүүргийн олимпиадад оролцож медаль хүртэж байсан сурагчид mmo58burtgel@gmail.com хаягаар холбогдох материалаа ирүүлэн нэмэлтээр бүртгүүлж болно.

Хяналт: Оролцож буй сургууль бүр хянагч багш томилж, бодолт хийж буй багш сурагчдыг хянах бөгөөд олимпиад зохион байгуулж байгаа газрууд камерийн хяналт дор олимпиадыг зохион байгуулна. Бага ангийн сурагчид гэрээсээ онлайнаар оролцоно.

Техникийн зөвлөгөөн: 2-р сарын 14-ны 19:00 цагаас ZOOM-ээр явагдана. Линкийг сайтаар зарлана. Зөвлөгөөнд хяналт зохион байгуулах багш нар оролцоно. Эхний шалгаруулалтаас тэнцсэн сурагчид бүхий сургуулиудын жагсаалтыг удахгүй гаргах ба энэ жагсаалтанд орсон сургууль бүр хяналтыг ахлах багшаа оролцуулна.

Шагнал: ММОХ-ын зүгээс зөвхөн шалгарсан багш сурагчдад эрх олгох бөгөөд бүс, дүүргүүд амжилттай оролцсон багш, сурагчдаа шагнаж болно.

Нийтэлсэн: 2022-02-07, Сүүлийн засвар: 2022-02-07

EGMO сорилгод оролцогсдын анхааралд №2

EGMO сонгон шалгаруулалт №1-ын засалт үргэлжилж байна. Одоогоор 2, 6 бодлогын засалт дуусаагүй байна.

1-р өдрийн 3-р бодлого дээр ирж байгаа хүсэлтийг харгалзан үзэн комисс томилон материалууд болон, засалтыг дахин хянаж үзэхээр боллоо. I өдрийн бодлогууд-аас тус бодлогыг зассан шабломыг харж болно.

Математикийн олимпиадын материалыг засах болон дүгнэх нь мэргэжлийн үйл ажиллагаа байдаг тул аливаа хүсэлтээ өөрийн багштайгаа зөвлөлдсөний үндсэн дээр багшаараа дамжуулж гаргана уу. Хүсэлтийг egmo2022mon@gmail.com хаягаар авч байна.

Нэмэлт: Эхний шалгаруулалтын дүн гарч дууссан. 2022.02.06 14:13.

Нийтэлсэн: 2022-02-06, Сүүлийн засвар: 2022-02-06

EGMO сорилгод оролцогсдын анхааралд №1

Европын охидын математикийн олимпиадын сонгон шалгаруулалтын I сорилго 2022 оны 1-р сарын 28, 29-ны 13:30-18:00-д МУИС-ийн 1-р байрны 133 тоотод болно (анги өөрчлөгдсөнийг анхаарна уу).

Шалгаруулалтад зөвхөн урьдчилж бүртгүүлсэн сурагчид оролцоно. Дор бүртгүүлсэн сурагчдын нэрс байгаа.

Бодолтоо танхимд хийх бөгөөд бодолтын дараа материалыг www.mmo.mn-д байршуулж засах тул оролцогсод боломжтой бол өөрсдийн бодолтын зургийг авах гар утастай ирэх (заавал интернеттэй байх шаардлагагүй) ба mmo.mn-д бүртгүүлсэн ID-гаа мэдэж байх шаардлагатай (өөрсдийн ID-гаа http://www.mmo.mn/accounts/profile/ хаягаар орж харж болно).

EGMO шалгаруулалтын комисс Г.Баярмагнай, У.Батзориг, Д.Даянцолмон, Т.Хулан нарын бүрэлдхүүнтэй ажиллаж байна.

Нийтэлсэн: 2022-01-26, Сүүлийн засвар: 2022-01-26

ЕGМО сонгон шалгаруулалт (Европын охидын математикийн олимпиад)

Энэ оны 4-р сард зохион байгуулагдах 11-р EGMO-д манай улсын баг онлайнаар оролцохоор боллоо. Оролцох 4 эмэгтэй сурагчыг 1-р сарын 28, 29, 2-р сарын 12, 13-нд зохион байгуулах сорилгуудын нийлбэр дүнгээр тодруулна. Цаг болон зохион байгуулах газрыг жич зарлана. Оролцох сурагчид egmo2022mon@gmail.com хаягаар яаралтай бүртгүүлнэ үү! Олимпиадад оролцоход ямар нэг төлбөр байхгүй. Сонгон шалгаруулалтад 2021 оны намар зохиогдсон I шатны сорилгын дунд 2 болон ахлах ангилалд оролцож оноо авсан эмэгтэй сурагчид оролцох эрхтэй.

Одоогоор шаардлага хангаж бүртгүүлсэн сурагчид. Бүртгэлийг 1-р сарын 26 хүртэл явуулна.

Нийтэлсэн: 2022-01-20, Сүүлийн засвар: 2022-01-13

Бүс, дүүргийн олимпиад

Бүс дүүргийн олимпиадыг 2022 оны 2-р сарын 19-нд зохион байгуулахаар төлөвлөж байна. Дэлгэрэнгүй мэдээллийг удахгүй хүргэнэ.

Нийтэлсэн: 2022-01-14, Сүүлийн засвар: 2022-01-14

ИГО дүн

ИГО-ийн дотоодын засалтыг хийж дууслаа. Ангилал тус бүрд эхний 4 байрт байгаа сурагчдын материалыг зохион байгуулагчид руу явуулна. Хөдөө орон нутагт шалгаруулт зохион байгуулсан багш нар шалгарсан сурагчдын материалыг сканнердаж baysa.edu@gmail.com хаягаар ирүүлээрэй.

Анхан шат ангиллын дүн

Дунд ангиллын дүн

Ахлах, чөлөөт ангиллын дүн

Олимпиадад амжилттай орролцсон нийт багш, сурагчиддаа баяр хүргэе!

Нийтэлсэн: 2021-11-22, Сүүлийн засвар: 2021-11-22

ИГО засалт

ИГО-ийн засалтыг онлайнаар хийхэд бэлэн боллоо. Бид багш сурагчдын материалыг онлайнд бүрэн оруулж дууслаа. Олимпиадад оролцогсод өөрсдийн материалыг http://www.mmo.mn/olympiads/student/materials линкээр орж шалгаад дутуу, эсвэл буруу орсон бол baysa.edu@gmail.com хаягаар холбогдож мэдэгдэнэ үү. Засалтыг энэ долоо хоногт дуусгахаар төлөвлөж байна.

Нийтэлсэн: 2021-11-10, Сүүлийн засвар: 2021-11-10

ИГО дүнгийн талаар

ИГО-ийн маркинг схем одоогоор ирээгүй байна. Маркинг схем ирсний дараа засалтыг хийж дүнг www.mmo.mn сайтаар танилцуулна.

Нийтэлсэн: 2021-11-08, Сүүлийн засвар: 2021-11-08

ИГО-д бүртгүүлсэн багш нар

Бүртгүүлсэн багш нар зохион байгуулах ажилд оролцож байгаа бол тус олимпиадад оролцохгүй байна уу. Нийт багш нартаа амжилт хүсье!

Нийтэлсэн: 2021-11-04, Сүүлийн засвар: 2021-11-04

Ираны Геометрийн Олимпиадын тухай

Тус олимпиад нь 2014 оноос хойш зохиогдож байгаа олимпиад юм. Энэ жил 8 дахь удаагаа зохион байгуулагдаж байгаа бөгөөд Монгол улс анх удаагаа албан ёсоор оролцох гэж байна.

ИГО нь 7-8 анги, 9-10 анги, 11-12 анги болон чөлөөт ангилал гэсэн 4 ангиллаар зохион байгуулагддаг. Чөлөөт ангилал нь 11-12-р ангийн сурагчидтай ижил бодлого бодож уралдана. Ангилал тус бүрийн хамгийн өндөр оноотой зөвхөн 4 сурагчийн материалыг дотооддоо шалгаруулж зохион байгуулах комисс руу явуулна. Өөрөөр хэлбэр эдгээр 4 сурагч албан ёсоор ИГО-д оролцож, дүнгийн жагсаалтад орно.

ИГО албан ёсны веб хуудас: https://igo-official.com/

2020 онд дэвшигдсэн бодлогууд, дүн: https://igo-official.com/?p=3225

Нийтэлсэн: 2021-11-02, Сүүлийн засвар: 2021-11-02

Ираны Геометрийн Олимпиадад шалгарсан сурагчдын анхааралд

Олимпиадын бодолт 11-р сарын 5-ны 13:30-д эхлэх тул 13:15 гэхэд Нийслэлийн I дунд сургууль дээр бэлэн байна уу!

Хөдөө орон нутгаас шалгарсан сурагчид тус олимпиадад оролцох бол УБ хотод ирж оролцоно. Зөвхөн шалгарсан сурагчид оролцох боломжтой гэдгийг анхаарна уу! Шалгарсан сурагчдын нэрсийг өмнө зарласан.

Олимпиадын чөлөөт ангилалд оролцох хүсэлтэй багш, оюутнуудыг baysa.edu@gmail.com хаягаар бүртгэнэ. Цар тахлын улмаас оролцогсдын тоонд хязгаар тавихыг анхаарна уу!

Үзэг, харандаа, горьтог, шугамаа хувиасаа бэлдэж ирнэ.

Нийтэлсэн: 2021-11-02, Сүүлийн засвар: 2021-11-02

Ираны Геометрийн Олимпиад

Ираны геометрийн олимпиад 11-р сарын 5-нд болно. Энэ жилээс эхлэн ММОХ, 1-р сургуультай хамтран Монголд зохион байгуулж байхаар болсон. Тус олимпиадад оролцох сурагчдыг I шатны сорилгын геометрийн бодлогуудаар шалгарууллаа. Шалгарсан сурагчдын нэрсийг дараах линкээр орж үзнэ үү!

Шалгарсан сурагчид.

Нийтэлсэн: 2021-11-01, Сүүлийн засвар: 2021-11-01

Дүнгийн талаар

Дүнтэй холбоотой санал хүсэлтийг барагдуулж дууслаа.

Дүнг олимпиадын хороогоор хэлэлцээд шалгарсан сурагчдын нэрсийг танилцуулна.

Ираны геометрийн олимпиадад оролцох сурагчдын нэрсийг удахгүй зарлана.

Бага 1 (1-2) хувийн дүн үзэх

Бага 2 (3-5) хувийн дүн үзэх

Дунд 1 (6-8) дүн, I өдөр

Дунд 1 (6-8) дүн, II өдөр

Дунд 2 (9-10) дүн, I өдөр

Дунд 2 (9-10) дүн, II өдөр

Ахлах (11-12) дүн, I өдөр

Ахлах (11-12) дүн, II өдөр

Нийтэлсэн: 2021-10-31, Сүүлийн засвар: 2021-10-31

Мэдээ

Эхний өдрийн дүн 16:00 цагт гарна.

Дүн түр саатаж байна. 17:00 цагт гарна.

Эхний өдрийн урьдчилсан дүн гарсан. Дүнг олимпиадын дүн хуудсанд байршуулсан. Дунд ахлах, ангийн сурагчид жагсалт харж болно. Бага ангийн сурагчид зөвхөн өөрсдийн дүнг харж болно.

Хоёр дахь өдрийн дүн 18:00 цагт гарна. Дүнг сурагч бүр өөрсдийн илгээсэн хариултаа харж болохоор гаргана.

Дүнтэй холбоотой гомдлыг үргэлжлүүлэн baysa.edu@gmail.com хаягаар хүлээн авч байна. Шийдвэрлэж дууссаны дараа эцсийн дүнг зарлана.

Нийтэлсэн: 2021-10-31, Сүүлийн засвар: 2021-10-31

Олон давтамжтай асуултууд

Асуулт: www.mmo.mn-д хэрхэн бүртгүүлэх вэ?

Хариулт: Вебэд бүртгүүлэх, Анх удаа нэвтрэх заавар видеонуудыг анхаартай үзнэ үү!

Асуулт: www.mmo.mn-д бүртгүүлсэн ID-гаа яаж мэдэх вэ?

Хариулт: ID-гаа харах заавар видеог үзнэ үү!

Асуулт: Нууц үгээ мартсан яах вэ?

Хариулт: Нэвтрэх хэсэгт нууц үг сэргээх товч бий. Шинээр нууц үүсгэхдээ том, жижиг үсэг, тоо тусгай тэмдэгт заавал оролцуулна. Заавар бичлэг

Асуулт: Бүртгүүлсэн чинь баталгаажуулах и-мэйл ирэхгүй байна яах вэ?

Хариулт: Бүртгэл хэвийн явагдаж байгаа. Та бүртгүүлэхдээ имэйл хаягаа зөв оруулсан эсэх, имэйл хүлээн авч байгаа эсэх, spam, junk мэйлд орсон эсэхийг тус, тус шалгаж үзээрэй! Бүр болохгүй тохиолдолд өөр имэйл хаяг ашиглаж бүртгүүлээрэй.

Асуулт: Нэг имэйл хаягаар олон сурагч бүртгүүлж болох уу?

Хариулт: Болно. Бага ангийн сурагчдын хувьд багш нь өөрийн хаягаа ашиглан олон сурагч бүртгүүлж болно. Энэ тохиолдолд нууц үг сэргээх имэйл багшид очих тул сурагч нэвтэрч орсныхоо дараа имэйл хаягаа сольж болно.

Асуулт: Олимпиадад оролцох линк ирэхгүй байна яах вэ?

Хариулт: Олимпиадад оролцоход ямар нэг линк шаардлагагүй, зөвхөн бүртгүүлээд ангиллаа зөв сонгоод Олимпиадад оролцох хуудаст очиход хангалттай!

Асуулт: Тестийн сорилгын бодлого нь хаана байна вэ?

Хариулт: Тестийн сорилго нь зөвхөн тестийн программтай танилцуулах зорилготой. Бодлого бодохгүй.

Асуулт: Ямар утасны дугаараар холбогдох вэ?

Хариулт: Санал хүсэлтийг baysa.edu@gmail.com хаягаар хүлээж авч байна, ажлын хажуугаар утасны дуудлага бүрд хариу өгөх боломжгүй, мөн тусгайлан хүмүүст хариулт өгөх боломжгүй гэдгийг та бүхэн ойлгоно гэж найдаж байна!

Нийтэлсэн: 2021-10-29, Сүүлийн засвар: 2022-02-15

Тестийн сорилгодоо оролцоорой!

Олимпиад цэсний Олимпиадад оролцох хэсэгт тестийн сорилгууд тавигдсан. Бүх сурагчдыг тестийн сорилгод оролцож програмтай танилцахыг зөвлөж байна.

Нийтэлсэн: 2021-10-27, Сүүлийн засвар: 2021-10-27

I шатны сонгон шалгаруулалтын хуваарь

Ахлах ангилал (11-12) 10-р сарын 30, 31-нд 9:00-10:30.

Дунд 2 ангилал (9-10) 10-р сарын 30, 31-нд 9:00-10:30.

Дунд 1 ангилал (6-8) 10-р сарын 30, 31-нд 11:00-12:30.

Бага 1 (1-2), Бага 2 (3-5), 10-р сарын 30-нд 13:00-14:00.

Ахлах дунд ангилалд өдөр бүр 8 бодлого, бага ангилал 6 бодлого бодно.

I шатны сонгон шалгаруулалтаар сурагчдыг байр эзлүүлэхгүй, зөвхөн дараагийн шатанд шалгарах сурагчдыг шалгаруулна. Шалгарах сурагчдын тоог олимпиадын хорооны хурлаар шийдвэрлэнэ.

Нийтэлсэн: 2021-10-26, Сүүлийн засвар: 2021-10-26

I шатны сонгон шалгаруулалтын удирдамж

Математикийн олимпиадын хорооноос олимпиадад дур сонирхолтой сурагчдыг олимпиадад бүрэн хамруулах, үндсэн даваанд зохих бэлтгэл хангасан сурагчдыг сонгон оролцуулахад тестийн шатны сорилго ихээхэн үр дүнтэй гэж үзэж байгаа тул 2021-2022 оны хичээлийн жилээс эхлэн I шатны шалгаруулалтыг зохион байгуулж байна.

IMO, APMO, IGO, EGMO-ийн сонгон шалгаруулалтад оролцох сурагчид болон бүсийн математикийн олимпиадад оролцох сурагчид тус шалгаруулалтад заавал оролцох шаардлагатай.

Анхаарах зүйлс

I шатны шалгаруулалтад оролцох сурагчид www.mmo.mn цахим хуудсанд бүртгэл үүсгэн, өөрийн мэдээллээ үнэн зөв оруулсан байх.

Сурагч тухайн хичээлийн жилд нэг л ангилалд оролцож болох тул ангиллаа зөв сонгох (IMO 2-р шатны сорилгод дунд ангийн сурагч оролцож болно.)

Сурагчид ангилал өгсөж оролцохыг зөвшөөрөх ба ангилал уруудаж орохыг зөвшөөрөхгүй.

Тестийн программтай танилцаж, тестийн сорилгод оролцсон байх.

Тестийн сорилго 2021-10-27-ноос 29-ныг дуустал олимпиад цэсний олимпиадад оролцох хэсэгт байрлана.

Сайтад бүртгүүлэх Бүртгэлийн заавар үзэх

Нийтэлсэн: 2021-10-26, Сүүлийн засвар: 2021-10-26